《十二傳說》扮金田一查案太難頂？盤點TVB經典真有鬼恐怖電視劇
近年中國內地對於靈異題材嘅影視製作都嚴厲打擊，連帶近年開始引入內地資金拍攝電視劇嘅TVB也受到波及，所以大家唔難發現，近年TVB對於靈異題材嘅製作都買少見少。近來竟然難得有一套《十二傳說》確實系一大驚喜，不過評價好壞參半，有網民仲覺得《十二傳說》不停扮金田一查案好難頂，借鬼講冇鬼呢條橋唔好睇。其實TVB真心講「鬼」嘅恐怖電視劇堅好睇，有冇一套你有共鳴？
《奇幻潮》
要數TVB經典恐怖電視劇，點能夠唔數《奇幻潮》？《奇幻潮》是TVB的詭異節目，於2005年起逢星期六深夜時段播出，當年呢個該節目由鄭伊健做主持，再以單元故事式播出，共分成二十二個詭異的故事，每個故事的驚嚇度十足，拍攝手法也集中是以恐怖片方式，並非嗰啲「扮有鬼」或「發夢」嘅爛尾橋段！
最深刻嘅故事一定系〈四人再歸西〉，故事以民間傳說為軸心，如果四位玩家在同一舖麻雀內，各自打出一隻「西」的話，四人即被咀咒，並無故身亡！呢個故事恐怖到而家打親牌都唔敢打四隻四㗎！
當時有出演過奇幻潮單元故事嘅星，而家粒粒都系大星嚟，有鍾嘉欣！
黎耀祥喺柴九嘅形象未咁深入民心前，經常演鬼片，入型入格㗎！
仲有當時相當清澀嘅 Shine！
仲有而家已經退出幕前，做咗商界女強人嘅Race黃婉佩
當然都唔系集集都行恐怖路線嘅，有集由黎諾懿主演、阿佘佘詩曼客串嘅《神奇藥水》，故事講述主角阿康喜歡新鮮意念，特別愛好科學發明，某日他訂了一套神奇藥水，此藥水可以將在畫面上出現的人變成真人出現，他更先後變了佘詩曼、韓君婷出來。
其實成套《奇幻潮》都有日本長壽恐怖單元電視劇《世界奇妙物語》嘅感覺，有冇睇過嘅觀眾有同感呢？
《大鬧廣昌隆》
另一套必數TVB經典恐怖電視劇，非《大鬧廣昌隆》莫屬！除咗有林家棟飾演嘅大隻廣夠搞笑，仲有周海媚飾演嘅小芙蓉夠深情，進型又夠銷魂，確實系一眾電視迷嘅集體回憶！
由梅姐梅豔芳主唱嘅《抱緊眼前人》都系經典！
故事講述講述由林家棟飾演的許大廣與由周海媚飾演小芙蓉的故事。許大廣是一名在廣昌隆當苦力的普通職員，因長相與廣昌隆死去的三老闆陸運廣相似而被二老板關照。
許大廣在機緣巧合下拾得一紙傘，更發現一隻女鬼長年寄居於紙傘內。女鬼小芙蓉心地善良，長年寄住傘內只為找回失散多年的三哥，其丈夫陸運廣。
不過，許大廣青梅竹馬的女友倀雞英因妒忌大廣與小芙蓉日漸親密，而用極難聽的說話將小芙蓉趕走。
大廣追出尋找小芙蓉時被雷電擊中，而這一次雷擊卻讓大廣想起以往小芙蓉與陸運廣相處時的種種。
呢套人鬼情電視劇主要大賣深情，恐怖劇情不多，極其量嘅恐怖點系人性嘅醜惡，為咗錢連自己親手兄弟都可以殺死！
當時豹哥單立文飾演嘅王天靈邪氣十足，奸到出汁，睇得人心寒！
《七姊妹》
香港北角七姊妹道嘅由來有個傳說：戰前七位金蘭姐妹為情集體跳海自殺，翌日七具屍體浮上了水面，往後有關鬧鬼的傳聞不斷傳出。
而主角就系由向海嵐飾演的富家女麥秋娟，她是七姐妹中的一員，當年她不甘聽命父親下嫁富商，與愛郎江華飾演的繆蓮仙相約與七姊妹道自殺殉情，但天意弄人，黃泉路上一路苦等也沒看到蓮仙的出現，因此秋娟每年的七月都會重回七姊妹道。
故事線除了是向海嵐和江華，還有羅嘉良和佘詩曼，兩人飾演鬥氣冤家，並幫向海嵐尋夫。
向海嵐和佘詩曼呢個組合，而家都冇乜機會可以再見了。
當中的七姊妹由各女星飾演，當中有好耐冇見嘅苑瓊丹。
《全院滿座》
《全院滿座》以香港1960年代的「東城戲院」作背景，在當時的香港，市民生活困難，去戲院睇個戲已經算系一種奢侈的娛樂。
故事講述一關詠荷飾飾演的周秀英在好友介紹下擔任該戲院的售票員，可是她經常認為戲院內有鬼，令戲院少主，由吳啟華飾演的程浩然大感不滿。
但隨後兩人發現戲院內真的有鬼，並揭發程浩然的後母與戲院司理有姦情。
兩人相處日久，令浩然對秀英產生愛意。
戲院時至今日，都經常會被人誤傳鬼怪集中之地，總系令人不寒而慄，睇埋呢套劇，一定令你大叫心寒！
礙於電視尺度，最恐怖其實都系氣氛嘅營造，加上少少暴力畫面。
---
商務合作QQ：2063871309
劇迷QQ5群:133989729
最新最快最全：關注訂閱號tvbvideo，回覆：2019
（長按下圖識別二維碼即可輕鬆關注）