任達華前日於中山出席商業活動時被兇徒持刀襲擊，傷及腹部和手指，被送返港治療的他現時仍在醫院留醫。英皇高層霍汶希（Mani）中午探望完任達華後接受訪問，她表示：「華哥精神好好，已經轉咗普通病房，琦琦同個女陪緊佢，我諗兩、三日可以出院，佢託我同大家講咁使擔心。（手指接駁成點？）非常成功，佢仲不停咁鬱啲手指等血液循環，我仲話佢好靈活喎。華哥精神好好，食咗啲菜同粥，胃口好好。」
神經接駁得好好
Mani透露任達華之後要做物理治療：「所有神經接駁得好好。（腹部傷口？）冇問題，所以兩、三日可以出院。今日佢好精神，尋日就要瞓嚇覺，等啲麻醉藥過。（工作押後？）幫佢編排曬，等佢康復先，健康為主，工作第二，有啲廣告、電影押後，《小Q》宣傳都做唔到。（華哥有冇諗起件事發噩夢？）冇，佢好定㗎，佢都有問嗰個人咩事呢，佢做咩呢。（追究？）嗰間公司今日派咗總經理落嚟同我哋傾，華哥話唔使追究喇，件事唔關佢哋事嘅，我話華哥你太好人，不過，我哋都冇諗住追究，只系想了解件事，都知嗰個人系咩事 。（琦琦OK嗎？）OK，好精神，系個女眼瞓啲，今朝六點半起身，佢好擔心媽咪。」
任達華在中山出活動中受襲，傷及腹部及手部。而網上流出他在中山的醫院接受手術後，坐在輪椅上和疑似醫護人員的合照，相中見任達華表情輕鬆，受傷的右手被包紮住，大如粽子。合照時，任達華Keep住chok大擺pose！
任達華太太琦琦接受訪問，她說：「今天華哥所做的是一些跟進手術，確保他一切都穩妥、手術順利。」琦琦續稱：「跟進手術很成功。（你同屋企人都可以放心？）是。」琦琦發了一張她與女兒任晴佳、任達榮等家人握著任達華手的照片，指會陪伴任達華一起加油，問到女兒晴佳是否很擔心爸爸？琦琦表示：「當然非常擔心，華哥做完手術，她知道手術很成功，她一直握著爸爸的手，也放心一點，她還帶了小熊送給爸爸。」
講到各界都很擔心華哥的情況，問到任達華有沒有甚麼想跟朋友及粉絲說？琦琦表示：「謝謝你們，華哥今天做完手術一直休息，代華哥謝謝大家的關心。」