小編細細個果個年代
由於喺鄉下地方
莫講話冷氣機
連風扇都喺大廳先有噶咋
仲要系呢種
▼
但果陣時冇電腦、冇手機、冇冷氣既日子
似乎比而家更有人情味
最近翻咗鄉下一趟
家家戶戶都裝曬冷氣機
公園除咗零零星星幾個伯伯外
就冇見到其他人啦！！！
就連果間
開咗十幾廿年既小賣部
都一樣冷清清
成條街瀟瀟條條
睇見都心涼~~~~~~~
小編真喺好懷念以前冇冷氣既日子
雖然日日都汗流浹背熱辣辣
但真系好開心
就連阿爸阿媽都話
喺以前D日子溫暖好多~~~
而家已經冇呢支歌仔唱囖！！！
感究竟以前我哋過既喺咩日子？？？
冇冷氣喔，唔通唔會熱到融咗？？？
哈哈~~~冇經歷過冇冷氣年代既後生仔女就要睇嘢啦
我哋舊陣時既解暑方式都不知幾咁精彩！！！
第一招：刨西瓜
以前我哋細個最中意就喺陪爺爺嫲嫲坐喺榕樹頭
仲有其他伯伯婆婆一齊
距地就系度吹水
我同D小夥伴就嬉戲打鬧
然後爺爺會買個大西瓜
大家齊齊食
個西瓜用溪水浸過
冰冰涼涼既感覺超爽！！！
食完仲會叫賣西瓜既阿姨潑D溪水落自己個身度
不知幾舒服啊~~~
第二招：嘆翻支冰鎮沙示
其實以前小編好難得先會飲到沙示
印象中要1蚊雞一樽
對於果陣時既鄉下嚟將就差唔多喺10蚊咁多
所以慳家既爺爺嫲嫲通常都只會比5毫紙我
買果D唔知邊度出廠既香蕉水、橙汁之類既！！！
第三招：雪條嚟啦~~~
我哋以前冇而家D小朋友咁幸福
五羊牌雪糕喺鄉下就好似國際大牌咁巴閉
所以兩蚊雞一支既甜筒幾乎一年先食一次
而小編以前成日食既
就系上邊紅黃綠三隻色果種
我哋叫紅綠燈
綠色果層喺染色朱古力脆皮
好鬼甜噶~~~~
而阿爸阿媽有時會買下邊果只冷狗益下我哋
可能出咗糧掛~~~
事關呢只冷狗要4蚊雞一支噶
喺果時簡直就系大數目！！！
第四招：一家大細食綠豆沙
以前夏天果陣既星期六日晚
一家大細就會聚曬喺個廳度食綠豆沙睇電視
電視機對於舊陣時鄉下嚟講好貴重噶
一般工作日都唔會開嚟睇
所以要等到星期六日先可以睇電視
（不過小編放暑假果陣會偷偷地去對面街整電視機既大伯間鋪度睇卡通片）
於是阿媽下晝就會整定煲綠豆沙放雪櫃
凍到夜晚摞出嚟食就啱啱好啦！！！
而家老豆話想食綠豆沙
阿媽都喺差遣我落街去糖水鋪買
懶得慢慢整嚕~~~
第五招：鋪張竹蓆訓
其實小編已經好多年冇訓過竹蓆啦
大學果陣仲有呢樣嘢既（冇冷氣啊嘛）
竹蓆喺我哋細個果時喺必不可少既主角嚟噶
冇距根本訓唔到覺啊~~~
所以去到邊個屋企都會見到
鄉下一般都喺用藤蓆
喺到咗城市先會用一片片既果種竹蓆
個人覺得上邊呢種涼爽好多~~~
第六招：攬住大冬瓜訓覺
老實講
小編未試過攬住冬瓜訓覺
事關小編鄉下近江邊
晚頭黑吹起既風都好涼爽
一般都喺摞把扇潑兩潑就訓得著
但就聽過好多人真系試過攬住冬瓜嚟訓
事關冬瓜本身涼浸浸
根據熱傳導既性質
攬住嚟訓都可以一定程度上降低人體表面溫度
又真系幾犀利喔！！！
但講開又講
冬瓜喺夏天嚟講真系寶嚟噶
例如大暑阿媽會煲冬瓜水
防止中暑啊！！！
第七招：潑扇
細個見得最多就梗系大葵扇啦
唔同而家D膠扇
大葵扇潑起身都不知幾咁招風
又夠硬撐潑極都唔爛
無論喺屋企定落街散步
唔帶錢都要帶住把大葵扇
所以舊時見得最多既
就喺好多公公婆婆坐喺公園度
一邊潑扇一邊傾計
第八招：落水玩
落水玩估計老豆果個年代會普及D
事關河邊危險好多
雖然我哋果邊喺鄉下
但阿媽出過省城打工
聽得多呢D事故
所以由細到大都唔俾小編靠近水邊
但我就聽嫲嫲講以前老豆細個
最中意就系拉埋阿叔距地去江邊抓魚
搞到小編心鬱郁
可惜啊~~~阿媽咁堅持，所以得個恨字囖~~~
明明而家生活質量好左咁多
明明而家夏天唔使再熱辣辣出到成身汗
明明而家D雪糕嘢飲多花款又好味咗
點解我哋都仲系會掛住舊時既生活？
其實都系因為
越嚟越方便、精彩既生活
令到我哋變得「自己顧自己」
冇意識同隔籬鄰舍分享好嘢食
冇心情一家大細坐埋一齊睇電視食綠豆沙
冇時間陪爺爺嫲嫲散下步傾下計
舊陣時既人情味
早就隨風消逝、蕩然無存
而家呢種咁冷冰冰既生活方式
廣州人，你哋甘心嗎？？？
版權說明：
【關於我們】
【最廣州】 是廣州地區最大的微信平臺，粉絲超過30萬、隨時隨地分享身邊資訊，為您搜羅廣州最新的熱點、時尚、美食、優惠。
最給力，最潮，最快的消息盡在這裡！微信：lovinggz
【聯繫我們】
商家撰稿、餐飲推廣、到店採訪請聯繫主編
QQ：502703573
微信：Legend_chan，期待與您的合作