點擊上方 ↑↑ 即可關注「金句王」
現實殘酷，你話愛情無分對錯，勉強無幸福，但有啲情況，一定系錯，就好似以下呢個故事……
（今次冇阿強出場，各位阿強請放心）
「無論你系點，我都會喺你身邊！」
「多謝你，為咗你，我會俾心機！」
第一句系由個女仔講，而第二句就系個唔系太掂嘅男仔情深款款咁講出嚟。
個女仔身邊總系會有好多親戚或者好姊妹忠告佢遠離個廢柴，女主角當然排除萬難，力排眾議好硬頸咁講：「我唔理呀，我點都要同佢一齊，無人可以阻到我！」
鍾意就得，咁有決心，因為佢覺得自己真系會擁有幸福，個男主角會同佢「鹹魚白菜也好好味～」
「得白菜咋……連鹹魚都冇……系咪好委屈你……」
「點會呢，不知幾開心！你系我揀架嘛！同你一齊就得架喇！」
「嗯， 多謝你，為咗你，我會俾心機。」
當呢個感動嘅情境重複多幾次後，個男仔終於有返啲成就，由小人物，搖身一變成為有啲啲錢，有啲啲名氣，有啲啲人識。
自己鍾意嘅男仔終於都出人頭地，苦盡甘來，以為終於可以揭去美好結局一頁，但原來最後一句對白唔系「你可唔可以嫁俾我？」而系「我哋好似唔系幾夾，不如分手？」
真系連鹹魚都冇條。
唔系幾夾，因為出面嘅世界太美好，有錢，有地位，原來可以咁快樂，我根本唔使好似以前咁屈就自己！
當初個女仔放棄一時三刻嘅快樂同佢一齊，但個男仔就因為一時三刻嘅快樂放棄呢個女仔。
如果系識咗第二個、或唔記得咗個女仔曾經對你有幾好，而掉返轉嫌棄對方，「忘本」同「變心」，點都系錯，只可惜，錯又點，唔會犯法，所以每個辜負者仍然可以大條道理咁講：「嗱，愛情無分對錯 ，勉強無幸福！」
故事嘅最後，女主角錯過嘅系時間，而男主角錯過嘅，系果個打從心底一直默默支持佢，最愛佢嘅人。
金句王
微信號：jinjuking
睇金句王，爽過去爆房！
每日發布粵港澳第一手開心嘢！
粵語 | 爆笑 | 搞嘢 | 吹水 | 抵死 | 頂癮
歡迎搭訕 投稿都啱 合作更贊 小編微信: KingKingGuy