【掹】
粵 音：maang1
普通話：meng1
【結構】左邊提手旁，右邊孟字
【廣府釋意】粵語中意為拉、拽、撥，亦指由上向下發力，屬方言造字，與「擝」同。
【思辨】掹，不見收錄於《康熙字典》，有人認為本字應為攀。
【組詞 】鬼掹腳、掹住唔放
【例句】
1、北方既俗語話事齋：捨得一身剮，敢將皇帝掹下馬！
2、奀仔聽到表哥話一陣間要落街食鮮蝦雲吞麵，啲口水係恁流，唔知幾欿去食。又怕表哥唔帶佢去，一於就掹住佢衫尾，幾大都唔放手呀。
3、蝦球哥水性非常好，可以一口氣沕入幾十米既江底再浮返出來，氣都唔使呴多啖。但是，哩次坐船好似鬼揞眼恁，䟕錯腳跌咗落水。落水之後只左腳好似畀人掹實恁逳都唔識逳，係恁一路沉入江心。好在佢甹死發力掙扎遊返上水。後尾，返到上船望下左腳腳眼嗰度，有五條青色好似手指印咁嘅瘀痕。有經驗既老人都話蝦球哥個人福大命大，撞到「鬼掹腳」都可以大步躐過，真係萬幸啦！
【編者注】
1、編者不才，嘗試從我國傳統字書中找尋廣府字詞的相關來源，並非要求統一推廣使用。其中推論如有錯漏，歡迎大家留言指正。
2、本文以廣府粵語中廣州音為參照標準編寫。
3、主要以國內規範簡體字詞編寫。
4、部分字詞借用香港地區的通用粵語字詞。
5、推文中使用廣府字詞部分可能有爭議，編者希望能拋磚引玉，引起大家對廣府文化和粵語字詞的關注，歡迎大家進入粉絲群一起善意交流、探討。對於惡意攻擊，請言者自重，斥之不雅。
6、參考書籍主要是《說文解字》、《康熙字典》等字書，並參考民國時期詹憲慈《廣州語本字》、孔仲南《廣東俗語考》，現代《廣州音字典》等書籍。