陳貝兒主持的TVB真人秀《嫁到這世界邊端2》每集都令觀眾眼濕濕，第三個登場的港女毛毛為「愛」，甘願養瑞典老公十二年，對另一半無私的付出，的確不是人人做到。節目最新一集，講到毛毛苦盡甘來，正積極學瑞典文融入當地生活。當中，陳貝兒向毛毛提到自己經歷婚姻失敗時的感受，令人感到心痛。
陳貝兒在節目講到經歷婚姻失敗時的感受。
過著幸福少奶奶生活的毛毛不僅在當地重拾自己的興趣，還認識不少來自世界各地的朋友。毛毛還帶攝製嫁在當地逛超級市場、釣魚、野餐和參加北歐的傳統節慶活動─仲夏節，與當地的居民一齊慶祝夏季的到來，玩得不亦樂乎。
毛毛帶陳貝兒感受當地生活。
去到節目尾聲，毛毛分享自己經歷婚姻失敗的體會時，陳貝兒亦有感而發，講到自己當初與前夫分開時的感受，陳貝兒哽咽地說：「我記得我嗰陣時，即係離婚之後。有段時間我都對自己失去曬信心，放工返到屋企，一打開道門。我已經...係好驚返屋企，因為返到屋企就一個人，唔習慣一個人去...食餐飯都係。」毛毛當時亦安慰道：「突然間自己一個人你會覺得好孤單，又覺得好寂寞，但呢段時間你唔會維持好耐。」
二人在長椅上盡訴心中情。
陳貝兒再講到：「可能我個人比較易捱，突然間身邊冇咗個人嘅時候，好似無咗個重心咁。然後我就發現，呢個可能係個天想我上嘅一堂課。喺嗰段嘅訓練期間，我就真係覺得自己成長咗。到而家慢慢行返出嚟嘅時候，好老土嘅一句，上帝關了一道門，就會開另一道門給你。其實一次婚姻失敗，雖然有啲人會覺得係一種失敗，但其實我覺得係學習嚟。亦都唔會阻止第二次、第三次更勇敢去愛。」
重提離婚時的心情，陳貝兒不禁流淚。
重提離婚一事，陳貝兒接受訪問時表示：「其實我而家冇唔開心啦，係講返之前啫！我覺得婚姻嘅唔如意，唔係一個失敗。反而係一個學習，亦都唔會阻止我繼續相信愛情。」陳貝兒更笑言：「其實好多人仲懷疑我成年係咪都係咁唔開心，其實真係唔係。我媽咪Daddy都好擔心我，佢哋叫我唔好成日喊，但其實真係冇，佢哋差啲要帶我睇醫生，真係好擔心我。（咁佢哋有冇催你拍拖？）冇呀，我而家好開心同埋工作好忙，又要上堂學法國甜品，生活好充實。」