（番號：hehe-1231）
是咁的
聽晚，我哋想給你
究 極 安 慰
尷尬+卡神
還有一位神秘性感素人
2017年最後一夜
直 播 陪 你 跨 年
荔枝FM：尷卵尬
鬥魚直播：十佳青年尷尬
聽 又 得 睇 又 得
P.S.
你可以嚟現場
地點，我地聽晚會公布
（大概就在廣州的琶洲）
18歲
搞乜唔得
琴晚
2017年最後一期#齊些牙#
全年最多投稿
全年直播時間最長
全年rap的力度最大
全年「最最」的一次
#齊些牙#讓我了解很多院友的故事與際遇
也讓院友與院友之間有了更多的認識
多了一大堆未見過面的朋友
養腦院已經發展成為一個很特別的社群
最特別的除了他們喜歡終日和院長作對
還有院友之間，也很有愛
▼
由於今期直播喺「年末特別加長長長版」
院長特登將音頻珍藏咗喺
一個最安全嘅地方
懶神秘！擺明喺【閱讀原文】啦！
琴晚讀唔曬所有些牙
今晚放曬出來
2017，有無與你相似的人生
▼
陳***
#齊些牙#9月10日，我話，做我女朋友。距話好。
:-)
2017啊！最大收穫?……但是我和喜歡的男生又進一步了啦！哈哈哈哈！希望星期天可以約他出去玩吧！
雜草***
2017嘅難忘美好一件事。 咪就系識得一個人然之後捏有種類似愛情嘅感覺又唔敢放開去相處又覺得自己系咪有滴傻傻地哎呦喂
（來自單身狗的凝視~）
k***
去泰國旅遊，住旅舍，尷尬t晾在外面，被人羅左了，真心外國人都覺的裡件t好fashion……
大***
#齊些牙#2017年系我老婆支持鼓勵下我開始減肥由8月份既182減到宜家既155（尷尬見面會果時系我體重巔峰）
（有圖有真相~）
Reb***
2017交了男朋友，但約好的一起跨年去哈爾濱 ，因為男票有事，只能一個人去了…(???︿???) 等我一個人旅完遊，應該一個人吃火鍋也是不在怕的了
易***
2017我的n件事，多半是諸事不順，有幾件大事都直接影響到我的人生軌跡。其中一件是結束了單身，被一個算命先生說中了：我會在今年找到女朋友。原來有女朋友的感覺是這樣的，有時候也會苦惱不已。
wh***
一直以為自己大學會單身 結果2017年五月頭同男朋友分手 六月中居然就同宜家噶男朋友起埋一齊 起埋一齊都算了 還要事臨畢業先together 人生如戲哎
（突如其來嘅狗糧~）
Car***
齊些牙，2017年最難忘噶事情啊，真系好多，不過最難忘噶應該就系同男朋友分手吧，後來距系有穩翻我，但系呢我唔想再患得患失了，所以果斷點，不再聯繫啦！而且今年噶初級社工證通過率甘低，我都可以過左，哈哈，所以我宜家過得很好，有愛我的媽咪，無話不談的閨蜜，喜歡的工作，得閒就聽翻尷尬噶節目，所以我很滿足啦！
***慄子
2017最深刻的事情應該是向喜歡了七年的男生告白了吧 雖然沒有成功 但是很幸運依然是好朋友?? 後天就去廣州找他一起壓馬路啦 2018是我們認識的第八年 很高興 和你一起走下去吧^_^
君***
#齊些牙#2017年發生好多事，見了好多人聽了兩次偶像的演唱會...然而印象最深刻的是2017年8月19日尷卵尬的見面會。講來慚愧，聽尷尬電臺咁耐，錯過第一次見面會，也錯過去年嘅聖誕叉卵住，哩一次終於系真真實實見到尷尬，好緊張又怕醜又驚粵語講唔好被尷尬笑，但尷尬真系好耐絲。講到影響，嗯無論系尷尬本人定系尷卵尬電臺都讓我在遇到煩心事、困難的時候更樂觀面對，都讓我結識到一班痴線有相愛相殺的院友。2017年就賴過去啦，感謝尷尬帶給我帶給院友的歡樂，希望新的一年再搞見面會，再次一齊開啟痴線模式。（尷尬式冷笑）?
（第67屆花式冷笑冠軍）
K***
#齊些牙# 2017年最最最最意想不到的事當然是完成了一次400天的gap year trip！去了很多的遠方看了很多不一樣的文明認識了很多新朋友。接著在回家後發現尷尬再一次成了網紅，啊哈哈！
NA***
齊些牙今年最難忘應該系聽尷尬的直播了，我系今年先開始睇尷尬直播，一聽就被尷尬既神經病魅力吸引住，之後就個個星期都期待尷尬更新同直播，我特別中意聽直播因為有尷尬同一班好好的院友陪伴寂寞的夜晚，尷尬要一直做節目啊，我會努力穩錢打賞你，希望2018年尷尬同各位院友都健健康康，快快樂樂啦！愛你呦
（幾識講嘢wor，衰鬼~）
比迦超***
#今晚齊些牙#2017年最難忘！既一件事太多難忘事啦。今年穩到份滿意既工作啦，認識到一班鬼馬同事啦。拖兩年終於摞到駕照啦。最重點既系今年終於追翻尷尬啦之前停更後一直無關注，偶然俾我發現尷尬出翻來而且出翻來已經有一段時間！最近仲摞到明信片。最難忘莫過於此了吧，有喜愛的主播追，聽到把聲就想笑既感覺又有翻！
黑***
今晚齊些牙，2017年，我失去左一個親人，後黎又迎接左一個新生命的誕生。嘗試過穩錢，想等女朋友畢業後結婚；忽然有一日又變翻做單身狗，於是不斷揮霍。 病痛纏身既時候，好感謝屋企人 和陪我打王者的朋友。 宜家，想同2017的戀人講聲拜拜，因為從2018開始，未必會再見。 想同逝去的親人講聲再見，因為始終會「 再見」。 就這樣吧，2017！
Sa***
#齊些牙# 今年最特別，就系我加拿大表姐翻來廣州，距已經系加拿大6、7年啦，次次有咩開心唔開心我都系第一個同距講，甘遠距離不單至我哋2個感情冇變淡反而越來越好，距系10月翻來的，留系廣州一個月就翻左加拿大了，系呢一個月我哋玩篇左廣州，北京路嘅牛雜豬腳姜，逛林和西過萬聖節，去摩打食堂食刺身，去遠景路食烤肉，住民宿飲啤酒傾通宵，睇電影lan夜街食宵夜，接我落班認識我d大學同學，去左一次只屬於我哋嘅小旅遊，最後仲要求你約我個初戀出來唱k。我真系有做到，我帶住你，你帶住錢，一齊去浪，時間過得好快，一下子你就要翻加拿大了，我哋約好，下次到我去加拿大穩你玩，到時候就系你帶我逛遍食遍加拿大了，期待下一次嘅與你相遇。微笑轟炸
（唔好講嘢，攬住我~）
系咁***
2017年最遺憾的一件事得唔得啊，今年大概五月份果陣，學校舉行主持人大賽，然後我就抱著試一試噶心態去試一下，點知就一路殺到決賽（好似好多時候都系甘）然後準備參加決賽培訓噶時候，因為身體原因，翻屋企修養，等到好翻果日翻到學校，只可以啟臺下睇住距地比賽，好不甘心咯，因為哩件事仲得咗輕度抑鬱症，睇咗心理醫生，宜家好翻啦，講完。
***舜
＃齊些牙：今年最難忘噶事就系我噶第一次獻左比院長今年最後一次直播（講笑姐）。我今年可謂人生低谷、黑仔噶一年，唔可以用一件事來概括曬。就系轉左三份工都失敗，最後一份仲要系因為我11月頭踩車落班撲街（10月頭踩車去花都玩已經撲過一次，皮外傷忍痛踩翻廣州），跌斷只腳短期翻唔到工被無奈勸退（大腿處打了3根釘）真系好難忘，宜家仲要好on狗（日日系屋企毛得出街）
（好好休息迎接新一年~）
比利***魔力
#齊些牙#2017真系我嘅幸運年，完成咗遊歐洲嘅目標，走過大半個中國，考過咗幾乎全中國最難考嘅試，仲籤咗一份幾唔錯嘅工，仲有穩咗個空少男朋友講咗咁多，以上都令我好深刻，好難揀咯，但系如果硬系要我揀一件，咁我就話比你聽啦， 2017年我最深刻的事就系：發夢發得好好（我絕對唔會系爛牙）
be***
型男尷尬齊些牙2017對我影響最深噶事，甘系同六年噶女友一起加入靚仔尷尬噶養腦院啦，多謝尷尬令異地噶我們每次都可以聽住直播系兩個地方一起開懷大笑，新年噶願望，希望尷尬一直做落去做到八十歲啦！yeah！
（80歲仲要做？！）
lB***
#齊些牙#2017年，情場失意嘅我買咗張情人節飛柬埔寨嘅機票，諗住情人節去避世。原本結合當時嘅心情，諗住過翻個傷春悲秋情人節嘅我，未出發前已經大開腦洞 在腦中構建種種憂鬱而又文藝嘅畫面：獨自一人，披著頭巾，拉住行李箱，迎著風沙 遊走在異鄉裡…嗯…！perfect！ 天氣雖似預期，但 就起我出發嘅前一個星期左右，原本沉默嘅屋企人忽然強烈要求一齊飛柬埔寨，並表示行李已經執得7788… so…原本諗住一個人去異國嘅散心之旅，變成咗：「幫我影相幫我影相！」、「過嚟一齊影翻張全家福先」、「邊條大象褲好睇？你去幫我講價喇」 嘅全家遊。旅遊之後回想，原來構想嘅lonely情人節，有吵 有鬧 有攰 有無語，冇lonely 仲有少少warm添（…除咗臨近出發先加購嘅機票真喺好乸肉痛…） ps：如果各位親愛嘅院友們高抬貴手畀我成為靚牙，今晚就喺我2017年最難忘嘅夜晚之一喇耶（來自N屆普通牙嘅真誠拉票）
Kw***
#齊些牙#今年影響我噶事情就多咯，不過最令我覺得特別，就系今年終於18歲啦，一年去做咗兩個紋身，同埋由3月份開始就瘋狂不間斷染髮，基本每個月頭髮顏色都唔一樣，後來變成一個每兩個星期顏色變一次，哈哈哈，18歲只有一次，唔癲就遲啦
（最緊要型~）
肥***
#齊些牙 2017最難忘既事，就當然系去東北旅行，系一個人都無既霧凇島，天空飄雪又透住幾縷陽光，褪去上衣系雪地到鹿黎鹿去啦，呢件系我2017做過最勇敢最瘋狂最難忘既事，我相信院長同各位院友都好難忘。完
un***
哇 今年最嗨噶事情係2017年12月9日係深圳叢林電音節同Steve Aoki即係潮爺一起蹦迪超級嗨！真係萬人之上????呢件事真係可以講成世！（附上同潮爺合照證明我講噶係堅野）
肥***?
2017難忘的事 大一軍訓噶時候 同教官玩遊戲 真心話大冒險輸左 叫我公主抱起一個男路人！一開始很懵逼啊但系好多人望住曬 滴人又系度起鬨 然之後就系街邊尋找目標 搵到個男仔之後 就去抱啦 我一手攬佢條腰一手就滴起只腳啦 點知我抱起的瞬間 就很不給力！ 可能系太重了 但系明明睇起身冇咩肉甘 個男仔就直接 佢噶屁股就直接坐左上我噶肚腩上邊 啊啊啊我真的是！人地女仔黎噶嘛！後尾 佢自己企翻起身 仲要唔扶下我 我真系訓在地上狂笑來掩飾當時得尷尬 難忘了哈哈哈哈哈
小姑***
《2017最有緣分嘅一件事》 今年5月份我入咗新公司，喺辦理入職手續的時候，我地公司個前臺，好驚訝咁同我講，我地竟然系同年同月同日生伽！而絕妙嘅係，我地兩個媽咪個名都系同一個姓嘎，呢種相似概率，實在太低啦，我地一度懷疑緊究竟系唔系失散咗多年嘅姊妹。經過後面慢慢嘅接觸我發現我地嘅性格亦都好相似，所以我地玩得特別friend，我哋連廁所呢都經常打孖上伽，所以經常俾公司d人笑，話次次去親廁所都系一齊問我地系咪雙胞胎，真系雷都劈唔甩啊！
（廁所姐妹花~）
-馬***
#2017#2017，真糸過得好撲街。完完全全就糸人生得意須盡歡，過得一日就糸一日既狀態。感情不順，事業都不順。最難忘就養左只小動物養到小動物既離開。頹廢三個月後再次面對小動物既離開。好怕面對呢d生死離別。可能糸我唔夠好，可能糸我唔夠細心，可能糸我唔夠強大。希望2018年可以令我更加強大，令我更加成長可以獨當一面。（呢次就當我發個牢騷）
澳***
2017年最難忘的就是 ：參加學生會體育部面試的時候 ，被我拉去一起參加的同學第一輪就過了 ，我還要參加第二輪 ，他解釋的原因是我是第一個被面試的 他們也是第一次面試別人 ，太緊張了 ，問的問題太少不夠了解（硬是怪我第一個面試嗎）…第二次面試的時候問的問題是如果你將對方的球隊和你們球隊的分數記反了 ，讓本來應該進決賽的球隊進不了決賽，要怎麼解決… 我點知啊/::<
（師兄，我好難配合你~）
梁***
＃齊些牙＃今年最難忘既莫過於穩翻我既小夥伴，小學果陣細細個唔識世界，hurt左人地，高中大個女之後諗翻覺得好後悔就想穩翻佢同佢道歉，我以為佢應該唔想見我，但估唔到她竟然一直都係度穩我，佢阿叔住係我附近，每次過年走親戚佢都會尊燈經過我屋企希望可以見到我，可能因為我太宅我從來沒見過佢，佢輾轉穩到我微信就係琴日加左我，跟住就happy ending了！佢今年結左婚，呢個月2號仲生左位公子，而我都解開左心結！最後多謝院長係2017年一直陪係我地身邊！（增城臉）Ｏ(≧▽≦)Ｏ
鄭***
#齊些牙#2017係我好黴既一年，不過好似我畢業之後呢5年都幾黴今年我打輸過官司、開既琴行partner退股、爺爺過身、認命去打工養住自己兩間衝動投資既公司（我小學就開始明確自己以後唔想坐班翻工嘎啦）.但係最深刻既都係開始追尷尬直播，我一直以嚟都係覺得睇直播好傻噶，但係我都果斷加入尷尬既直播隊列，而且都淨係會聽尷尬直播！當初啱畢業第一次創業失敗俾當時既股東呃走曬第一筆錢，我好失落咁企係陽臺食煙既時候，因為尷尬既作品令我係果時可以重拾笑容，所以宜家就算生活壓力再大我都會略盡綿力打賞，希望可以儘可能令精彩既節目可以繼續！麻甩佬講肉麻嘢夠喇！anyway，感恩尷尬，祝你金主越嚟越多！
（大家互勉！）
黃***
2017我結婚了
Jas***
#齊些牙。2017年真系過得好快 因為發生左好多野。最難忘一件事，就系有左我噶仔仔，河粉仔 年初還在同我女朋友plan緊點樣系雪梨渡過我研究生噶最後一年，但因為呢個bb噶出現，令到我從學生噶身份轉變成丈夫，父親。一切計劃都重新plan過。好似發左一場夢甘。雖然一切突然，好似上帝將我人生按左快進甘，不過大家都系開心噶 凡事都有好有壞，都系態度決定事情性質姐 現在河粉仔好健康，而我女朋友都變成左我老婆 2017令我我們成長，希望我哋呢個新組成噶小家庭系2018更加順順利利啦
（恭喜曬！）
暴走***
齊些牙，響17年哩一年入邊，發生左好多事，一個系畢業，一個系我揀左一條最難行既路，一個系我響我最down既時期遇到尷卵尬。先講畢業啦，我冇捻過畢業會系一件咁傷感既事，影畢業相我冇喊，吃散夥飯我冇喊，到真正離開左學校，響班群果度，我捻，作為班長系咁已都要講D抒情野好好同大家講聲拜拜既，打緊字果陣，響大學時果D回憶全部都湧左入腦，眼淚狂飆不止，果陣先至發現，我，真系已經畢左業。第二件事系畢業之後我義無反顧咁揀左我從細就想做既職業，漫畫。為左哩件事，仲同屋企人嘈左交。所以真心想同讀緊書既各位院友講一句，好好珍惜宜家既時光，因為讀書只需要煩三件事，哩次會唔會掛科，佢鍾唔鍾意我，同埋今日要食乜。到左真正出到社會，煩既野就唔單單系哩D溼水野啦。初期，我邊做助手邊創作自己既故事，果陣系真系窮到褲穿竉，而且好迷茫，唔知自己究竟有冇揀錯路，果段時間，同我一齊住既舍友又搬走左，出租屋就淨低我一個人，各種負面情緒，然後機緣巧合之下，響某雲聽到左一個叫尷卵尬既電臺，聽入邊果D爛get果陣，可能有D唔系好好笑，但系真系好親切，直頭將入邊果個叫尷尬既人，當左自己既朋友，後嚟，慢慢，我開始重新振作翻啦，自己創作既漫畫，如無意外明年亦都可以開始連載啦，所以真系好多謝尷尬響我最黑暗既時期遇到你，多謝。
（好滾動~）
老***
2017年，我遇到了一個非常好的老闆。 他知道我求知慾很強，總是非常樂意指點和提攜我。平時還會借很多書和分享好的文章給我……而且生活、工作各方面也比較照顧我。我也很努力去做好他交給我的每一個工作，可是這個行業的要求確實很高，他的要求也比較高的(但他對我還是比較寬容，只是每每做的不夠理想他會很嚴肅地強調和提醒我)但是我確實綜合素質確實還是不夠而且也有一些不好的習慣(例如拖延症)，儘管雙方都有點不願放手苦苦堅持到了七月……最後我們還是解除了合同。我斷斷續續地哭了好幾天的，覺得好對不起自己、也對他好愧疚11月的時候，他以幫我「捉鬼」為藉口，讓我回去看望他原來是我叫我回去幫忙，希望我有所改變我拒絕了，我希望自己變得更好的時候再回去幫他。也正好可以看看外面的世界 我是男神龍龍愛湊孫，希望不會是爛牙吧
補充：我很感謝他，如果他也聽到這個節目的話，我希望跟他說聲，感謝！
（多謝老細~）
鍾***
#2017我最難忘的一件事# 今年咁大個女第一次同一個潮汕男仔拍拖，之前佢開始追我嘅時候，都幾charming嘎，所以就應承咗。不過相處落，發現之前身邊人評價d潮汕男人「大男人主義」真系冇乜錯。就好似，佢去買嘢同人地講普通話，就唔俾我再講白話問價錢，仲要成日話我冇禮貌??目前分手中，可能跨年又變翻單身狗一條。不過都算今年最特別同埋最「難」忘啦。
99***
#齊些牙#請幫我放一個矯情的音樂，因為接下來的故事很矯情 ：2017年快要結束了，回頭看看這一年讓我感動的、印象最深的不止一件事。2017年是我最孤單，也是最感動的一年。我失去了很多，也得到了很多。在這一年裡，我考到了教師資格證，並且在2017的最後幾天裡面試順利，即將成為一個人民教師，這件我心心念念了16年的事即將完成，我來到了小時候的「未來」，如果有時光機可以回去，我就能告訴mini的我，我做到啦！每每想起，我內心的激動都難以掩飾，所以忍不住跟你們分享。今年也是奮鬥的一年，在考研的路上難免孤單，給我支撐的除了心中信念，還有院友們。今年的夏天我在校外租了間房備考，沒人和我說話，每天一個人在一個封閉的空間裡呆著真的要瘋。七月份和男朋友分手，半夜裡實在忍不住失聲痛哭，是院友陪我給我安慰；在我的「小粉屋」裡，飛進一隻蝙蝠，我膽戰心驚的躲在被子裡一晚上，是院友陪我；做了噩夢睡不著，也是院友陪著我；後來我考完試手機被偷，也是院友告訴我要趕緊掛失電話號碼，安慰我給我想辦法。太多太多了，雖然我記性不好，但是你們帶給我的感動，每一件事我都記在心裡，見過面的也好，素未謀面的也好，謝謝你們。在這一年裡啊，我真的失去了好多，但是這一切的失去都換來了好多珍貴的東西。我脆弱的時候是你們一直支撐我，現在我會一點一點強大起來，換我來支撐你們啦！今後我們可以打破一年一見的魔咒嚕！
我不會忘記今年遇到的所有人！和姐姐豬腸粉！愛你們！真心的！
（大家也愛你~）
***哥
齊些牙: 年尾公司比較忙，錯過佐幾期直播，都系聽聽返錄播，感覺今期個題目有種寫年終總結嘅感覺，聽佐幾次個題目最後決定都系寫啦，知道2018就快到，但系聽佐院長嘅描述就覺得更加快，真系Suu一聲，回想起今年都發生佐幾件意思重大嘅事，年頭新屋裝修過程全部自己一手一腳搞掂，之後結婚擺酒，屋企增加小成員，年中同朋友一齊搞佐個新公司，加入尷尬院友（實不相瞞我系半年前先系返工路上聽收音機，有一段廣告：一個人的時候，聽荔枝FM之後返到工司就上網搜，然後見到有粵語頻道，第一個就聽尷尬電臺，開始覺得條友仔有D意思，經常工作時間就一邊做一邊聽，從第一期節目按順序一字不漏好似煲劇咁煲，院長真係為我地帶黎好多歡樂，節目裡面有好多同自己生活相同嘅經歷，從以前到而家，系感覺到我地嘅院長系同我地一齊進步好似一齊生活咁）我相信系緣份嘅安排 俾我穩到喱個咁神經嘅組織，生活中的一個圈子，我會用我嘅方式去繼續支持院長，以上都系一年過去之際有感而發，寫得有D遲，又有D長，不求讀出，只求抒發，如能讀出，祝願院長院友們身體健康，今晚吃雞大吉大利！2018更加好！完。
齊些牙！
Share Together！
Till Next Year
靜雞雞話你知：尷尬的微信號 Whosgaamguy
圖片設計：阿愁@物初 圖文編輯：莊子@物初
靚聲呈獻丨尷尬
▼ 點擊【閱讀原文】有料到！