大良街8家生滾粥鋪大搜羅!總有一家系你樓下!你今日早餐食咗未啊?

你有幾耐未好好吃過早餐？

你有幾耐早餐未吃過生滾粥？

個種肉料一滑、粥底一煮，

幾分鐘就上臺的新鮮滾熱辣，

再加上一碟姜蔥豉油吊出的美味，

真系人生一大享受！

「食粥多過吃飯」的正妹就幫你挖掘出

8家深藏大良街的生滾粥鋪（好多都未曝光過嘎！），

一起來感受呢份美味~

呢間粥鋪正妹要俾兩個「6」：第一「6」系呢度連個店名都無，默默做咗幾十年。就正正系個公交站隔離，所以都比較好搵。

第二「6」系呢度嘅粥要成二三十蚊碗，正妹一行直頭幫佢改咗個名叫「LV粥」。

無名又貴，但系依然客似雲來。十點多十一點依然滿座，現場就有住系大良東區的叔叔起身跑過來吃粥。正妹都成日幫襯，不過絕對唔喺因為呢度的價錢先襯得起正妹身份，而系呢度的粥真系幾好吃。

其實佢都唔系明貴，系水鴨粥先上到30蚊碗（系呢家先有水鴨粥吃）；點及第粥加個豬腰，25蚊，但系個碗口成個爐口咁大。碗裡面基本都系料，正妹一行2個人先解決到一碗。

粥底稀稠適中，口感綿軟；豬肝大大塊唔會老，豬腸有嚼作得來唔會韌。炒粉20蚊，蛋、肉、芽菜三絲經典搭配，粉絲比較細，炒得幹身但系吃落唔會幹。

齋叫及第粥就15蚊，除咗例牌肉片、豬肝、豬腸仲會有豬心，嫩滑又爽口。

就在君萊酒店公交站隔離

82年至今35年，應該系歷史最悠久的生滾粥鋪，已經無辦法追究企系門口呢位阿姨系咪叫「惠歡」。

呢度的枸杞朱紅粥好受歡迎，亦係為數不多的有枸杞的粥鋪。可惜正妹去得晏，枸杞朱紅已經賣曬。呢度粥底會稀一點，可能因為有枸杞所以清新點。

但系呢度的腸粉比佢嘅粥驚豔，非常非常軟滑，入口一不留神好易滑入喉嚨，而且芝麻鋪面，很香，豉油的鹹甜都剛好。

滑溜的秘訣在於d腸粉系每日磨米磨出來的。腸粉點完即刻就從蒸盤拿出來，接地氣到不得了。

咁嘅價錢，系咪有種一夜回到解放前的趕腳？

就在鑑海北路轉入購書中心花壇的小路上，

可直接百度地圖搜「惠歡小食店」

據說好多人好遠開車都來吃的生滾粥鋪，經常坐滿。招牌之前點睇都唔覺有，近排翻新咗下醒目咗。

除咗生滾粥，呢度的腸粉都好多人吃。我哋點咗及第粥同蛋肉腸。

個粥剛好一個人份，肉片處理得比較嫩滑，豬潤剛剛好唔老，豬腸可以放心吃，唔韌比較霖。

粥底米香味好濃，鹹鹹地得黎仲帶有細微既甜味，唔算太綿，反而有d似米沙粥既口感，可以吃出細細的被磨過的米粒感。

呢度既腸粉用麵粉開來做的，睇上去比較晶瑩，有d似細細個食的水晶糕～

口感十分厚實，感覺吃一碟可以飽一日。不過蛋同肉就分布得唔系好均勻，吃吃下有陣會變咗吃齋腸。

呢度的鹹肉粽都好受歡迎，老闆娘親自上陣包，自家制，夠新鮮！

麗星名園南門附近

無意中發現的早餐檔，歷史唔耐，開咗一年度，但系都經常坐滿。經常見到美團騎手同周圍寫字樓的白領圍坐一張臺吃早餐。實力派即視感。

粥底煮得比較綿軟粘稠，粥料尤其是豬潤煮得好嫩口，而且味道剛剛好！

記得點翻個油炸鬼。唔知點解呢度個油炸鬼同個粥底特別夾，蘸粥吃一流~老闆仲會幫你剪開，一啖一舊唔使食到只手油淋淋啦！

石磨腸粉系呢度的招牌，同麵粉漿開出來的腸粉唔同，呢度真系石磨米漿做出來。

腸粉非常薄身，裡料包得均勻。驚喜的系裡面除咗蛋肉仲有木耳，表面仲有芝麻，香滑之餘又夾d爽脆，同豉油的味都配合都很好。難怪系招牌，推薦！

呢度仲有得外帶，豉油都分埋一包包比你帶走，十分方便。

大良麗星明園北門

（沿住北門的巷子一路直入，右手邊）

呢兩家系同一家，98年開始做到依家成20年，見證東城橋的建成，也即將見證佢嘅拆除，真系感慨！好多學生哥經常來買早餐，老世都喬裝過唔少次送外賣入學校。一邊系生滾粥，一邊賣點心腸粉，兩邊都有堂食位置。

粥底放左肉竹、陳皮同紅棗去煲，所以口感綿密清甜，好正，系細細個食生滾粥既感覺！

呢度仲有各種各樣嘅點心賣，真系好有細細個陣既feel～見到每樣都好想點黎食！系附近讀書的學生哥真系幸福~

馬蹄糕比較清甜，馬蹄粒唔算太多不過勝在都夠爽口！紅豆糕食落軟綿綿，紅豆粒超多！

芋頭用左檳榔芋，特別香～可以食到大大塊的芋頭塊，口感粉粉滑滑！

腸粉嘅話比較似平時食開嘅酒樓腸粉，配嘅醬油特別好味，帶住小小甜味！口感系帶小小煙韌的滑。

大良環市東路昌明樓15號鋪

（東城酒樓門口正對面，東城天橋橋底）

相信呢家系曝光得最多的生滾粥鋪，同樣系6到名都無。不過傳說老闆可以一次過淥24兜粥，邊淥仲可以邊吹水，風趣幽默且觀點獨到，所以坊間盛傳呢度叫「粥神」。

不過可惜來晏咗，粥神的風採見識唔到，只見到老闆娘，先知道粥神上早班，佢就系晚班。（粥神周一到五上午8:15前會親自坐鎮，周六日全日都在）

及第粥10蚊一大碗，足料到滿瀉。驚喜的系呢個及第粥用嘅系肉丸唔系肉片，落咗木耳打，爽口彈牙非常入味。豬肝豬心都好嫩滑。豬腸就有D韌，不過老闆娘話睇人落嘎！生粉腸比較有嚼頭，後生噶先會俾；如果年紀大d噶就會俾d煲霖噶粉腸，容易咬。貼心哦！

呢度噶腸粉都好特別，糯糯哋，煙煙韌韌，幾過癮，同豉油都比較搭，先賣3蚊...

唔單止價錢實惠，花款都好多，想點拼都得，「百搭」真系無用錯。

星河名居西門往新滘口方向150米左右，錦巖北街和安源路交界處

呢間系安阜大街的粥鋪本來都系無名噶，呢個咁有爸媽表情包feel的店名系老闆娘近年先掛上去。鋪就系粥神附近，仲同粥神差不多歷史，開鋪時間就差幾個月。「粥神系我的同學來的嘛」老闆娘說。世界就系咁神奇。

呢度系老闆娘自己屋企，非常有鄉村茶樓的feel。

呢度的粥都系好大一碗，驚喜的系及第粥裡面有豬脷，十分爽脆，仲有得揀放唔放枸杞。

肉片豬肝不過不失，豬腸有嚼頭，粥底都好滑哦~

呢度的鹹煎餅都可以一試，唔會好硬，面比較入味。

往105國道方向過福盈酒店的下一個街口

幾個幹練大媽張羅的店，做到12點度，早上人氣很旺。

粥有8蚊/10蚊揀，呢個及第粥8蚊，剛好一個人份量，除咗例牌肉片、豬肝、豬腸仲有豬心。除咗豬腸耐唔鐘有舊苦苦地，其它豬雜都比較嫩滑。

粥底的話就比較似屋企煲出來個種感覺，偏稀一點，米煲得比較散，喜歡吃稀粥的朋友可以來呢度吃哦~

甲子路和新松路交界，可在百度地圖搜到店名

好啦正妹就帶大家吃到這裡，

大家還有好吃的生滾粥鋪可以留言給正妹哦！