「成年人的失控最多只能是五分鐘」
「自己登上山頂和別人拉你上山頂
的感覺是不一樣的」
「不要將就，你值得你想要的」
「愛情就是個鬼，誰也沒撞見過」
「孩子不是一段婚姻的必需品，
愛情才是。」
這些人間清醒嘅臺詞，
出自最近熱播嘅《理智派生活》。
睇個海報你就知
呢出劇係關於姊弟戀
劇中女主沈若歆（秦嵐飾）
好似成日有人生選擇題要做。
事業上遭遇「職場歧視」，
佢要諗反抗定係妥協；
感情上同時有兩個追求者，
一個係年下小鮮肉祁曉（王鶴棣飾），
一個係適婚精英男徐敏傑（李宗翰飾）
同阿媽相處都唔輕鬆
「堅持自我」同「向親情妥協」
令佢成日覺得好難做
同樣嘅話題、同樣嘅語氣
又系「催婚媽媽」專業戶潘虹阿姨
忍唔住要cue下
《剩者為王》嘅舒淇
沈若歆呢啲艱難嘅處境
未係好多30+未婚職場女性嘅寫照？
劇中嘅感情線好真實，
男女主呢對姊弟戀
真係有「共同成長」嘅感覺，
女主教會男主成熟同擔當，
男主令女主放鬆自在、有依靠。
男主祁曉人設好美好：
溫柔、帥氣、
熱情、懂事、貼心，
睇劇嘅網友都會佢係「狗狗」。
唔同於以往的乾柴烈火、一見鍾情
窮追猛打、虎頭蛇尾
呢對姊弟戀感情發展
竟然屬於細水長流型，
開始兩個人冇拍拖嘅心思！
尤其係沈若歆，
一直將祁曉視為小屁孩、小跟班，
係經過深入接觸之後，
兩個人先日久生情……
喺「神奇寶貝」CP打工人嘅一日，
沈若歆、祁曉一齊調查
新能源汽車嘅銷售情況
係一對好啱key嘅拍檔
沈若歆俾阿媽硬拉去相睇；
助理仔祁曉一定貼身隨行，
相親會上更加上演霸氣告白。
面對人哋對沈若歆嘅質疑
祁曉會直言：
「年級大怎麼了，我就喜歡年紀大的。」
同沈若歆表白得誠意滿滿：
「你不用假裝別人，
你現在這樣就特別好」，
Color君馬上腦補咗一堆粉紅色泡泡
之前好多影視劇中嘅姊弟戀
無論「姐姐」工作能力幾強，
一拍拖就會「戀愛腦」上頭，
轉眼變成一個「傻白甜」
今次真係唔同咗
沈若歆會教祁曉職場生存法則，
喺愛情亦唔會完全依賴對方。
似乎係話俾大家聽：
姊弟戀唔係一定要係甜寵劇式
劇中真實又清醒嘅部分
係經常出現嘅「母女對峙」，
潘虹演嘅阿媽會有
好多句句到肉嘅金句
令人覺得「難聽卻有理」嘅果種。
喺拍攝花絮裡面，
都出現咗唔少金句！
「挑男人，不要挑那種花架子的，
有車有房有錢又怎麼樣？
他的心不在你這，
到時候你還會一場空的。」
女主阿媽雖然催女主結婚，
但揀同女婿嘅眼光卻好理智，
「海王」霸總獻殷勤嗰陣，
女主媽媽一針見血指出「渣男本質。」
有個咁清醒嘅媽媽，
怪唔得女主會係個「理智派」。
如果話
好多劇係「披著各種外衣談戀愛」，
《理智派生活》就係
打住姊弟戀嘅旗號
直戳現代職場女性痛點嘅「紀錄片」
雖然電視劇都會有誇張成分
但呢出劇故事、人設、情景
都真實到「令人害怕」
說好的姊弟戀就不甜了？
當然不是~各種甜蜜情節
令祁曉嘅男友力節節攀升
沈若歆喺愛情、生活、職場
不斷嘅打怪升級
何嘗唔係俾戲外嘅我哋，
另一種人生嘅參考？
歪個樓，
劇中沈若歆、祁曉CP感好強，
可能因為「劇情（宣傳）需要」
秦嵐、王鶴棣嘅線下互動自帶糖分，
有啲網友追劇追到
變成演員真人CP粉。
4月25號晚，即係今晚
《天天向上》【寶藏列車】假期出行，
秦嵐、王鶴棣又出嚟撒糖，
磕cp嘅朋友又有糖磕了。
資料來源：微博、劇照
網際網路綜合整理
編輯：曾敏妍
實習生 羅匯源
*文中圖片版權歸原作者所有，如有問題，請與原作者聯繫
更多內容>>>
一次過get全年可樂報
投稿情色急症室
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
官方微信：可樂生活color(colorcolor818)
官方唯一商務合作QQ：1902182069