粵講粵白
□U ngoo C han
【劇情】食神大賽現場，眾參賽者各出奇招炮製菜式，味公主擔任評判，不斷取消參賽者資格。
【口白】
味公主(行到參賽者乙前)：O ut！
參賽者乙：嚇？點解呀？
味公主：睇下你個樣，而家死老竇呀？苦口苦面噉，返屋企整苦瓜啦！出局！①
(味公主突然跳起舞上嚟，吸引咗眾參賽者嘅目光。)
味公主：望咩呀？O ut！
眾參賽者：嚇！點解呀？
味公主：作為一個食神，最緊要系專心一致嘅，我只系少少動作啫，你哋就企曬喺度嘞！成何體統？真系令我失望！Out！出局！
司儀：若然再fault人出局，只怕再冇人比賽口架喇！②
味公主：我自有分數！全神貫注，氣定神閒，由頭到尾都冇望過我一眼嘅，只有佢哋兩個，至有資格。
(史提芬周同唐牛仍然對視，未開始煮嘢)
史提芬周：點解要殺人？
唐牛：你教我嘅！因為我鍾意囉！
史提芬周：放下屠刀，立地成佛。
唐牛：哈哈哈哈哈！今日我就系佛，不過系整佛跳牆！
史提芬周：咁啱嘅？我又系整佛跳牆喎。
唐牛：慳啲啦！咪以為染白曬個頭，著住套古裝就真系有計得口架！呀！(爆衫)我夠得咯！想坐食神個位？第世啦！
(二人各自開始煮嘢)
唐牛：倚天切。
史提芬周：屠龍斬。
味公主：好刀法。
唐牛：咁快嘅？降龍十八炒！
史提芬周：打狗鏟！③
味公主：好炒法。(二人嘅煮法幾乎一模一樣)
唐牛：抗議，佢抄我！
司儀：有啲噉嘅事咩？
唐牛：我做乜佢跟住我做乜。
司儀：唔系啩？
(唐牛做鬼面，周即刻學佢)
唐牛：嗱！你見到啦！
味公主：比賽系噉口架啦！好似遊水跑步噉，又咪系你做乜佢做乜，有乜好抗議呀？抗議無效！
【點評】
①對白源自「苦瓜幹噉嘅面口」呢句俗語。
②經已成為港式粵語嘅fault同out意思有少少分別，前者系及物動詞「淘汰」，後者系不及物動詞，用嚟趕人走，相當於「你扯！」。
③前兩式出自《倚天屠龍記》，後兩式出自《射鵰英雄傳》，唔知金大俠有冇象徵性收返一文雞版權費。