白 話廣州
新聞話，端午小長假，增城市增江6.5公裡嘅省級碧道試點成咗新晉「打卡點」。同綠道唔同，碧道系江邊嘅人工廊道。夏天行江邊，可以吹住江風，又可以親水。呢條增江碧道，其實系「增江畫廊」嘅一段。呢度淺灘多、水域環境豐富、沿岸景點都唔少，好似一幅巨型嘅「山水畫卷」噉。而家開通試點嘅呢段系從雁塔大橋南一直到初溪攔河壩。
增江碧道有一個好有特色嘅觀景項目——觀鳥。因為呢度有增城「小鳥天堂」之稱嘅聖皇洲。呢個聖皇洲其實系一個綠洲，島上好多竹林，所以棲息咗百幾種雀鳥，好似白鷺、夜鷺、黑鳶、褐翅鴉鵑、領鵂鶹、斑頭鵂鶹、八哥等等，有啲仲系國家二級保護動物。系聖皇洲對面，就有一個碧道景點聖皇洲廣場，呢個親水平臺，市民唔單止可以休閒漫步，運氣好嘅話，仲可以睇到「千鳥歸巢」嘅奇景。
呢條碧道，佢仲系一條三層嘅立體碧道。最下邊嗰條系親水道又系單車道，可以行去親水平臺；中間嗰層系慢行步道，俾遊人邊行邊睇影相；而最上邊嗰條系登山道，可以連通其它路。
有山、有水、仲有咁好嘅生態環境，難怪增江碧道一建好就成為「網紅」。
◎阮栩 編輯