老廣話事:網徵粵語歇後語 引來兩百跟帖人

　　這個「老廣話事」欄目，是專為說粵語或正在學說粵語的新老街坊而製作的———本地的老街坊，看了不妨一笑；外來的新街坊，也是時候學幾句「南蠻方言」啦。

　　新快報訊（實習生　王白石）「鐵木真打仔———大汗耷細汗」、「水瓜打狗———唔見緊橛」……呢啲通俗搞笑嘅粵語歇後語，早兩日喺某個知名論壇上邊搞咗個「大集合」。

據記者了解，舊年6月，網友「雨後陽光」喺呢個論壇上邊發咗條專門徵集搞笑粵語歇後語嘅帖之後，已經有兩百幾個網友跟帖「貢獻」咗好多自己嘅珍藏出嚟。好多網友都話自己喺呢個帖裡面了解咗好多粵語文化，學咗唔少嘢，其中啲外地人就更加係大開眼界。舊年6月，網友「雨後陽光」喺某知名論壇上面，率先發表咗一大篇搞笑粵語歇後語，結果就掀起一朕粵語歇後語「風」，短短3日內，就有30幾條跟帖。「秀才手巾———包書（輸）」、「太公分豬肉———人人有份」……網友個個興致勃勃，絞盡腦汁「貢獻」出自己知道嘅歇後語，就因為咁，張帖發表到而家已經9個幾月仍然一直未沉。初步統計，到4月4號為止，已有兩百幾個網友跟帖。雖然採訪唔倒樓主「雨後陽光」，但記者仍然喺好多網友道搵倒呢個帖點解咁火爆嘅原因。好多網友話，呢道發布嘅粵語歇後語好鬼經典，又充滿生活氣息；唔少廣州本地網友仲話，有啲歇後語自己都未聽過。網友「iveco」感嘆咁講：「原來廣州咁多文化喔，真喺大開眼界啊，返去話俾阿爸阿媽聽！」網友「廣州人」仲專門發帖「校對」其他網友張帖裡面果啲錯字添。市民王小姐對記者講，佢啱啱嚟廣州，好多粵語都唔識，但覺得張帖好有趣，「看來我要快點學粵語啦！」

　　幾條得意嘅粵語歇後語:

　　形容人：

　　洗腳不唔抹腳———係咁甩七個銅錢分兩份———唔三唔四

　　形容事：

　　平洲奶媽———賺個肚棺材頂燒炮仗———嚇死人