正忙於舉行巡演的楊千嬅，身體力行支持老公丁子高有份策劃的「不要膠下去」攝影展覽，以響應香港首個「無膠日」。千嬅大爆再度榮升做爸爸的郭富城（城城），有分享細女照片：「好得意！兩個女都眼大大、好靚、好似樣。（似爸爸多啲定媽媽？）兩個都似。（有冇流曬口水？）冇，呢啲緣分嚟嘅，早知系咁當年就儘快追，唔好隔咁耐，依家隔太耐個仔都7歲，系另一種教法。」將來想同城城對親家？她打趣話現時被小朋友管返轉頭：「教佢哋自己選擇，冇得管，有時去Play Day都會撞到蘇永康個仔，畀佢哋自己擴闊社教圈子。」
多謝葉德嫻提醒
席間有不少藝人分享環保Tips，其中葉德嫻（Deanie）呼籲大家應減少著波鞋，因為波鞋鞋底含塑膠成分，而接住身穿波鞋的千嬅甫上臺險於梯間僕親，即被主持人林盛斌揶揄：「都叫咗你唔好著波鞋！」場面爆笑！千嬅受訪時說：「系佢（林盛斌）第一個畀人話先，都有多謝Deanie姐，自己都醒唔起，依家可以循環再用好多嘢，但如果香港都有環保回收廠就好幫到手，唔使嚇嚇都要拎去東京回收，其實為下一代著想，每一個城市都應該要有（環保回收廠），不過就要研究有冇影響先。」
講到仔仔，千嬅表示學校方面一早就有環保活動，例如會舉行講座、有環保糾察：「我一拎錯嘢佢就會大嗌『媽咪』，我直頭覺得自己犯咗法咁，依家屋企全部都系玻璃器皿，用咗環保袋好多年，家傭出去買餸都會叫佢用冰袋裝。」續指自Torres出世後就開始特別注重，外出工作都會自備餐具、水樽，蠱惑笑言：「咁先有藉口買啲靚嘢，當然唔好浪費。今次搵到咁多Artist支持，影響力都幾大。」
葉德嫻現身為香港首個《無膠日》打氣，在活動上臺分享環保心得，笑言可以由每朝起身去廁所開始講起：「唔會用有膠包住嘅卷裝廁紙、學做番梘、用竹做嘅牙刷，服裝上都會著得簡單啲，同唔會著波鞋，因為鞋底含塑膠成分。」
原來她在30年前就開始實行環保，全因一次在紐約被一本書啟發，然後有了警覺，雖然經過多年，但現今仍會做錯事：「上3個星期好口渴去咗買雪條食，但原來個包裝系用膠做，覺得好後悔唔知點算，依家會更加謹慎，凡系有膠嘅都唔買，又例如我想食花生，雖然系用紙包裝，但個蓋系用膠造，寧願幫襯檔口仔買幾蚊花生食。出街都會帶好多唔同大細嘅袋用嚟買嘢食，返到屋企再洗番，咁樣都會安心啲、舒服啲、開心啲。」
問會覺得現場出席的嘉賓環保意識薄弱？她坦言：「佢哋唔夠㗎！大家互相提點，好似著膠鞋咁，個個都會著，所以希望香港有環保回收廠，唔好學其他國家咁將自己啲垃圾拎去窮嘅國家。」
談及做慈善工作，她表示：「如果有人需要我就會做。（唔拍電影？）冇人請嘛。（有人請呢？）睇下咩囉，啱自己先得㗎！（有劇本洽談緊？）冇。」