好多時拍拖嗌交，會同女友冷戰大家唔搵大家幾日
或者系"分手"，有時只系可能分一星期大家又一齊番，點解只系一星期？因為過往都試過咁樣，但大家都好鍾意對方,最後都會搵番大家
但系如果你條女身邊有好多八婆FD、男知己、觀音兵、新識而且唔錯既男仔、仲有最僕街想番啅既EX男友，就會好容易忘記你
成件事就是咁，你地唔知因為咩事冷戰/嗌分手，之後大家都覺得無錯，而且果排覺得好辛苦，所以就大家都唔搵番大家住,你條女又唔想好似自己搵番你先，因為佢唔覺自己有錯或者覺得搵你系縱容你既行為
之後佢就會搵八婆FD、男知己、觀音兵、新識而且唔錯既男仔傾下電話/微信，與此同時，一直潛伏系身邊最僕街想番啅既EX男友就會變得好關心同好殷勤
首先系八婆FD，佢地會扮鳩曬理性咁同你條女分析呢個男仔
而呢D八婆FD一般為人小氣計較，而且根本唔知發生左咩事，更加未必真心想知咩事
而只系基於同你FD而答你，例如聽到你話你地行行下街各自走左
就會話: 你條仔都痴線，有咩理由行行下街走左去，就算佢幾嬲都好，都要氹番你羅！
同埋真系愛你，點會由得你系街自己一個番去，送都唔送你！well，我覺得個男仔都唔系真系好鍾意你羅！
但其實背後可能另有原因，但八婆FD既思維，一般只會集中系個男仔既行為(即繫結果，而唔系原因)
佢地會將自己代入個結果，之後覺得好難頂，無可能接受個男仔既行為，個男仔好僕街，好唔成熟，就建議你唔好再同佢一齊，或者到時個男仔想一齊番都要絕D唔好理佢
第二系男知己，男知己呢刻未必系鍾意或者想食你條女
但通常以前都系溝過溝唔到/曖昧過，之後FD左又獻鳩曬殷勤咁
男知己一般會真系好有耐性繫到聽，問曬前因後果，而且平日又一路聽你條女講你地點
所以都會認真分析同比下意見，但佢地最鳩傻就系扮鳩曬好大方，脾氣好好，件事發生系自己身上自己會點樣理性處理
之後D答案全部都系好理想，好care女仔感受，同你既行為形成強烈對比，令你條女自己繫到反思再反思
點解第二個男仔都做到，我男朋友後而唔得呢？
男知己會最後加句，可能你男友都未系咁成熟/鍾意你…
事情耐左/發生次數多左，佢地就會開始叫不如分手啦咁辛苦
而男知己勁既地方就系你條女真系當佢好好既朋友，有咩事都會自動同佢講
佢地根本唔洗做咩，你條女就會同佢講曬，而且非常想聽佢地既意見
因為男知己系你女友眼中可以相信既男仔同埋好FD既男仔，無必要水佢，所以佢地既意見一般好有殺傷力
第三系觀音兵，做得兵仔一般質素唔高，而且個女都對佢無咩feel
但兵仔都會想升職，得閒會問下你條女近排同男友關係如何
撞正分手果期，你條女可能會答多兩句，但兵仔一般排系男知己，ex，八婆FD之後，所以女神未必成日回佢
但兵仔勁既地方就系你搵我，我實好鳩好態度同服務，又會建議下點做，試下約下女神食飯散下心
有D醒目既兵仔可能本身有D才能，例如識D唔知咩咁，就會系呢個時侯話不如試下爬山啦，個人玩完好累好relax架
又或者系今日我作品展，不如過黎行個圈啦，總之就會一直搵位入
女神一唔堅定/諗唔到背後原因就系咁先…
第四系新識而且唔錯既男仔，呢類男仔一般都會被動少少
因為唔知你條女感情狀況，只知有拍拖，就唔會太過主動，通常系某個場合/成班人先見到
但呢類男仔都有D經驗同埋條件唔錯，都知你條女平時會望下佢咁，可能都對你條女有D好感，但基於人地有男朋友，所以平日連微信都傾唔多
但當知道左你地分手，佢會180度轉變，會變得好進取同有技巧，當正平時溝女咁溝
而你條女因為心情非常低落，有狗公氹下自己，欣賞下自己，而且贊下自己…
如果仲要系高/富/帥有兩樣或者三樣，我諗你都系咁先…
而呢D男仔利害之處就系平日好似隱形咁，你根本唔鳩知有呢D人既存在，到佢地有位入既時候，你就喊都無鳩用！