①愛情跟股票一樣，未入手之前不停咁漲，你知啦，你一旦擁有就……所以世上有100分男孩、100分女孩，但無100分伴侶，相處就代表從100開始扣分。
②兩人相愛，梗係唔想有第三者，但點解你想生仔？有人話『個仔點會係第三者呀？』個仔唔係人咩？！呢個第三者佔用你好多時間，仲多過你嗰啲第三者，就算你真係有個第三者，一個禮拜偷食三次夠未？大家都知偷食最大禁忌，就是唔好將偷食變成正餐，咁樣你一次就要食兩餐。但呢個第三者，每日食6餐，隨時食埋你果份，你分分鐘冇得食！
③點樣嘅至尊金身先有資格同女性相處？就係都敏俊xi，一個400歲的外星人，有400歲的智慧，最重要是有400年的財富。佢間屋靚到啊！仲有，佢一定供完啦，就算未供完，佢供左400年，未供完應該都係五毫子一個月，我供得起。你有400歲，就算折墜到剩低個漱口盅，都係古董啦！唔係，呢啲都唔重要，佢有超能力，有400歲的成熟，仲係17歲的面孔。呢啲都唔係最重要，佢仲唔可以接觸人類嘅體液，佢kiss就好似中風咁，一做就死梗，所以永遠唔可以做，永遠100分。
④生仔就放三個月假，死老竇就放3日，點解？因為大家都講生產力，你個仔生出世將來有生產力，但你老竇係無將來。屈原個仔死老竇有幾多日假？就係端午節嗰日咯，佢仲要包粽去賣，有生產力添！
⑤21世紀是平板電腦年代，點解有電腦仲唔夠，仲要用平板電腦呢？（黃子華蹲下，擺出去廁所睇平板電腦的姿勢）係唔係？就係要拿入廁所都睇得方便，依家啲人入廁所就好似入少林寺，『我唔過關係唔會出番嚟！』不過你都係要出番嚟，冇電呀！所以，阿強好醒目，係馬桶邊整左個插蘇制，年三十晚入去，人日都未出來。
⑥呢個show好唔好睇？（臺下）好多人都問緊隔離果個：「黃子華棟篤笑好唔好睇啊？」「你唔係睇緊咩？」「好多人問我好唔好睇，我要復佢地啊。到底好唔好睇啊？」「我唔知，我睇緊佢上一套。」
⑦大家都有手機，這部手機就係我，我所有衣食住行，眼耳口鼻，唔可以見人，可以見人嘅都係入面，好多人情願唔見左自己，都唔想唔見手機——你可以擁有我的肉體，但唔可以偷睇我的手機，因為我只係表面，它先係底。你可以同人講交換老婆，但你話要交換手機？你係唔係人嚟架！
⑧2009年，中國有120萬人結婚，200萬人離婚——你唸下你去一間戲院，你睇到入面行出來嘅人，比行入去嘅人多一倍，有冇咁猛啊？！仲猛嘅係，好多離過婚嘅父母都想自己啲仔女結婚，乜嘢意思？我見過鬼，到你啦！
1、拖拖拉拉實食齋，扭扭另另正乸型
2、唔系衰多口，點會咁出醜
3、痴痴呆呆坐埋一臺,憨憨居居圍埋一堆
4、今日博一博，有排我揮霍
5、二指長過公，唔死都一世窮
6、你對距甜甜蜜蜜，距當你無裡頭柒
7、你對距如珠如寶，距當你鹹魚水草
8、你對距痴心一片，距當你痴鳩咗線
9、唔系猛龍唔過江，唔系豬扒唔化妝
10、搏一搏，單車變摩託；又再搏多搏，摩託變飯殼
11、我有一份工，果份叫蔭功
12、唔系你死，就系我翻唔到屋企
13、唔賭唔知時運高，唔滾唔知身體好
14、撩事鬥非當飲茶，比人打到跳喳喳
15、招招積積自大狂，比人省到心都寒
16、我唔可以俾到你幸福，但絕對可以俾到你舒服
17、世上無難事，只要隔硬嚟
18、人系冇咁容易死噶，但死起上嚟真系好容易
19、唔洗急，最緊要快
20、系你鄙視我噶同時，我何嘗唔系想一巴刮死你
21、死八公，賣檸檬；死八婆，賣菠蘿
22、如果太多二奶嚟，老婆就冇定企；等到老婆翻返嚟，二奶又唔爭氣
23、早D飲，早D嘔，早D走
24、早買早享受，遲買多折扣
25、贏就贏粒糖，輸就輸間廠
26、眼大無神,鼻大吸塵,口大正衰神
27、錢唔系問題，問題系冇錢
28、有咩依鬱，摞住碌竹
29、不要摞你嘅豬頭嚟挑戰我嘅磚頭
30、情侶好與壞，在於溝通同關懷
31、我唔會眼白白睇住你跌落火坑噶，我會合埋對眼
32、D女好鬼索，條仔超級惡
33、我唔系隨便嘅人，我隨便起嚟唔系人
34、十蚊有三件，越著越大件
35、男人唔去滾，除非身無銀；男人唔鹹濕，雞竇都執粒
36、你有你拼搏，我有我揮霍
本文素材源自網絡
版權歸原作者所有，若有侵權請聯繫微信：msgz020 刪除！
❤商務合作、爆料求助加小編微信：gzms020
溫馨提示
廣州美食攻略，帶你吃喝玩樂IN廣州，每天尋覓大街小巷的美食好去處，還帶你周邊遊，想吃什麼想玩什麼想收取最新的折扣、資訊信息，點擊右上角→查看公眾號 可查看更多資訊！你要的廣州最全最詳細遊玩攻略，都在這裡！
PS：請認準@ 廣州美食攻略：gz510000