【廣州話】講粵語,我哋應唔應該寫正字?

欄目介紹：【廣州話】釋詞義，正字形，整理常用表達，分享背後故事，助你接觸粵語、學習粵語、了解粵語，一起愛上廣州話。

容我張狂，呢篇文章（噉嘅嘢都夠膽叫「文章」，果真系張狂了）系廣州廿四味第一篇用粵語口吻寫嘅文章。既然系討論粵語嘅正字，當然系噉寫啦。難道你要我用普通話來和你討論這個話題？←_←效果不佳。】如有錯字，請多多指正！（不使用粵語的讀者們，這次真的非常抱歉了！）

下圖就系我想寫呢篇嘢嘅原因了。

某餐館嘅招牌。圖中右方文字為「唔系鳩噏，家陣老粒」，且不論佢內容系咪低俗（當然唔系啦！我一直都覺得粵語粗口系一種文化），錯字系好難容忍噶。「鳩」當佢系俗寫，勉強算無錯啦。但系「老粒」正字應為「老笠」，意為打劫。圖中左方文字則系「邊個就系老豆，邊個有菠蘿油」，系咯，個語序就系咁得意，不過呢個唔系重點，「老豆」應為「老竇」，讀音一樣，改一個字，意思就唔同嗮了：明明「老竇」有尊敬嘅意思嘎嘛，點知變咗粒「豆」，唉。。。

其實到處都有粵語錯字嘅出現，我好憎嗰尐咁不負責任嘅「媒體人」，你一咪唔好用，用就要用啱啦。報紙新聞，通常代表權威、正確，如果你用錯字，人哋又以為你系啱嘅，就會跟你用錯字，結果就系：一路錯落去，正字就系噉逐尐逐尐噉消失，粵語文化就由此失去根基，會逐漸消亡。呢樣嘢我真系深有體會，當我想搵某個字嘅讀音嗰陣，非常難搵，就算搵到，往往系各有各說法，根本唔知邊個先系啱嘅，於是我除咗口語之外都唔敢用了。

至於我哋日常使用，文字聊天嘅時候，我所認識嘅大部分人，基本上都會貪方便，使用俗寫，甚至諧音。當然我以前都系噉，譬如話，「一dd」、「果度」，明知道唔系噉寫，都照用，根本無話諗過去了解佢哋嘅真正系點寫：反正大家都睇得明，噉打又快，是但啦。但系，試諗下，人人都唔用正字，遲早就無人用、無人識了。文字（就中文而言）嘅作用，在於你第一次睇到呢個詞，你大概都會知道佢咩意思。「一d」？點解有英文嘅？點解唔系a、b、c啊？「果度」，乜水果啊？香蕉抑或雪梨？

用粵語正字其實系一件好有趣嘅事，粵語文化悠悠長久，好多正字嘅考究都要喺尐古詩古文入面搵。學正字，順便可以體會粵語嘅歷史底蘊，真系好有意思。只可惜我哋喺學校入面都只能學普通話，無人教、網上資料良莠不齊，真系想講好寫好粵語，簡直難過登頂。喺人人講普通話嘅地方耐咗，太耐唔講粵語，真系個口會生鏽，時不時都懷疑自己講得啱唔啱，認真系弊了。

不過話時話，好多粵語嘅正字都好匪夷所思，「蛋黃」嘅正字竟然系，用手寫都打唔出啊。甚至有尐讀音已經被讀錯咗好多年，大家已經接受咗，譬如話：我哋成日講嘅「而家」正字系「而今」、「以間」，但系如果我哋「而家」再講「而今」又未免有尐太文縐縐。咩話？你要寫「以間」？莫非你系古人？所以話，點樣取捨呢？香港研究粵語嘅學者彭志銘就話了，文字系有生命嘅，都會有生老病死。所以我覺得，喺保全原來嘅正字嘅基礎上，只要唔好太離譜嘅寫法，姑且接受咯。更何況，連寫呢篇嘢，我都系用簡體字寫嘅，如果真系要咁認真咁講究，系咪應該要用繁體字寫呢？順其自然啦，寫咗咁多，其實都幾廢話吧。

一直懶，從我想寫呢篇文字到今日開始寫都隔左成個星期了。有趣嘅系，開頭提到嗰間餐館，我尋日經過嘅時候，佢嘅招牌已經改成「唔系亂噏，點玩都得」了，唔知點解，莫名嘅開心。

（註：本文為【廣州話】欄目開篇，故全文為粵語，日後本欄目的其他文章會採用國語推送，部分粵語）

【本文圖文為廣州廿四味原創】

你們的支持是我們的動力！喜歡我們的文章就發到朋友圈與更多人分享吧~！

========== 廣州廿四味==========

與我們互動

直接回復微信

分享本文

點擊右上按鈕，選擇「發送給朋友」

或「分享到朋友圈」

訂閱

點擊頁面右上按鈕「廣州廿四味」，關注我們。

閱讀更多文章

點擊右上按鈕，選擇「查看官方帳號」，

然後選擇「查看歷史消息」