編輯：周暢瑜 攝影：柯文雯
很多人都覺得廣州的生活節奏實在太快了，小編就認為茶樓很好地道出廣州人生活的另一面：悠閒地飲啖茶，食個包，睇下報紙，吹下水，間中見到街坊打聲招呼，寒暄幾句……茶樓的慢令你拾回在外感受不到的人情味。小編最近發現一間新開系荔灣區嘅有成美點，傳統粵式茶樓的格局，全場功夫茶為特色，系度飲茶嘅每個人都顯得漫不經心，十分愜意。
除咗裝修氛圍有人情味，價錢仲非常親民！依度唔單止茶飯市直落，折頭仲要低至6.8折！傳統+創意點心更令小編欲罷不能！價錢出品就是咁實在！
有成美點嘅裝修格局同傳統茶樓差唔多：簡潔明亮、直接大方。傳統茶樓就系咁，冇多餘花巧嘅擺設。一入門口，小編感到一股濃厚的粵式茶樓氣息包圍住我，整個人都慢了下來，老廣州優哉遊哉的生活態度滲透到每一個角落。
招牌蝦餃皇！每次飲茶唔點簡直對唔住自己！蝦餃基本上每間茶樓都會有，但系做到令人如此深刻嘅就真系冇幾家！有成嘅蝦餃皇四個字：大隻！足料！隨便數數都可以數出四五隻蝦系裡面！出名口大嘅小編一舊擺曬落口。依種滿足感真系「存在我深深的腦海裡！」
外形同蝦餃系孖生兄弟嘅招牌潮州蒸粉果。煙韌嘅粉皮包裹住花生、蝦仁、蘿蔔乾、芫荽……香味濃鬱，口感豐富有層次。傳統的做法，卻又百吃不厭！
早系小編嘅豆丁時期一直有個疑惑：點解菠蘿包冇菠蘿？於是有人同我講：老婆餅裡面有老婆咩！雞仔餅裡面都冇雞仔啦！認真你就輸啦！
但系來到有成美點之後，小編平靜嘅心從此掀起波瀾！因為依度嘅菠蘿包真系有菠蘿！名副其實嘅招牌菠蘿包~酸甜多汁嘅菠蘿豐盈咗菠蘿包嘅口感，從來未試過如此清新脫俗嘅感覺！飲啖茶，食個包，簡直彌補咗小編童年嘅遺憾！
大概屋企人知道小編用（xu）腦（yao）過（bu）度（nao），於是乎幫我點咗一大籠核桃包，其實核桃微苦澀嘅味道小編本身都唔系好中意，但系系家人濃濃嘅愛意包圍下，點都要試試啦！=￣ω￣=
咦？原來核桃包裡面除咗大大粒核桃裡面仲有鮮奶，配搭夠曬新穎！特別啱出爐嘅時候，熱辣辣嘅鮮奶中和核桃苦澀嘅味道，香濃又滋味~好食之餘仲系開發頭腦之佳品，食多幾個包你頭腦聰明轉數快！
鮮蝦腐皮卷。微微炸過嘅腐皮變得香脆可口，裡面嘅豬肉鮮蝦餡令到每一隻都鼓鼓的，就來爆餡咁款，有成你洗唔系咁搏啊！
皇牌冰榴槤。未見其樣，先聞其味！真系榴槤飄香！咬開佢，濃鬱嘅榴槤香衝擊鼻腔攻佔口腔，軟滑嘅奶油包裹住綿滑嘅榴槤肉，真心好似食緊雪糕咁~俾個大拇指你！
春卷系茶樓就食得多啦，特色蛇春卷你又試過未？小編叫佢做「中式百利滋」~唔好睇佢身形咁苗條，裡面好有餡噶！香脆嘅春卷皮包住鯪魚滑同豬肉，佢修長嘅身形亦都唔驚d春卷皮食到周圍都系~飲茶之名言警句：春卷都要食得斯斯文文！
金網鮮蝦紅米腸。紅米腸軟糯，金網脆口，鮮蝦彈牙，一啖咬落去三重各異嘅口感同時迸發系口腔裡！真系睇得又食得~
食多咗有d滯添~小編即刻點翻個酸酸辣辣嘅泰式白雲鳳爪。食過白雲山上嘅白雲鳳爪都知道，正宗嘅白雲鳳爪酸甜清爽，口感冰涼彈牙，加上泰式醬汁酸酸辣辣嘅味道，舒服！引得小編流曬出口水來了！洗乜山長水遠去到白雲山頂，系有成美點都有得食啦~
酥皮豆沙鍋餅。酥皮真系好酥！酥到一咬就跌曬落檯面，小編要託住佢先敢大快朵頤！裡面嘅豆沙細膩厚度適中，飲翻啖茶就最夾啦~
所以有成美點每圍都配備功夫茶具。普洱烏龍鐵觀音……任君選擇，銅壺茶具亦都好有氛圍。待銅壺嘴冒出蒸汽，就可以衝茶啦。水滾出靚茶，就系咁簡單~
小編啱啱講過全天茶飯市！有成美點午市、晚市嘅特價菜式點可以錯過！
小編即刻點翻只紅燒乳鴿試下先~哇！依只乳鴿果然正嘢！皮脆肉嫩，汁水豐富，食到小編停唔到口嘅紅燒乳鴿每隻都只系19.8蚊！
順德大盤魚。用料一個字足！兩斤鯇魚一條、鮮蝦、麵筋、燒肉、雙丸、鹹酸菜。「兩大一細」走來食到扶牆走都只系48蚊！
有成美點創新嘅出品沒有淹沒傳統老廣州嘅飲茶情懷。系度飲啖茶，食個包，融洽又愜意。不僅為了填飽肚子，這種追求悠然自得的生活方式更是深深植根於每一個廣州人的心中。而且價格十分親民，每款點心低至6.8折！來有成美點嘗美點飲靚茶，感受地道廣州文化吧~
優惠信息：試業大酬賓！全天茶飯市直落！
①早茶7點-中午2點，點心一律7.8折大優惠
②下午茶2點-晚茶市10點，點心一律6.8折大優惠
點名：有成美點
電話：020-81256950
地址：廣州市荔灣區文昌南路，長壽西路口
交通指引：地鐵一號線長壽路A出口轉右直走約250米，見到有成美點招牌後到左側樓梯上二樓即到。
營業時間：7:00-22:00
註：部分圖片來源網絡
吃喝玩樂IN廣州 微信是目前廣州最大的微信公眾平臺，微信粉絲超過60萬，商家撰稿、到店採訪、餐飲策劃推廣，請聯繫主編微信：Gz1468