唔知大家仲記唔記得劇集《親親我好媽》中飾演江美儀細女「嚴茜聰」的小演員熊子逸（Sophia）？近日，Sophia於紐西蘭番左香港，仲即刻同「家人」團聚！不過，原來14歲的Sophia短短一年多，個樣已經變得大個女左，睇相仲以為系邊位女神！
時間過得快，但Sophia長大得更快，現年14歲的Sophia短短一年多，外貌已經睇落唔同左，已不見當年拍劇的稚氣樣貌，識化妝，而且亭亭玉立 ，連網民都大讚佢大個左靚左，更有氣質！
據了解，Sophia拍完《親親我好媽》後，就同哥哥去左紐西蘭升學，最近就放假，所以就番左香港過暑假。
只有13歲的Sophia在《親親我好媽》中飾演江美儀及黃智賢的細女「嚴茜聰」，角色聰明又帶點反叛，會跟麻麻學打麻雀；同時系一位敢作敢言的學生，遇到老師的不公評分，會大膽向老師爭辯，演活了一位桀驁不馴的小學生。
劇集出街後，觀眾紛紛讚賞Sophia臉孔清新，臉圓圓又有可愛酒窩，而且演技自然不造作，難怪大家都想佢系咩來頭！
Sophia原來自小已經充滿表演欲，每逢學校舉辦活動都一定會參與表演，而Sophia媽媽為培養女兒的演藝天份，早年就為其報讀薛家燕創辦的「家燕媽媽藝術中心」，接受演藝、唱歌及跳舞等訓練。
Sophia成為學生後與家燕姐結緣，並在對方的引薦下做童星，參演無線劇集。
Sophia年紀輕輕已備受矚目，看似前途無限，但其實小女孩背後有過一段不為人知的慘痛經歷。今日有報導指，Sophia來自一個典型的基層家庭，比佢年幼三歲的弟弟自小患上白血病，後來驗出兩姊弟的骨髓吻合，於是醫生建議Sophia捐出骨髓移植到弟弟身上。
大家都知道捐骨髓過程既危險又痛苦，但當時只有8歲的Sophia堅持一定要救到細佬！雖然弟弟後來康復，可惜在兩年前由於接受骨髓移植後出現排斥，離開人世。
另外在Sophia 9歲時，其表哥謝子洋從國內到香港旅行時，不幸發生意外。當日 Sophia與弟弟、媽媽及表哥去到小西灣邨，但表哥步入大廈前不幸被一名跳樓自殺的婦人壓死，終年19歲。
小女孩目睹這血淋淋的一幕，陰影可想而知。不過Sophia表現得非常堅強，更會反過來安慰其他人。
劇中的「嚴茜聰」敢作敢為，性格較男仔頭，反而現實中的Sophia斯文有禮，佢就話全靠劇中「媽媽」江美儀悉心教導，先成功演繹一個與自己性格相反的角色。
眾人在鏡頭內外都相處得十分愉快，不時會相約食飯，Sophia更當美儀系真媽媽咁，生活上的問題都會問佢意見！
歡迎分享至朋友圈