燈燈燈凳，你哋好啊，各位老友記，今日IN仔又嚟為你哋推介好戲。嗱，各位，網劇你哋就睇得多啦，噉來自香港嘅網劇你哋睇得多唔多咧，而且係來自香港而又星光熠熠嘅網劇，你哋又睇過未啊
鑽石級群星陣容
改編於同名火爆網絡小說，網羅曬香港當紅演員鄧麗欣、陳小春、謝天華、應採兒、李燦琛、陳國坤、鍾麗緹、關智斌、林俊賢等人共同演出嘅hit爆網劇《天才在左，瘋子在右》粵語版，家陣有得睇啦~~~（鼓掌，撒花）哇哇，粒粒都係超級明星喎，唔係惹小，有睇開港劇或者有留意開臺灣娛樂嘅你，自然知佢地乜料。身為第一男主角，柯有倫話自己深感榮幸，尤其可以同心目中偶像周星馳「御用演員」陳國坤（《功夫》電影裡斧頭幫幫主），古惑仔電影始祖演員陳小春及謝天華、憑《香港製造》拿數獎的李燦琛及性感女神鍾麗緹同臺，柯有倫覺得「能和他們一起表演，這個第一次比談戀愛還令我期待」。
記者會入面柯有倫終於見到「女友」鄧麗欣，兩人要喺劇中「好好戀愛」，被問及有冇親熱戲及親熱尺度？兩人耍手偏擰頭表示唔清楚，但對於呢個「另一半」都好滿意。
紅爆網絡小說改編
從演員陣容睇，一啲都唔輸蝕過一般電視劇咖，而且齋睇劇名，就覺得超特別。《天才在左，瘋子在右》IN仔初睇個名，都覺得無釐頭，細諗一下好似幾有意思咁喎，當然啦，如果睇過原著嘅朋友肯定係唔會錯過嘅。原名網絡小說《精神病人的世界》，在網絡上發表時短短幾個月點擊率就超過643萬次，作者高銘對於探索未知事物總係懷抱著無止盡的好奇心與研究精神，呢部小說基於「當你從一個正常人的角度看待精神病人時，精神病人也在審視著我們正常人」呢一個理念而寫成。咁又幾得意喎，歌仔都有得唱啦「天才與白痴，你痴定我痴？天才與白痴，冇有人會知。」到底呢一部戲係講乜，IN仔都暫時賣個關子先～～
二千萬投資大製作
香港Letv決定投資超過2000萬港幣，全劇30集，每集製作費超過100萬港幣，全劇以4K拍攝，震撼！並且仲特意搵香港電影製作班底於香港取景，原汁原味港劇風情，包你過癮。
首次擔任戲劇監製嘅應採兒承諾：「第一次做監製真係非常緊張，不過我一定會竭盡所能，」應採兒仲笑住講：「既然朋友都來啦，梗係要將小春拉埋落水，佢會飾演劇集內其中一個精神患者的角色。作為我老公，佢當然要與我一同迎接挑戰，畀我無限量支持！」哇哇，認真sweet sweet喎，想虐死狗咩~~~
都係唔講咁多，呢一部香港網絡潮劇大家係咪好想睇咧，噉嘅話大家一定要多多關注IN仔啦，IN仔福利馬上為大家送上~~~
如需要資源請喺會話後臺回覆：天才在左瘋子在右