JXC久休開騷超緊張 黎紀君喪隊咖啡反胃 關嘉敏大澳掃街

餘香凝跟吳嘉熙前晚《Jennifer餘香凝X Cheronna吳嘉熙Transformation Live 2020》音樂會。提到今次舉行網上音樂會，二人坦言三個月前已有想法，不過到最近才能成事，餘香凝說：「之前一直未諗到音樂會主題，因為疫情關係，社會氣氛唔系咁好，只系想有正能量。」

　　此外，她們坦言開騷前非常緊張，因疫情已很久沒唱live，她們表示：「雖然冇現場觀眾已經冇咁緊張，但都有好多工作人員，加上疫情已好少在人前唱歌，自然會緊張些，但當然都想有番觀眾的現場騷啦！個感覺好正，我們都好掛住。」

黎紀君喪隊咖啡反胃

藝人黎紀君與盧頌恩（妹頭）為香港開電視拍攝節目《開間咖啡店》，節目中由衝咖啡到嘗試開鋪，讓二人眼界大開。不過，黎紀君笑言拍攝時飲咖啡飲到不適：「我鍾意飲咖啡，但太濃就頂唔順，有日太眼瞓不停咁飲，飲咗三杯已經胃痛、頭暈。」妹頭則笑指因不停喝咖啡有助排水去水腫，反而瘦了。

黎紀君與妹頭不約而同認為做生意會選擇單獨做老闆，不會找朋友拍檔，避免爭拗。黎紀君說：「自己做生意都系一時衝動，去臺灣學完整蛋糕就返嚟開鋪，做咗兩年半，蛋糕全部系自己做，所以經常通宵整，冇覺好瞓。」妹頭開設的按摩店開業兩月即遇上疫情停業，但她趁機重整日常營運，復業後更得心應手。

關嘉敏大澳掃街自隊菠蘿冰

女子組合Bingo成員關嘉敏（Carman）深明疫情下「旅遊控」之苦，短期內離港旅行難以成事，所以化身「無料伴遊」帶大家玩盡「東方威尼斯」大澳。Carman一到達就去掃街醫肚，看見滿街地道小食攤檔，有燒賣、魚蛋、腸粉、鵪鶉蛋、麥芽糖、樽裝涼茶等，真系聞到都流口水！Carman情傾熱辣辣又彈牙的滷水大墨魚，入口煙靱，忍不住豎起拇指畀like，之後再去餐廳試食咖喱魚蛋、牛丸、紫菜湯、豆腐花及士多啤梨益力多沙冰，最後自隊埋菠蘿冰至滿足。食飽她即去運動，逛完沙灘再上山，最緊要打卡影靚相出post啦。

關嘉敏到大澳一日遊。

關嘉敏行山不忘影靚相打卡。