今日淨系講一個字：掂
音同「店」，用手指或手觸摸。
「喺醫院唔好周圍掂啊，好多細菌噶！」
「你唔好掂我！」
呢個「掂」大家都好清楚佢嘅意思同用法，所以今日重點講另一個讀音，另一個意思嘅「掂」！
廣州每逢過年過節，都會互相祝福。而呢個時候「掂」應該都算系出現的比較多嘅一個字。
如：
「新年好！恭喜發財！」
「你都一樣，掂過碌蔗！」
或：
「老竇，六十大壽，祝你年年有今日！」
「承你貴言！你都一日掂過一日！」
此處「掂」意為「順利、妥當」。
「掂」系一個古老嘅方言詞，連各種漢語古籍都冇記載，最早嘅文字記錄系19世紀初來華嘅英國傳教士羅伯特·馬禮遜編纂嘅《廣東省土話字彙》，「掂」喺裡面嘅解釋系「直」。
舊時直線叫「掂線」，直路叫「掂路」；
橫豎叫「橫掂」，如「橫掂都系啦，死就死啦！」
知道咗「掂」嘅本意以後，大家都應該知道「掂過碌蔗」嘅意思，蔗本身就直，比蔗更加直，寓意「發展得順順利利」！
喺廣州話裡頭，「掂」即系「順利、妥當」嘅意思，同原意有出入，「掂」點樣從「直」引申到「順利」無從考究，但系詞義嘅變化，確實令原本唔少嘅詞語改變，甚至消失。
如：
雖然有改變，都有消失，不過有一啲舊俗語反而就更加生動！
如：
舊時稱駝背嘅人叫做「亞駝」，而蝦米正好又系「彎住腰」，所以亞駝同蝦米，大家都唔掂（直），後來引申為「惹到事，大家都麻煩。」
大蝦就算跳落海，貼近海底，腰始終都唔掂（直）。後來引申為「經過努力，但始終唔成功。」
最後做一條題
「新嘅一年祝大家身體健康、財源廣進、掂過碌蔗...（未盡興）...橫掂（1）都系了，再祝範範都掂（2）！掂（3）邊範，就邊範掂」
題目裡面三個「掂」分別系咩意思？
知道答案嘅自己友，
喺評論區回復編號同答案，
睇下你啲廣州話掂唔掂！
參考：羊城晚報
作者：黃小婭