TVB教人講粗口?有冇搞錯!(內含視頻)

成日講支持廣東話，但你對博大精深嘅廣東話文化認識有幾深呢？早前TVB節目《男人食堂》就同大家上咗一堂課，教大家認識咩係粗口同粗口嘅歷史，但因為電視尺度關係，所以就唔能夠教大家講文解字喇。雖然廣東話可以唔用粗口鬧人，但作為廣東人，又點可以唔識廣東粗口，依家就教大家點講啦！

視頻喺文末哦

1.雕？雕咩先？

粵音：diu2

俗寫：「門小」

解說：喺臺灣同大陸地區哩個字唔係粗口，反而係「好型好正」嘅意思。不過喺廣東話中，哩個字原本作名詞用，係男性子孫根嘅意思，而家演變成動詞。「屌」字諧音多變，例如「小」、「丟」、「挑」、「妖」，明末名將袁崇煥嘅口頭禪「掉哪媽！頂硬上！」大家都聽過。黃子華曾經講過一句「我請你好好放低」（大家get 唔get到）不過原來粗俗語「頂你個肺」個「頂」字都係由「屌」演變出嚟！所以「頂你個肺」……都幾重口味！

2.性器官？男士啵？

粵音：lan2

俗寫：「撚」、「門能」

解說：哩個字解作男性子孫根，《康熙字典》早有收錄。根據《普通話閩南方言詞典》所講：「良刃切，震韻，閩南人指男性生殖器」，可見哩個字源自閩南地區，及後傳至東莞；而香港開埠時期唔少東莞勞工嚟港，佢哋十句嘢八句有「lan2」，令哩個粗口字演變出唔少港式粗口，如「法蘭西皇帝（France King）」（費事傾）。

3.戇乜嘢呢究竟？

粵音：gau1

俗寫：「鳩」、「尻」、「門九」

解說：「㞗」同樣解作男性子孫根，「鳩」字只係雀仔噉解，《詩經》都有唱：「關關雎鳩／在河之洲／窈窕淑女／君子好逑」；「尻」則解作「屁股」，《康熙字典》中有提過：「尻，脊骨盡處……」九十年代周星馳嘅「無釐頭」文化，其實本應係「唔釐頭尻」，意即「無頭無尾」、唔依邏輯，同俗語「㞗噏」（胡說八道）意思相似。

4.其實你都幾笨＿㗎？

粵音：cat6

俗寫：「柒」、「門七」

解說：哩個字肯定最令人諗爆頭！話說《康熙字典》都冇呢個字，只得馮田獵嘅《粵語同音字典》同前香港中文大學校長李卓敏博士所編嘅《李氏中文字典》先有出現。研究粗口文化嘅彭志銘話哩個字以前解作「陰囊」，但慢慢同化做子孫根嘅意思，變得「㞗不分」，俗語「㞗一條、＿一條」就形容男人光棍一條，身無分文。

5. 粗口界唯一女性？

粵音：hai1

俗寫：「門西」

解說：一門五傑中唯一女將！唔少人將俗寫字「門西」讀作「西」。而「屄」字國語讀音係「B」，近年聽得多嘅內地潮語「牛B」、「傻B」嘅「B」字就係哩個粗口字！彭志銘話粗口五字中，只有哩個字帶咗啲「象形」文化。「屍」可解作身體，「穴」就自然係洞穴之意，符合中國造字原則！

 睇完字都唔明？睇完片可能你就會明嗮！

條Ben sir自己都忍唔到笑嗰下好好笑（唯萎…都算_數把喇！）

內容（經改編）及視頻來源於網絡，如有侵權請聯繫刪除！