31歲英皇藝人羅力威今日迎娶拍拖7年嘅32歲女友雨僑，兩人早上於淺水灣行禮，繼早前羅力威的新郎look曝光後，網友都好想睇新娘雨僑究竟點靚法呢？羅力威好友鍾舒漫就喺IG上載一對新人籤字儀式，見雨僑穿上低胸婚紗淺露事業線，兩人笑容一致真系襯到絕，難怪鍾舒漫都話系郎才女貌啦！
而除咗英皇天后容祖兒曬出與羅力威、雨僑嘅合照之外，電臺主持人梁泰來與藝人何浩文亦有將一對新人行禮嘅盛況拍片放上IG同大家開心分享，見兩人行禮後即場大方咀嘴，勁Sweet！梁泰來留言：「恭喜新郎哥新娘子 ＠avabibu ＠adasonlo 襯到絕 永結同心😘😘😘😘😘😘」
泳兒（左起）、衛詩雅、陳凱彤（右二起）、鍾舒漫與一對新人合照。
正當人人都祝賀佢哋時，竟然有人喊曬口話要搶新郎，究竟邊個咁大膽？原來系同羅力威老友鬼鬼嘅何浩文，見住好兄弟完成人生大事，難怪佢一時咁感觸，喺網上留言話：「佢哋結婚啦！」仲加埋個喊爆嘅Emoji圖案，睇嚟真系好感動喎！
為咗慶祝羅力威結婚，何浩文仲送上另類祝福，冇錯就系玩搶新郎啦！事後何浩文喺社交網分享短片，片中一對新人進場，並接受賓客嘅祝賀，戴住金色名表嘅林盛斌亦有同新郎握手。何浩文趁一對新人行近時，竟然激動大嗌：「畀番羅力威我呀！」並伸手扮搶走新郎，雨僑即刻用眼神震懾對方護住老公，最後一對新人仲手拖手走開添，相當搞笑！