廣東人鍾意好意頭嘅嘢，特別系重要日子、過新年，尤其想聽到好意頭、好彩頭嘅說話。熟人見面，你一句「恭喜發財」，對方聽咗就算未曾發達、風生水起，都似曾曾覺得自己好快會福星高照、丁財兩旺啦，好話聽咗心花怒放，眉開眼笑。
但系，如果邊個唔識趣，硬系「狗嘴長不出象牙」，烏鴉口講一句人哋唔想聽嘅話，對方就會當堂燶起塊面（當場黑臉），彈你一句「大吉利是」！
所以，粵語當中嘅「大吉利是」，表示非常吉祥、順利的意思。舊時用於佔卜和祝福。出處來自明代羅貫中《三國演義》第五十四回：「孔明曰：『來意亮已知道了。適間卜《易》，得一大吉大利之兆。』」「大吉利是」就系形容某人衰多口，在說了一些不該說的話之後，旁人對其說的話。大概意思就是因為你說了一些不好的話，所以我要說句特別好的話來掩蓋，或者彌補前一句的不好。顯然，「大吉利是」就系「擋煞」、「闢邪」、「化衝」、「解厄」、「招財」、「聚運」嘅好話，相當於「大吉大利」、「順順利利」。迷信嘅人相信，講了這句話就會將倒黴、不吉利的事或說話埋沒掉，逢兇化吉，避兇就吉。
比如話，甲方話：「我好久冇試過感冒嘞。」（我很久沒感冒了。）乙方就會答佢：「大吉利是，唔好噉樣講嘢啦，你好想感冒咩？」（大吉大利，不要說這樣的話，你難道很想感冒嗎？）
講到「大吉利是」呢個俗語嘅由來。先講「利是」。利是，也有寫作「利市」、「利事」的，古時只有「吉利」的意思，《水滸傳》第五回：「見洒家是個和尚，他道不利市，吐了一口唾，走入去了。」廣州話將其詞義擴大，它不但指壓歲錢、紅包，是「節日、喜慶所賞的喜錢」，還有解去不祥的意思，用來避晦氣。
廣東有過年「派利是」、「逗利是」嘅習慣。一般來講，系已婚人士「派利是」，未婚者「逗利是」。從每年嘅大年初一到元宵節前都可派發。新年開工第一天，很多公司都會派開工利是畀啲員工，嗌「開工大吉」、「開年大吉」，取其凡事順利嘅意頭，以鼓舞士氣，激勵員工。利利是是，大吉大利，紅噹噹嘅小小心意，都代表著一份關心同愛護，老闆向下屬派發開工利是，就相當於同大家一齊食年夜飯和開年飯，可以營造大家庭的感覺，可以增強員工對公司嘅凝聚力同歸屬感，有利於公司長遠發展。另外，新年期間，去酒樓吃飯，好多人都會派利是畀服務員，都係為咗增加喜慶氣氛和意頭，派嘅開心，收嘅更加開心。
外地嘅朋友話，廣東佬比較實際，封利是、逗利是，唔會想食埋人只車嘅。系嘎，系嘎，我哋廣東人比較務實，接地氣，唔會打腫臉皮充大頭鬼，「利是」象徵好意頭，紅紅火火，長髮長有，有就得啦，所以「利是」本身系唔需要好大封噶。
「利是」知道點解。「大吉」呢，就系大吉大利嘅意思啦。「大吉利是」，拆字來理解呢，大、吉、利、是，四個字都系吉利嘅字眼，不過湊埋一齊就唔系單純嘅「大吉大利」咁喜氣洋洋嘞。以前，每逢喺新年或喜慶嘅日子，童言無忌，亂噏廿四，有啲小朋友講咗唔吉利嘅話，大人覺得好驟忌，敏感嘅人更加覺得眼眉跳，周身唔聚財。老廣最怕嘅系「好嘅唔靈醜嘅靈」、「唔怕醜心，最怕撞口」。說出的話沒法收回，所以，權宜之計，通常就會叫啲小朋友「吐口水講過」，等於說，說好話彌補、驅散前面說的「醜話」。後來，就演變成常見嘅口頭禪「啋！大吉利是！」如果用普通話翻譯，可以說是「」呸，大吉大利。」大吉大利同樣有「用來驅除壞運以作為心理補償」的作用，但最為關鍵的是，「大吉大利」有它吉利的一面，「大吉利是」就沒有。
所以啊，大吉利是，雖然系大吉大利、好運連連之意。但系因為呢句話系「補救」嘅話，等於係指責人哋之前講嘢唔啱聽嘅，因此，新年嘅時候，可以祝人哋大吉大利，但系就千奇唔好祝人哋大吉利是咯。
除咗講錯嘢，廣東人講「大吉利是」有幾個常見嘅情形：比如話，連打幾個乞嗤笑（噴嚏），就會自言自語「大吉利是」。出街遇著送葬（出殯），就會即刻講「大吉利是」。吃飯嗰陣，唔小心筷子斷咗，會即刻念句「大吉利是」。而家中起屋（蓋房子）呢，動土前，先請風水先生擇日擇時，用紅紙就寫「開工大吉」（表示順利），動土時就講「大吉利是」（表示闢邪）。
唔知外地嘅朋友明解冇呢？大吉利是，呢個詞，系幾大吉下，但系又唔系幾利是下咯。慎用啊。
（本文圖片來自網絡，如有版權請告知刪除。）
作者簡介：王小女子，一個從小就熱愛文學和音樂的小女子，個人公眾號：王小女子（gh-9abf8a3205fe）。
你可能還想看：
廣州話的白鴿眼和厚街話的孔雀眼
廣州話：冇料到
廣州話：姣婆守唔到寡
廣州話：八月十五
廣州話「豬頭丙」系咩意思
廣州話：生仔榕樹頭，生女上茶樓
謝謝你的關注和支持
轉發和推薦是最好的鼓勵
長按以下二維碼
可關注「王小女子」的公眾號