點擊上方 ↑↑ 即可關注「金句王」
相信每個男人都曾經試過女朋友去旅遊，無王管三五日。
感覺就好似突然中咗頭獎咁——有咁多錢喺手，真系唔L識洗啊！
問問你，如果你有三日自由時光，你會做乜？
我知實有人話要做返個大丈夫，但通常都系得個講字～
而阿強系咁答我嘅：
第1日，喺屋企瞓到黃朝百晏，唔需要趕出去同女朋友Mary約會。更加唔需要為今日去邊而煩惱。
瞓喺床上面打嚇機，然後餓就起身，去返未拍拖前日日食嘅餐廳，嚟個懷緬過去常陶醉，跟住行嚇動漫鋪頭，買返曬之前無買嘅動漫玩具。然後再搵埋班friend搵個地方吹水吹到深夜，返到屋企唔需要報到之下大覺瞓。
第2日，瞓到自然醒不在話下，然後繼續瘋狂打機旅程。記住，時間唔多，所以一定會叫外賣，唔好浪費時間落去食飯。最好叫M記外賣，因為邪惡嘅M記平時Mary唔俾食！咁第2日就系漫長嘅機海之中漫遊，直到自己頂唔順要瞓。
第3日，健康少少，踢波打波都可以，或者求其搵間Café睇下書，又或者去影下相，扮下文青咁。但行程都系急，因為一年先得一次機會，要將一年嘅量清曬，系需要計劃嘅。
講講下就3日，中咗頭獎嘅感覺，系好，但當你將筆頭獎洗曬，知道自己好快就會打回原形嘅感覺，就好唏噓～
當你去機場/車站接女朋友返嚟嘅時候，去嘅途中，系你最後嘅好時光，建議你乜都唔好做，戴返耳機，播返首黎明嘅《眼晴想旅行》。
收拾心情後，你見到一個熟悉嘅身影，上前幫佢拎行李，然後問：「BB你玩得開唔開心啊？」
「開心啊！不過唔知幾時先可以再去旅遊。」
「傻豬嚟嘅，開心咪遲啲再去咯～」
金句王
微信號：jinjuking
睇金句王，爽過去爆房！
每日發布粵港澳第一手開心嘢！
粵語 | 爆笑 | 搞嘢 | 吹水 | 抵死 | 頂癮
歡迎搭訕 投稿都啱 合作更贊 小編微信: KingKingGuy