點擊上方 ↑↑ 即可關注「金句王」
「傻瓜」呢個詞好神奇，明明系一個貶義詞嚟。
但如果一個男仔對個女仔做咗一件事，然後個女仔同佢講：「傻瓜～」
喺個男仔腦海入面，呢兩個字就同「我鍾意你～」無！分！別！
而男仔為咗聽呢兩個字，就會好似撞邪咁做出好多傻事。
讀中學嘅時候，阿強為咗追同班一個女仔，日日都買早餐，晨咁早喺個女仔屋企附近個公交站等佢出現。
「乜你住附近咩？」
「唔系啊，我特登搭車過嚟，順手買埋早餐咯…」
「傻瓜～」
就系呢一句傻瓜，阿強以為自己得米。對於男仔嚟講，「傻瓜」、「傻佬」系最無免疫能力！
阿強足足買咗成個月早餐，每日都早一粒鍾起身去搵個女仔。但最後阿強都無同個女仔一齊…
因為個女仔好婉轉咁叫阿強唔使再買早餐，因為朝早食唔落太多嘢。
但無幾耐，阿強就見到個女仔拎住兩份早餐，喺最近學校個地鐵站等個男仔一齊返學…
果一刻，阿強先從傻瓜咒語入面清醒返。
所以，各位女仔，如果對個男仔毫無感覺，又覺得佢好蠢…可以直接講「死蠢」、「白痴」、好聽啲叫「傻仔」，都千祈唔好叫傻瓜。否則好容易令人誤會。
男女雙方喺唔同階段就會有唔同稱呼，熱戀期情侶會將對方個名變成疊字、仲會叫BB、豬豬…
肉麻啲會以兩公婆相稱，或者再喺後面加多個B字或豬字！好多唔同組合。
相處耐咗，稱呼就會加個貶義詞，例如衰婆、死婆、死佬、衰人…就代表住我已經了解到你幾「衰」，但我都會同你喺埋一齊。
而好多結咗婚有小朋友嘅夫婦，會叫對方做爹地、媽咪～
其實從精密儀器測量、臨床心理學分析、後現代哲學理論解剖嚟睇，其實叫乜先最啱聽，都系睇嚇出自邊個把口。
如果系個女仔鍾意嘅男仔，無論個男仔叫佢做衰婆定傻婆…都一樣咁sweet sweet。
「唔知我哋老咗會叫對方乜呢？」Mary問阿強。
「唔知喎，稱呼點變都無所謂啦，個心唔變咪得咯。」
「啱！所以我都會叫你做白痴仔～」Mary成日都會叫阿強做白痴仔，然後嘻嘻嘻咁笑…
金句王
微信號：jinjuking
睇金句王，爽過去爆房！
每日發布粵港澳第一手開心嘢！
粵語 | 爆笑 | 搞嘢 | 吹水 | 抵死 | 頂癮
歡迎搭訕 投稿都啱 合作更贊 小編微信: KingKingGuy