最近廣州嘅天氣熱辣辣，氣溫屢創新高
不過咁系阻止唔到中意周圍去飲飲食食嘅飯糰繼續出街覓食
而且今期飯糰要介紹嘅仲系火鍋！
（夏天食火鍋其實同冬天食雪糕一樣，都系會令你越難越愛）
講起火鍋，大家可能第一時間會諗起：重慶嘅麻辣火鍋、潮州嘅牛肉火鍋，仲有我地廣州人最愛嘅養生椰子雞煲
不過以上講嘅火鍋，食得多畢竟會有點膩，所以今次飯糰就要帶大家試新野食牛蛙火鍋
今次介紹嘅呢間【勝好火鍋】位於江南西
店內環境舒適整潔，而且冷氣十足，所以就算天氣再熱，系度食火鍋都唔使擔心會中暑，相反仲會食得非常過癮
而今次飯糰就試唑佢地店嘅招牌【酸辣跳跳蛙】
落單後店員話比我地聽，菜牌上數十種配菜系免費無限任加！！！
（溫馨提示：系某點評網站買劵更優惠）
唔好以為免費就無好野，呢度嘅免費配菜每一樣都非常新鮮可口，絕對唔系求求其其敷衍你噶
（ps：如果你想叫多幾種配菜，但又擔心食唔完，可以同店員講每樣要半份）
講完配菜，都系時候講翻今次嘅主角【酸辣跳跳蛙】，呢度嘅牛蛙只只都系運動健將，個頭夠大之餘，肉質都相對比較結實
再上酸酸辣辣嘅湯底，食落十分開胃好味，巖曬宜家夏天無乜胃口嘅時候食，所以推薦指數系有滿分五粒星星⭐⭐⭐⭐⭐
如果唔食牛蛙，又或者想試下其他嘅朋友仔，飯糰就推薦大家可以試下佢地店嘅【招牌鵝翼/鵝掌】
之前飯糰試過，呢度嘅鵝翼燜得香軟入味，連骨都有味
總結：今次飯糰探店嘅呢間【勝好火鍋】，總體黎講可以話系「平靚正」，有興趣嘅朋友仔不妨可以去試下噶~
好啦，今期嘅探店之旅就到呢度
最後提醒大家，記得關注【搵食飯糰】&點右下角嘅在看
我地下期再見~