粵語粗口的豐富內涵,你不懂!

粗口，即係侮辱人哋嘅話，係社交禁忌，通常講句嘢嘅人唔會真係想佢講句嘢發生。廣義上，廣東話（粵語）粗口，主要係性器官、性行為或者咒人死傷。有時啲人會講到打交。狹義上，粗口係同性有關嘅本字，即係廣東粗口五大字。

廣東粗口五大字

又叫做「門氏五虎將」、「一門五傑」或者叫「粗口五傑」，哩五個字分別係：，「門」字入面加「小」字，原字屌；「閪」，「門」裡面加「西」，原字屄；，「門」裡面加「能」，或借撚字，原字；，「門」裡面加「九」，或寫尻字，借鳩字，原字?；同埋，「門」裡加「七」。佢哋各有意思同用法，每個都可以獨當一面，而且可以互相配搭或者交換用。

第啲粗俗嘢

有啲未至係歸入粗口，主要係咒人話或者粗口諧聲。佢哋無一門五傑咁露骨，都係用嚟鬧人或者發洩。有啲人都忌呢啲，但有啲唔當係粗言，完全無禁忌。
呢啲經已無禁忌：

戇居，尻諧音做居。話人戇。
條條揈，屌諧音做條，即屌屌揈或者吊吊揈，如同中文吊兒啷噹，吊即係屌。
笨實，諧音做實。話人笨咁解。
有啲通到香港電檢處審查，喺一啲2B級或以下嘅電影入面出現，例如：

僕街，咒人出街有意外。
冚家剷，咒人全家死。
粉腸（係「撚樣」嘅諧音）
戇DOG（戇狗，係「戇尻」嘅諧音）
屎忽鬼，話人同性戀
無釐頭
躝癱，咒人癱
小喇叭（係「屌那媽」嘅諧音）
收皮

粗口文化之歇後語

爆粗係禁忌嘅話，人就諗啲計間接講粗口。

岸上嘅海鷗。頭尾兩個字係「岸」同「鷗」，「海鷗」英文作 sea gull，gull同「尻」同音，縮短咁讀即係諧音咗嘅「戇尻」。

亞婆跑步（又可以話「亞婆走佬」）。歇後語即係「老閪都走／掹」，要即刻走佬、幾大都閃咁解。

童子軍跳彈床。歇後語就係「Scout 彈」，直譯嘅粵語諧音就係「是尻旦」，屬於中西合璧嘅典範。

夜觀星象。歇後語係「眺那星」，即係「屌那星」嘅諧音。

唐餐變西餐。即係話「多嚿魚」，即係「多尻餘」嘅諧音。

法國大餐。亦都係解「多嚿魚」，諧音同上。

風吹皇帝褲囊。皇帝乃孤家寡人，褲囊內藏皇帝嘅尻，被風吹會覺寒冷，即係話人哋「孤尻寒」。

救護車。2006年嘅香港電影至尊無賴其中一個英文詞語「Ambulance」，鄭中基將佢讀做「M部撚時」。

粗口文化之諧音

粵語諧音嘅取代字詞

「釣蟹」←→ 屌閪

「釣喇嘛花蟹」←→ 屌那媽化閪
「地理魯媚」←→　屌你老味
「調理農務臭化系」←→　屌你老母臭花閪
「調理農務蘭花系」←→　屌你老母爛化閪
「鹹蝦燦」←→　冚家剷
「岸舟舟」 ←→　戇鳩鳩
「硬膠膠」←→　（同上）
「凍檸水」←→　凍撚死
「凍檸茶」←→　凍撚殘
「大檸樂（可樂）」←→　大撚鑊
「大家樂」←→　大鳩鑊
「你諗你」 ←→　理撚你（話知你）
「做乜捻野」　←→　「做乜撚野」
「點搵你」　←→屌撚你
「杏加橙」 ←→　冚家剷

第啲話嘅諧音

「荷蘭銀行支票」　：

直譯做英文」Holland Bank Cheque」，「好撚笨柒」。
「荷蘭月亮」　：

直譯做英文」Holland Moon」，「好撚悶」。
「荷蘭擁躉／荷蘭風扇／荷蘭飯」　：

直譯做英文」Holland Fan」，「好撚煩」。（睇嚟荷蘭真係有好多擁躉。)
「荷蘭皇帝」　:

直譯做英文」Holland King」，「好撚勁」。
「澳門朋友」　：

直譯做英文」Macau friend」，「麻鳩煩」。
「澳門海」　：

」Macau Sea」，讀音近似「乜鳩事」。
「唔好拖延」　：

直譯做英文」Delay No More」，「屌你老母」。
「達賴喇嘛」 ：

英文稱「Dalai Lama」，發音處宿寫為「DLLM」，和讀音「Diu Nei Lo Mo」一樣，即係「屌你老母」或「屌那媽」。
「咖啡色」　：

哩個詞語嘅泰文「???????? 」讀音近似「是撚旦」。
「村長騎牛背」　：

據聞話哩句嘅泰文「???????????????? 」讀音近似「咁撚奇撚怪」。
「童子軍跳彈床」：

"Scout"彈，讀音似「是鳩旦」。
「Ideally normal height」：

英文音似係「我屌你老母屄」
「不該」：

「poor guy」，「poke guy」（僕街）
「稻草人」：

哩個詞語嘅閩南話讀音近似「屌臭撚」。

粗口譯做英文
「Tell The Dog」　：「話狗知」，係「話鳩知」嘅諧音。
「Whole Family Die」　：「冚家剷」。
「Foolish Seven」　：「笨柒」。
「Burn Your Spring Pocket／Your Spring Pocket will be Barbecued」　：「燒你春袋」。
「Falling Down the Street」　：「僕街」。
「One Dog Face」　：「一狗樣」，係「一鳩樣」嘅諧音。
「Macao Friend」　：「馬交朋友」，係「麻鳩煩」嘅諧音。
「Polk Street」 ：「僕街」

當然有時都會倒返轉，借廣東話嚟意譯成外語粗口諧音。例如：

「福建大學」：直譯做英文「Fook Kin U」，「Fucking you」。
「灣景街」嘅 灣景：直譯做英文 「Wan King」(wanking)，意思即係 打飛機 噉解

第啲代替字

GAP：（女性外生殖器）
PK：粵語用英文做拼音成Pok Kai，即係「僕街」

粗口次文化

當年香港有本綜合式漫畫，叫做【玉郎漫畫】，每一期中間都會加插一頁專欄叫做【太公報】，由漫畫家甘小文所主編，用報紙嘅形式嚟登。專欄同讀者上另類嘅自然教育同埋體育堂：

自然教育

蔬果類：柑、蕉、桔、梨、碌柚（「今朝拮你籮柚」嘅諧音）
動物類： 雁、鷲、鵰、狸、獅、狒、龍（「晏晝屌你屎忽窿」嘅諧音）
鵰、狗、豹、狸（「屌尻爆你」嘅諧音）

體育科

跳遠：跳七裡、跳九裡、跳廿碼（「屌七你」、「屌尻你」、「屌那媽」嘅諧音）
舞蹈：跳老舞（「屌老母」嘅諧音）

打油詩

以下一首諧音打油詩曾經輯錄喺黃霑嘅《不文集》，周星馳主演電影《唐伯虎點秋香》嘅一幕比試戲。

冚家剷泥齊種樹
汝家池塘多鮫魚
魚肥果熟嫲撚飯
你老母"兮"替下廚
（"兮"　"閪"諧音……）

--(原文來自網絡)