點擊上方 ↑↑ 即可關注「金句王」
兩個人相處，我覺得系需要互相調適同磨合，呢個世界冇兩個同樣嘅人，你同人相處當然要做適當嘅改變，如果唔系，就只有你快樂，人哋難受，亦好難天長地久。不過有D事就系應該寸步不讓，因為，果D就系組成「你」嘅重要部份，又根本上對佢冇實際影響嘅事。
比如話，你嘅外型。
除非話你已經瘦到影響健康，或者肥到影響市容，如果唔系你鍾意自己點樣嘅身型都同人哋無關；你鍾意曬黑或美白，健美或纖細，著黑絲或長褲，長發或短髮，果D都系你嘅自由。
我最怕男人一旦追到手，就覺得女友系自己嘅私人財產，嫌三嫌四，話你咁咁咁唔合佢意，點點點佢唔鍾意～「冇男人會鍾意你咁樣」、「你著得咁暴露」、「我都唔好意思同你出街」、「做女仔唔好點點點」，講完再嘴藐藐補句：「算啦，你鍾意啦。」
連一套衫你都唔可以自己話事，唔通你系芭比公仔？芭比算系完美了啩？樣夠標緻，身材火辣，頭髮長長皮膚又白，但系佢都只不過系一百幾十蚊，舊咗咪換過只咯。所以，唔好以為自己變成佢鍾意個樣，佢就真系會死心塌地愛你。
女人，扮芭比，好辛苦，而且你永遠唔夠真嘅芭比鬥，所以如果佢咁在乎咁咁咁點點點，咁就請佢出去搵一個真芭比（如果佢有本事嘅話）。況且把女友當芭比，任意嫌棄然後搓圓撳扁嘅人，佢並唔識得亦唔想學會愛一個人，因為果D繫戀物癖而已。
男人，要買起一個人嘅性格、品味、愛好嘅外貌，就等於買起成個人，成個人生，你知唔知有幾貴？請人食幾餐飯，睇幾次戲，加多幾句刻薄難聽嘅話當貼士，就覺得可以買得起？
「冇男人會鍾意你咁樣」，好得很，去證明比佢睇，大把男人鍾意你咁樣。
金句王
微信號：jinjuking
睇金句王，爽過去爆房！
每日發布粵港澳第一手開心嘢！
粵語 | 爆笑 | 搞嘢 | 吹水 | 抵死 | 頂癮