廣州女仔口頭禪,有女票的一定要看,唔識你就大鑊啦!

你問我講嘢算唔算數，我話我講完就算數。咁究竟係算定唔算？粵語本身就唔易明，加上廣州女仔一向「口是心非」，廣大男同胞想真正聽得明，的確唔容易。今日，小編整理「廣州女仔的十大口頭禪」，並逐句分析背後嘅真實意義，希望幫到你啦！

1、「等陣」

危險指數：★

話就話一陣，分分鐘等幾粒鍾。當然「等陣」究竟要等幾耐，要具體情況具體分析，如果女仔化緊妝，咁真系恭喜你啦，有大把時間揮霍，食翻個點心都仲得；如果女仔叫你等陣去接佢，我建議你馬上就去啦。

2、「靚仔」

危險指數：★★

當佢話靚仔，唔使激動，亦唔使暈低，純粹只係人地有事相求，阿姨一句靚仔，可能叫你幫襯買嘢，靚女一句靚仔可能只係問路。總之，如果你行緊街，突然聽到有人叫你靚仔，千祈唔好以為自己係男神，小心會出事吖。

3、「嗯，好啊」

危險指數：★★★

聽到呢句說話，你以為女仔終於認錯，咁你就太天真啦。佢只系費事再同你講，如果你想相安無事，快D認錯啦。

4、「麻麻地」

危險指數：★★★

一句「麻麻地」，有著兩種截然相反噶意思。如果形容自己，通常都只系謙虛，話唔埋大有來頭，根本唔系麻麻地，但點都好，贊翻一句「好勁喔」，實無錯。如果「麻麻地」系形容其他人或事，咁即系話女仔唔多like，最好改下啦。

5、「唔系啩」

危險指數：★★★

「梗系唔系啦！」經過反覆驗證，只有咁答先能夠避免受到進一步噶傷害。　

6、「你中意啦」

危險指數：★★★★

呢句說話一出，就表明女仔無眼睇，由你話事。但唔好以為咁就好爽，呢句說話暗含嘅殺傷力分分鐘出乎你意料，一旦你選擇錯，你就要孭曬飛。

7、「你話嘎」

危險指數：★★★★

一旦女仔講呢句話，無論你講過D咩，都要保證做到，想出爾反爾？諗你都唔好諗啊！

8、「是但啦」

危險指數：★★★★

有時候是但，就意味著隨便，由你話事。但事實上又系唔系由你話事呢？女仔口講就話「是但」，不過心底已經早有選擇。呢個時候，廣大男同胞就要認真捉摸女方心思，一旦估錯，分分鐘形象插水，後果嚴重。

9、「你講咩話？！」

危險指數：★★★★

當女仔大大聲講呢句說話，就表明你講嘅說話已經激嬲佢啦。聲音越大，音調越高，你就越危險！最好嘅解決辦法就系馬上講翻句「我講笑嘖」，否則後果自負。

10、「我無野吖」

危險指數：★★★★★

如果你真系信，咁就真系大鍋啦。女仔講無野，其實系想你關心同錫翻佢，尤其當你激嬲佢個陣，你以為真系可以當無事發生過啊？嗱嗱聲氹翻人地啦。如果女仔連續講「我無野吖」，小心爆發大規模冷戰。

如果你唔想無端端激嬲廣州女仔，都仲唔知發生咩事，就謹記以上攻略啦！

小編：diudiu

都看完了，點個讚再走吧！