提示：點擊上方"粵言小生"↑關注更多粵語事件
實在唔好意思，距離上次發文喺上個月30號，距今有足足兩個星期冇同大家見面了，因為哩排放咗年假忙住打機，偷懶，兼且冇刮到乜猛料畀大家睇，所以索性唔寫了，不過後來諗咗嚇，唔係喔，既然之前我寫咗篇如何教細路講返粵語嘅文章，其中我裡面講到最重要嘅一種教導方式就喺電視節目兼且我上次又寫咗一篇亞視，咁我可唔可以介紹其它香港電視臺嘅收睇方式㖏?所以就廢話少講，馬上行動介紹畀大家。
因為香港有好多電視臺都喺採取機頂盒嘅方式收睇，所以大陸呢遍根本冇乜機盒買到，就算買到都係貴到死，所以可行性唔高，依家市面上嘅較為常見嘅收睇方法就喺盜版源，姐係話通過破解官方網站上面嘅直播地址導入其它軟體即可收睇嘅方法，所以我以下介紹嘅電視app都喺盜版軟體或者喺通過衛星電視轉播嘅。
以下為三個APP嘅網盤地址：連結: https://pan.baidu.com/s/1o9Zu3Dw 密碼: ecuw
火星直播(重點推介)
基本覆蓋大部分香港電視，包括無刪減翡翠臺，TVB旗下嘅電視都可以睇到，例如J2，無線新聞等，除咗TVB之外仲有線新聞臺(多XX)，ViuTV，NowTV等等。因為呢個app會定期更新，有時候軟體系統唔可以自動更新嘅時候，只有入咗QQ群嘅人先可以下載到，所以我就定期上傳到網盤裡供大家下載，如果我唔記得上傳，記得提醒我，仲有呢個app手機和電視都可以安裝嘅，有個電視盒版本喺可以直接裝到智能電視上面嘅，拿個U盤直接插入智能電視裝就可以了，方便收睇。
衛星電視(奇妙電視，Now新聞，創世紀，HKTV)
呢個APP雖然冇上面果個火星多嘢睇，但喺勝在穩定，因為喺衛星轉播嘅極少出現卡頓情況，而且裡面有嘅電視大多數都喺火星冇嘅，啱曬同上面互補，呢款APP支唔支持電視，唔清楚，未試過，大家得閒可以插落電視度試下。
LTV(臺灣秒殺王)
呢個app就巴閉啦，雖然一個香港電臺都冇，不過基本覆蓋曬臺灣大部分電視，包括民視，臺視，三立，等等乜都有齊曬，比上面兩個APP都要更全面更穩定。
chalea電視導航(其實冇乜撚用) 網址：http://www.chalea.com/
呢個網站上次我喺教細路講返粵語嘅文章中有提及，不過我發現裡面大多數嘅境外電視頻道(包括港澳臺)都容易出現卡頓或者斷源嘅情況，唔推薦，只作為大家用電腦上網，唔得閑用手機睇或者以上三個軟體都僕街嘅情況下(極低)收睇，作為備胎使用。
如果我發現其它更好嘅睇香港電視app嘅話，我會第一時間喺我公眾號發佈，想第一時間知道嘅話，就Keep住關注啦
呢篇喺我作為舊年嘅最後一篇文章喇，所以我就提早祝大家新年快樂，合家歡，希望大家係新嘅一年裡家人依然健康，錢越搵越多，讀書嘅繼續學業進步，仲有最重要嘅一點就喺希望本公眾號越來越多人關注，雖然更新頻率會比啱啱創辦嘅時候減少好多，但喺貴精唔貴多(啱啱開通公眾號嘅時候大多數我都係發口水文)，我都會進一步搞更多大嘅撐粵Project，例如設計微信官網3.0版本，開通正式嘅撐粵網站(提前有錢)，將我嘅技術正式帶入撐粵行列中，等更多嘅人睇到，讀到我嘅信息。
明年我會計劃將廣東人應該關注哪些自媒體，電臺和香港網臺整和埋一齊，等大家可以時刻睇到出色嘅粵語節目，敬請留意...