天黑請閉眼 盤點我們玩過嘅經典桌遊,睇睇有冇你鍾意玩噶?

琴晚去江南西見個好耐冇見嘅F，

話約埋去老地方玩。

畢業之後都好耐冇去啦。

果個老地方，

每一次去都好興奮

因為喺裡面你可以同一大班人一起狂歡

舉起手中嘅牌，

或者柯南上身咁去查案，

各種桌遊任你揀任你玩。

我學生時代最開心嘅假期時光

幾乎都系喺果度度過噶。

所以，可以再去老地方相聚，

真系好興奮噶。

但系

點知我地去到

間野已經執左，

換左一間清吧仔。

我地對視，無語，

「入去啦，飲杯野傾下計都好。」

又系，宜家已經唔再好似幾年前咁興桌遊啦

見到好多桌遊吧都已經執左或者換左清吧

雖然都系休閒場所，

雖然一樣可以一班人一起玩一齊狂歡

但系

心裡邊隱隱覺得邊度少左一忽

我估計

果樣野可能就系俾時光偷走噶吧~~

忽然好懷念以前D桌遊，

太耐冇玩，

有好多我冇乜印象點玩噶啦！

果陣時無人不知無人不曉嘅桌遊之王

三國殺肯定當之無愧啦。

三國殺系伴著我整個大學時期出現次數最多嘅遊戲啦。除左去桌遊吧，最多就系喺宿舍廝殺啦。食飽，冇野做，摞起副牌出來，機都唔打，宿舍幾條佬就打到宿舍關燈。有一個室友仲搞笑，為左同我地一起殺，連女都唔陪。相當有義氣。

大家運用角色牌同手中牌嘅技能，

進行一場智商之間嘅血腥比拼。

那些年，

有幾多豬一樣嘅主公無視忠臣反信內奸，結果自己逼死自己；

有幾多忠臣睇住奸臣殺害主公，即刻跳出嚟甚至犧牲自己條命，真系連自己都俾自己感動到想喊；

有幾多奸臣為殺主公同忠臣內奸鬥智鬥勇，最後殺死主公果一刻，真系超級無敵爽；

又有幾多內奸極力掩藏自己嘅身份，周旋喺忠臣內奸之間，有時都搞唔清楚自己系邊邊？暈曬~~

但系三國殺始終太man,唔系幾巖女仔玩

果陣約左幾個女仔一起去桌遊吧玩

佢地有一個特別受女仔歡迎嘅桌遊

叫做UNO

UNO是一種紙牌遊戲，當玩者手上只餘下一張牌時，必須喊出uno，遊戲因而得名。它兼備撲克牌變色龍的玩法，但加入了各種道具，並可以團隊遊戲。uno是最早以桌遊名義推廣的外國遊戲。

呢個遊戲摞嚟同女仔玩就最合適嘎啦。當你手上得翻一張牌時，必須叫uno，如果你唔記得叫，都唔洗點嘅，摸多兩隻牌啦哈哈。雖然規則簡單，但要精通都唔容易噶，但系起碼玩落來都相對比較輕鬆。果一個月黑風高嘅晚上，我地，呵呵，玩左成晚UNO~~

仲有一個至經典嘅桌遊，

到宜家我地去旅遊去聚餐都會玩

佢就系狼人

每個玩家會被安排一些神秘的角色，遊戲中還有一個人負責控制整個遊戲的流程。遊戲的時間進程以白天和黑夜的更替為代表。夜裡，狼人秘密地選擇一個村民殺死。白天到來的時候，被殺的村民就會被淘汰出遊戲。剩下的村民，包括不同的村民和那些有特殊身份的村民，商討並投票，說出他們懷疑誰是狼人。當然他們是根據一些線索和特殊的人物進行判斷的。被投票選出的這個玩家就「以私刑被處死」，他將顯露他的身份，然後被淘汰出局。

天黑請閉眼~~

然後就進行一場漫長嘅廝殺同破案啦。呢個絕對系拼智商同拼演技嘅好game。好多時候你根本分唔清楚邊個系好邊個系壞，最後，請頒個醬油獎比我，因為好多次我都系一開波就俾狼人bang死然後冇人救我~~~我跟你什麼仇什麼怨！！！

印象中仲玩過一個超級燒腦嘅桌遊——

卡坦島

太陰暗啦，

玩過一兩次就頂唔順咁勾心鬥角嘅小夥伴們啦~~

一群探險者來到了富饒美麗的卡坦島，他們決定開發卡坦島，大家都勾心鬥角，割據地盤，並比賽誰的建設可以最快達到一個規模。他們除了要應付互相間的勾心鬥角，還要小心島上神出鬼沒的強盜，誰是卡坦島上最成功的開拓者呢？

砰! BANG！

唔系007喔！

呢個系一款美國西部牛仔電影風格的槍戰遊戲，在警長及歹徒兩大勢力間，邊個將是他們的首要標靶？副警長要隱瞞身份暗中幫助警長，但叛徒也同樣的在暗地裡策劃他自己的行動！在Bang!的遊戲當中，每位玩家扮演上述的其中一種職業，並且還飾演一位蠻荒西部時代下的著名人物。假如真系俾你生活系牛仔時代，我真系唔知要做邊個角色好啦。都系一D高智商遊戲。

仲有玩過一個矮仔挖金礦嘅桌遊，都系拼智商同運氣嘅。

好矮人與壞矮人之間的黑白無間，你是好矮人，還是壞矮人？矮人挖坑，為了充滿誘惑力的金礦，好矮人、壞矮人各自團隊內部需要相互合作：好矮人的目標是要把礦路延伸到金礦，而壞矮人的目的就是破壞；同時為了額外的獎勵，團隊內部也有相互拆橋的可能性，好矮人之間也有可能發生內部的猜忌與鬥爭。
　　在矮人與矮人的角力中，各種用途的功能牌也要智慧地運用。有讓路延續下去的，有打出障礙不讓對方行動，或者是解除障礙的牌，還有可以偷看目的地的地圖牌等。最後所有牌都摸完，所有人的牌都出完，如果好人的路還沒連到有金子的目的地，就是壞人贏了。

宜家睇嚟，我睇玩親都系高智商嘅桌遊嚟噶喔。

可惜，宜家已經過左桌遊最鼎盛嘅時候。

連經常去嘅桌遊吧都執埋。

哎，突然好懷念呢D game，

我又想起放喺屋企床頭果套最先出嘅三國殺。

「喂，不如一陣去我屋企三國殺啦？」

▼點擊圖片更多精彩▼

合作或建議，聯繫QQ：2254520590