冼師傅憶述童年時家住北角邨，有5位妹妹，他在家中排行最大是哥哥，自幼受李小龍薰陶，18歲那年跟隨《大聖劈掛門》第二代掌門人陳秀中習武：
想當年我哋細過嘅時候都冇乜嘢玩，都係玩下波子拍下公仔紙，因一次機緣巧合，跟隨我堂兄冼林煜去武館睇佢練武，就係咁就開始咗跟師父習武。
冼灝英（右一）在TVB劇集《鐵探》中飾演黎Sir一角，演技備受網友讚賞。（TVB電視畫面截圖）
家人反對加入娛樂圈 偷偷去報名
在80年代初，冼師傅上擂臺參與搏擊比賽，被電影製片看中，邀請他在電影《擂臺》客串演出，因而與戲行結緣：
個次做完之後，覺得都幾有興趣，咁啱𠴱陣時邵氏招募動作演員，有見自己學咗8至10年功夫，就偷偷走咗去報名，因為屋企人比較傳統，認為要正正經經咁搵份工做，當時我係返梗寫字樓工做助理文員，咁所以佢哋係反對我入呢一行，睇返當年初入行，啲師兄做替身，日薪都有幾百蚊，係當時嚟講人工都幾高，但我哋啲新人就冇佢哋搵得多。
劉家良師父這腳一踢，將冼灝英整個人直飛入升降機內後發生意外。（電影《兇貓》影片截圖）
經歷嚴重意外 冼師傅承諾婚後不再做替身
投身演藝圈後，便跟隨劉家良師傅做副指導及武師替身等工作，他憶述做替身時受傷不計其數，曾試過一日內撞穿頭及撞爆眉骨，共縫10針，但提及曾經拍攝電影《兇貓》時嚴重受傷，心裡仍有餘悸。
冼灝英就是拍攝這個倒地鏡頭受傷昏迷送院，3日後才甦醒過來。（電影《兇貓》影片截圖）
當時劇情講述劉家良師傅到工廠大廈捉鬼，當時我做保安員驅趕佢離開，然後同佢發生打鬥，被佢一腳踢開直飛入升降機內，當時距離都有13尺遠，當時因拉扯力度過大，速度太快導致失誤，整個人撞向硬物，醒過來已經是第三日，當時女朋友（現任太太）都好擔心，咁所以承諾婚後唔再做替身做演員。
冼灝英（左一）曾參演ATV 劇集《香港奇案 之 AK47》飾演劫匪。（ATV電視畫面截圖）
97年經歷人生低潮 被迫做司機補家計
90年代初，冼師傅便轉投亞洲電視做演員，憑著一副兇神惡煞的樣貌，粗獷健碩身形，反派角色因而接踵而來，事業家庭可謂兩得意。
但好景不常，到了97年時亞洲電視資金出現問題，內部傳出裁員消息，當時已是兩子之父的冼師傅經歷婚後首個人生關口：
頭個幾年好多戲開，到咗95年我細仔出世之後，屋企嘅開支生活費負擔係好大壓力，到咗97年𠴱陣時，亞洲電視其中一名老闆話唔做，當時前景好差，電視劇集製作量開始走下波，唯有自己諗多啲方法搵錢。
咁啱太太又識插花，就去開咗間花店，教人學插花幫補收入，而自己又就去開班教人功夫，亦試過去兼任做結婚花車司機去幫補家計，捱咗好多年，太太從來都冇怨言，好多謝太太一路咁支持我。
冼師父一周三天教拳，徒弟多不勝數。（梁碧玲攝）
每日堅持練功 保持身心健康
冼師父今年六十有一，與太太育有兩子，大兒子今年25歲剛大學畢業，留在美國工作發展，小兒子現年23歲仍在求學階段。
他坦言：
仔大仔世界，佢哋如果想做娛樂圈絕冇反對，只要佢哋喜歡做咩都會支持佢哋，我宜家一個星期教拳教3日，閒時都會練功保持身心健康，演戲係我嘅興趣，期望可以持續參與拍攝工作。
無論工作有多忙，每逢結婚紀念日及太太生日，冼師傅都必定會為愛妻特別安排旅行慶祝，並共度二人世界，原來鐵漢也有柔情一面。
冼師父表示從來沒有後悔加入娛樂圈。（梁碧玲攝）
冼師傅表示照片太久遠，已經記不清中間女子是何人，只認得右邊是方中信。（圖片受訪者提供）
冼師傅棍法有模有樣。（陳志嵐攝）(圖片受訪者提供)
84年冼灝英參與 TVB 第一個電視劇（小島風雲）飾演一名拳手。(圖片受訪者提供)
冼灝英和已故著名影星成奎安（戴太陽眼鏡）與一眾演員及武術指導飯聚。(圖片受訪者提供)