平時最叻講嘢嘅阿澤畀夜會長髮女單嘢搞到口啞啞！
有出軌前科的杜汶澤，前晚趁住老婆田蕊妮出埠工作，明目張膽背妻漏夜駕車帶長髮女伴返大埔愛巢，二人當場「斷正」，即時尷尬掩面，長髮女更慌張趴低避鏡頭，阿澤緊張爆粗大罵：「你咪X耷低個頭呀！」事後他上載與朋友在家中開P的照片為自己解圍。
46歲的杜汶澤與田蕊妮1999年開始拍拖，2005年正式拉埋天窗，兩人結婚踏入第14個年頭，經歷過不少風雨，阿田受訪時曾表示阿澤拍拖及婚後都試過出軌，雖然兩人吵過大鑊，但最終獲她包容，彼此扶持至今。
被撞破爆曬粗
近日阿田飛到東京參與拍攝旅遊節目，阿澤登時「無王管」，趁老婆不在香港，公然帶女夜會返歸。前晚約11時半，記者發現阿澤的座駕現身灣仔，赫見車內坐著一名長髮女子，之後駛至附近便利店，阿澤單拖下車去買煙，其後再駛至附近街頭停低，阿澤校低車窗邊煲煙邊與長髮女傾談，而其座駕旁邊沒有其他車輛，約5分鐘左右，他載住長髮女直駛位於大埔與阿田的愛巢康樂園。
杜汶澤嚇到眼凸凸。
見女伴縮低，杜汶澤即緊張粗：「你咪X耷低個頭呀！」
阿澤與長髮女被拍照時，用手掩面。
當車駛至康樂園閘口，記者上前拍照，兩人即一臉驚惶以手掩面，長髮女更慌張得耷低頭避開拍攝，阿澤見狀即緊張爆粗大叫：「你咪X耷低個頭呀！」女方才慢慢抬起頭來，還驚慌得頭髮亂了。
阿澤上載照片，表示與圖中的女化妝師（右二）及友人在家開P。
友人自拍，卻拍得阿澤與長髮妹形影不離好好傾。
上載歎和牛三文治。
十問九唔應
問到阿澤「個女仔邊個嚟？」、「點解帶女返屋企？」、「係咪趁老婆唔喺屋企帶女仔返嚟夜會？」等問題，他一直笑笑口沒有回應，然後直駛入屋苑內。事隔約一小時，阿澤在社交網上載一班人在他家中開Party的相片，明顯為自己澄清，怕激怒老婆！
阿澤以前曾夜夜笙歌，田蕊妮都包容忍耐。
田蕊妮表示知道阿澤約化妝師食飯。
阿澤做Gym前黑面拒答問題。
做Gym後笑曬口，因為拆掂咗？