點擊上方 ↑↑ 即可關注「金句王」
終於都同你分開，回復自由身。呢一刻，真系好想仰天長嘯：「太好啦以後都唔使俾你煩住曬！！」
以後每日唔使預早三個字起身返工，因為怕整醒你而要做賊咁慢動作刷牙洗面。又唔使怕你瞓醒唔見咗我系隔離會驚，每朝出門口Kiss過Goodbye先安落。
同事都笑我，最近系咪振夫綱，點解冇再風雨不改一到中午就打電話報到，我笑而不語。臨收工，又唔使因為要預早去熱門餐廳排定隊帶你食好嘢，或者歸心似箭衝返屋企食你煮嘅飯，同老闆鬥智鬥力唔OT，仲可以日日無限加班搏上位，反正放咗工又有咩地方好去啫。仲唔使頻頻請假，每次你嚟M都留喺屋企照顧你，公司啲人幾乎以為有月經果個系我。
食飯唔使再食埋所有你食唔落嘅嘢；食生果可以食果肉而唔系淨系做人肉刨皮器。衝完涼唔使等你由頭到腳搽乜搽物敷埋面膜先瞓得覺。以前半夜一系要陪怕黑嘅你去廁所，一系你發完惡夢嚇醒咗要氹返你瞓，而家夜晚終於可以一覺瞓天光。雖然呢幾個月，我每晚都至少扎醒幾次，床邊卻空空如也。
以前Happy Friday永遠只系留俾你，費事你知我出去飲酒乜乜乜又唔開心。而家就算Happy Monday to Sunday，都冇王管幾咁正。只不過，我開始鍾意一個人留喺屋企，邊煲碟邊飲嚇威士忌，太多朋友嘅聚會反而唔想出席。星期六，唔使再晨咁早起身陪你屋企人飲茶行街，陪啲細路去玩，可以瞓到日上三四五六竿。大時大節，又唔使捱貴价花貴价禮物貴价情侶餐。
買衫唔使買情侶款，手機唔再系咁響，唔使記住每月各種紀念日，唔使間唔中送花唔使接放工…一個人嘅生活系幾咁自由，爽到我有啲唔慣添呀。不過好快有一日，我會適應冇咗你…吖唔系，系唔使再同你一齊嘅生活。我知一定會。好似系。
金句王
微信號：jinjuking
睇金句王，爽過去爆房！
每日發布粵港澳第一手開心嘢！
粵語 | 爆笑 | 搞嘢 | 吹水 | 抵死 | 頂癮