Hello~新學期【粵講】又翻嚟啦！
今日帶來第八期：愛似農夫
最近《中國有嘻哈》十分紅火
HipHop仿佛一夜之間就風生水起
個個人都識問：「你有無freestyle?」
今日想同大家分享一支樂隊
他們令我開始接觸到什麼是HipHop
他們用Rap教識我好多老師唔會教我嘅道理
他們是
農夫
左:C君 右:6永
#關於這支樂隊#
2001年，同樣熱愛HipHop的6永（陸永權）與C君（鄭詩君）決定成立一支HipHop樂隊，奪得了「全港青少年樂隊比賽」冠軍，然後推出首張唱片《月下思》。06年農夫因派臺歌《456Wing》而聲名大噪，07年加入陳冠希與陳奐仁創辦的唱片公司CMD，製作出很多好作品，先後獲得叱吒十大、勁歌金曲獎與十大中文金曲的頒獎。10年農夫在紅館開show，成為第一支在紅館開演唱會的hip hop組合。後來同年11月農夫跟隨經理人DJ Tommy離開CMD加入TG Management。加入新公司的農夫開始更多嘗試拍劇拍電影和上節目。資料來源維基百科
這裡是農夫自述心路歷程(有陳冠希陳奕迅哦~)
我想通過幾首歌來介紹他們
《456Wing》
我Rap到深造我Rap到乜都冇做
我Rap到我戶口變到雙位數
我堅持我堅持
我Rap到我阿媽都叻到識Rap我
佢話「堅持 堅持 幾多錢一茶匙丫？
第一次聽這首歌是在初中
懵懂的我才知道原來歌可以咁樣唱
後來越來越大個
先開始明白這首歌的意思
條路自己揀，撲街都唔好喊
只有熬過漫漫長夜，方可以見到天光
《舉高只手》
有冇諗過白日夢都可以成真
有冇諗過鍾意嘅人等緊你成親
有冇諗過呢世系你最開心嘅人生
睇你敢唔敢舉高只手唔好再等
用呢只手拎住結婚戒指
問你中意嘅女士 佢願唔願意
用呢只手改變世界歷史
有人話你無知 起碼你肯嘗試
這首歌標誌著農夫的巔峰
他們憑藉這首歌獲得許多殊榮
「舉高只手使乜怕醜」是這首歌的中心
當你有想要嘅嘢
就大膽舉高只手去爭取
唔好畏首畏尾
《24》
如果人生系得返廿四小時
你會有啲乜嘢表示
好似乜嘢都只不過系小事
到底系咪會諗返幾廿年之間
有乜野值得比較記住
有邊次活得比較有意義
由細開始要勤力啲 考好啲試
我聽過唔止一次 全部人口供一致
話只要入得到大學拎到張沙紙入間大公司攞到啲銀紙
先可以先可以叫做成功人士
系邊個話我知要咁樣做人先至算系有意義？
為什麼我們要循規蹈矩
跟住別人的指示做自己唔中意嘅事？
是否要等到人生淨系得翻24小時
先開始去做自己想做嘅事？
《偉大航道》
再大多幾歲
你會想搵返個情侶
老土啲講一句
你唔系有心就唔好追佢
你諗下佢為你流嘅眼淚
你傷害佢將來佢
唔再相信愛
你仲點過意得去？
以前高中的時候幾乎每個男仔都會唱呢首歌
農夫以過來人的身份
俾我地好多忠告
對於尚未形成自己愛情觀嘅我地
可以話系一部聖經了
《風生水起》
我一出世就識睇梅花易數
用咗廿年羅庚東南西北梗系分到
我掌又睇到 相又睇到
要Rap都完全無難度
鼻頭好有肉 內心就無毒
眼睛水汪汪 桃花運暢旺
眉尾散 儲錢難
上唇厚重情 下唇厚比較重性
這一首歌是農夫與玄學大師麥玲玲的一次跨界合作
將hip hop與玄學進行結合創新
產生意想不到的效果
《十七年華》
我日日等 日日忍
但系點解都硬系咁
問上主 問老師 話俾通街啲社工知
但系佢地話我飛女衰女吹水
不但止 仲話咦 乜你開始食毒品
無錯我成身安眠藥 但系無諗過食安眠藥死
只不過系我身體弱弱地
醫生著略俾 幾樽 等我返屋企
可以略略訓得著
但系個屋企 我無再返翻嚟
這首歌可以話系農夫最沉重的一首
歌詞揭露未成年面對社會方方面面的問題
諷刺了新聞報導不切實際、社工不理解青少年而引發的悲劇
《粒粒皆辛苦 》
做咗幾十年人
好似苦多過甘
又要搵銀又要忟憎又無幾多嘢值得開心
轉頭父母過身 朋友移民
以前落酒吧一班人
今日啲啤酒自己飲
飲到醉醺醺
涼風陣陣
幾辛苦都行咗大半個人生
終於知道 粒粒皆辛苦
這首歌講的是一個人從出世到中年的心路歷程
把各個時期的處境描述得仿若身臨其境
特別有一段寥寥幾字就寫出了中年的唏噓
十分有畫面感
仲有好多首農夫嘅歌難以一一介紹
比如關於分手《好彩分手》
關於家人《奇蹟》
關於物質愛情《愛似林一峰》
關於香港變遷《Sam歌》
關於學生《學海無涯》
農夫的歌詞常常從小處著手
唱出平凡的大道理
初聽會覺得特別無釐頭，搞笑
但系細心聽落，可以聽出好多意味
他們的詼諧、熱血
在我的成長路上影響了我很多
若果你願意了解下佢地
相信你都會鍾意上呢兩個鬼馬精靈嘅Rapper
最後送上一段HipHop Man歐陽靖與農夫的Battle
點擊閱讀原文觀看完整版
圖片丨網絡
編輯丨新聞中心 高橋涼介