李佳琦直播你究竟為乜而睇?梗係要睇幾隻狗打交啦!

唔理係喺咩平臺

係要買嘢定係打發時間

相信大家都睇過直播

甚至睇直播已經變成

好多人生活中

每日都必須做嘅一件事

可樂君個同事

之前話佢點都唔信

d朋友可以日日睇直播

然後日日喺度買嘢

點知佢去睇咗一次之後

竟然不知不覺入咗迷

變成日日都準時追

大家都知依家最hit嘅直播

肯定要提李佳琦

你有無睇過？

又係為咗乜去睇咧？

可樂君問咗下d朋友

大概屬於幾類

#買筍嘢

呢個應該係大部分

去睇李佳琦直播嘅人

主要嘅目的

因為喺佢直播過程中

上架搶購嘅產品

好多都比自己直接買

優惠非常之多

或者會送好多贈品

原本大家都係為咗買嘢去睇

但係依家好多人嘅目的都係

#睇狗

李佳琦嘅幾隻狗

真係紅到不得了

雖然望上去

好似都生得一模一樣咁

但其實每隻性格都唔同

最紅嘅梗係我哋never啦！

（不接受反駁）

一見到鏡頭就會拜拜嘅never

真係人見人愛

最近仲同某品牌合作

出咗眼影盤添！

據聞賣到斷貨好難搶！

頭銜晉升為娛樂圈N姓女明星！

同never打交打到上熱搜嘅

係never個女叫做妹妹

人稱心機綠茶犬

never仲有個仔叫弟弟

喺未絕育嘅時候弟弟同妹妹

就生咗小豬豬、佩奇同喬治

好熱鬧呢個家族……

李佳琦d狗嘅視頻

喺b站點擊率都超高

甚至乎每隻狗都有粉絲！

#為咗睇明星

直播間紅咗之後

經常會有明星出現

每次明星同李佳琦一齊直播

都會有意外搞笑嘅熱搜

例如係講到朱一龍懵咗

例如係幫高曉松塗口紅

搞到never離唔開視線

呢一幕真係太經典了！

點擊播放 GIF 1.5M

所以都有朋友

係因為想睇自己愛豆

先去睇佢直播

#想睇小助理

大家除咗中意李佳琦之外

陪伴咗好多年嘅小助理

都好受大家歡迎

特別係大家都中意

睇李佳琦同小助理鬥嘴

之前佢哋賣瑜伽墊嘅時候

仲喺直播間鬥平板支撐

#好奇去睇下

好似可樂君個同事咁

因為好奇心而點入去直播間嘅人

其實都不在少數

覺得佢既然咁紅

肯定有d料到

不過由於李佳琦嘅口才了得

好多呢種只係去湊熱鬧嘅朋友

經常都會不知不覺

就落咗好多單...

Well，以上講嘅你有無中招？

話時話依家網絡變得咁發達

你覺得以後仲會出現d咩

犀利又奇特嘅形式？

點擊播放 GIF 3.0M

資料來源：網際網路綜合整理

編輯：zhangxiaoli

羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。

官方微信：可樂生活color(colorcolor818)

—— 分享新聞，還能獲得積分兌換好禮哦 ——