流行元素呢家嘢
睇時尚圈嘅明星
出席大場合嘅搭配就知
尋日係2020微博之夜
有博主發出質疑
乜2021年流行黃色？
皆因佢見到好多女星
都不約而同咁
著上咗黃色嘅禮服
無錯
2021年嘅pantone流行色
真係有黃色份
於是乎下面呢幾位女星
全部都著上咗
黃色嘅禮服
一齊來仔細睇睇
↓
關曉彤嘅禮裙
係簡約嘅超短緊身束胸裙
雖然胸前點綴咗小小拼接
不過整體都係純黃色
非常亮眼
呢件禮服亮點
在於腰部後面嘅裝飾
下面仲有長長的裙擺
完全展示佢嘅大長腿
倪妮好似好like
緊身修身嘅長禮裙
今次都唔例外
全方位展示好身材
加上長長嘅黃色手套
好優雅~~~
周冬雨同樣都係
一身黃燦燦嘅色調
款式相對來講比較簡單
但係質地就係立體嘅
花花圖案綴滿全身
除咗全身黃之外
都有拼接咗其他顏色嘅款
唐嫣條裙就係純黃色
魚尾嘅設計都好別致
呢兩朵花一樣嘅手套設計
成為咗整體造型嘅亮點
真係好特別！
孫儷就著咗半身黃色
下半身係白色嘅長裙
anyway
網友仲調侃鄧超
好似一位
跟唔上老闆嘅秘書咁
佟麗婭都揀咗黃色元素
不過就係白色加黃色
黃色係後面嘅拖地裙擺
係好睇噶！
尋晚嘅紅地氈眼球
真係俾呢幾位嘅亮黃色
搶走咗唔少注意力
其他比較出位嘅
當然都有唔少！
↓
每次造型都好驚豔嘅
迪麗熱巴揀咗短髮look
紅地氈一身羽毛裙
佢場內個套復古造型
同樣被網友盛讚！
比較博嘅造型
張萌應該算一個
靚確實係靚
不過據聞佢為咗著入
呢條超級細腰嘅裙
仲整到條腰都傷埋
真係陰功！
#姐的身材是拿命換的
呢個tag都成功上咗熱搜
女明星真係唔容易！
楊紫嘅禮服裙都幾華麗
有種夢幻嘅感覺
而且啱曬佢個名
係紫色噶
Angelababy今次嘅造型
就比較低調
但睇起身真係好瘦
趙麗穎同樣低調風
棗紅色都比較顯穩重大氣
楊冪都係比較簡單
腰身上嘅蝴蝶結係一大亮點
薄紗嘅感覺都好顯氣質
金晨呢個紅色
就顯得有d老氣
勝在顏值救得翻
不過工作室d圖
就一言難盡
咁多種唔同嘅風格
你覺得邊個嘅造型最好睇？
BTW，微博之夜都仲有幾個tag
↓
現場嘅明星
居然都係度追星
最受歡迎嘅當然係丁真啦
連黃子韜都要曬合照
THE9嘅陸柯燃
就成功追星倪妮
賈玲同楊紫嘅錯位圖
都好好笑
網友都話兩位今次終於
成為好朋友了
有幾位嘅採訪
都有好point
最好笑嘅係黃子韜話
關於《青3》和《創4》
「看了第一期我就關了視頻，有點看不下去」
真係太敢講了吧！
係咪都講出咗好多人嘅「心聲」？
李現就話自己過年翻屋企
都會俾長輩催婚
又有人同佢八卦圈內野
其實明星同我哋一樣
聚光燈之外
都要面對現實生活
當晚仲有咩亮點係你印象深刻嘅？
今日佘詩曼同黎姿
先後曬出同對方嘅合照
配文表示佢哋進行咗
短短嘅閨蜜聚會
感情真係好好~
吉克雋逸話佢做咗通宵嘅美甲
去拍攝《浪姐2》
結果大家都係度討論「喜劇人」
無人發現佢嘅美甲
搞到佢又想哭又想笑！
資料來源：明星工作室
微博
網際網路綜合整理
編輯：張杰玲
*文中圖片如涉及侵權請聯繫，立即刪除
更多內容>>>
一次過get全年可樂報
投稿情色急症室
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
官方微信：可樂生活color(colorcolor818)
官方唯一商務合作QQ：1902182069