點擊上方 ↑↑ 即可關注「金句王」
阿俊戴綠帽了。
案發地點系喺佢同女朋友一齊住嘅屋企。
佢唔系自己撞破，系佢有一排發覺關係有啲唔對路，問起佢女朋友嘅細妹。
佢細妹又竟然大義滅親，同佢講：
有次諗住上去拎嘢，事前打俾阿俊，明明話屋企無人，但系上到門口，就聽到佢家姐喺屋入面同一個男人發出「果種聲音」。
最後，梗系攤牌啦。
分咗手之後個女仔就同咗果個男人一齊，阿俊亦都搬走咗。
但系唔知阿俊系死心眼定還是長情，佢一直都等緊個女仔回心轉意。
半年後嘅近排，個女仔真系俾個男人飛咗，翻返嚟搵佢。
身邊嘅朋友當然叫佢諗清楚，甚至乎叫佢唔好啦。
但系阿俊就獨排眾議，決定同返個女仔一齊，仲搬埋返一齊住。
一齊返之後，阿俊一路都無咩聲氣，直至上個禮拜約我出嚟兩個人單獨吹水。
佢問：「其實雨過天晴之後，系咪真系咩事都無？」
「呢個真系要問你自己喎，你而家覺得點啊？仲有，你當初選擇等佢嘅時候，究竟系諗緊咩嘅呢？」
「我覺得我鍾意佢，果時我諗，我先應該系最適合佢嘅人，只系佢果刻發現唔到，佢最終一定會明白。」
「咁會唔會即系你覺得你系最啱佢果個，你想證明呢樣嘢，所以你等佢返轉頭呢？」
阿俊無正面答我呢個問題，直接答返我再對上一條問題：
「一齊返嘅感覺，一開始時系好開心嘅，因為佢終於都回心轉意。但系之後我自己嘅一啲反應，系連我都始料不及。我覺得自己而家變到疑神疑鬼，成日懷疑呢樣懷疑果樣，好容易就會妒忌同埋發脾氣，特別系返到屋企嘅時候……」
佢終於都直接講佢諗緊咩了，所以，我都唔客氣：
「你嘅意思系，你喺間屋度會幻想佢曾經喺唔同角落，同果個男人搞嘢嘅情景，系咪？」
佢冷不防我咁直接，呆咗幾秒無答，所以我再直接啲講：
「系！系你女朋友偷食在先，系佢唔啱！但系你絕對有權利選擇同唔同返佢一齊，既然你心底系介意，又或者自己實際上其實無自己想像中咁大方，就咪鬼一齊返。
但any肥，我同你女朋友唔熟，所以都系講返你果筆。我唔知你一開頭系錯誤評估咗自己嘅大方，定還是想證明啲咩。但系你而家夾硬一齊返，於你而言，最大嘅問題系，你會慢慢變成一個你自己好憎嘅自己。猜疑啦、妒忌啦、脾氣臭啦，其實真系唔系你平時嘅style咯！份開朗瀟灑去曬邊？
你唔系真系想自己變到咁乞人憎下嘛？如果你無辦法除得清頭頂果頂綠帽，咁不如你都系算吧啦，真系唔好再一齊啦。對佢，又或者更重要地——對你自己，都好啲。」
金句王
微信號：jinjuking
睇金句王，爽過去爆房！
每日發布粵港澳第一手開心嘢！
粵語 | 爆笑 | 搞嘢 | 吹水 | 抵死 | 頂癮
歡迎搭訕 投稿都啱 合作更贊 小編微信: KingKingGuy