楊思琦自爆同李嘉欣有親
書展開鑼，不少推出寫真女星都各出奇謀應戰。八月就踏入四十歲嘅前港姐冠軍楊思琦，首次推出寫真除以性感吸納讀者外，書中仲大爆鮮為人知嘅秘史。入面寫佢嘅家族中唔只佢一個有港姐冠軍殊榮，原來1988年香港小姐軍李嘉欣都系佢「親戚」，楊思琦話李嘉欣系佢姑媽嘅姨甥女，雖然大家就唔系好熟，不過偶然喺啲家族聚會都會見到面。除咗爆出同李嘉欣有親戚關外，仲大耍友情牌，搵到薛家燕、曾志偉同陳志雲幫佢寫序。
楊思琦又講番點解當年去選港姐，佢話原來系佢阿媽推佢去，當時自己都自問：「咁嘅樣，點選美啊？」書入面仲講埋自己嘅感情觀，現為單親媽媽嘅佢，原來一直都有追求者，不過就冇適合人選出現，感情仍在空白階段。對於另一半嘅條件，佢話對方外貌系其次，最重要系愛佢同佢個寶貝女，經濟方面亦冇話要咩富豪，唔系話要有好多物業嗰種，但起碼對方可以自己顧掂自己，唔使佢反過來去照顧對方，佢話依家愛情依然期待但只能隨緣咁話。
港版《大叔的愛》！歐瑞偉李偉健浴室錫錫
被封為「BL神劇」嘅日劇《大叔的愛》早前播出，喺中港臺三地引來無數話題，雖然劇集已經曲終人散，但依然掀起熱潮。估唔到無線劇《愛．回家之開心速遞》亦食正呢股HEHE熱潮，搵嚟歐瑞偉（KC）同李偉健（Terry）上演港版《大叔的愛》，見到Terry騷背肌出場，仲展示六舊腹肌同強勁臂彎，大玩出浴誘惑，相當養眼！衝緊涼嘅Terry突然被拉開浴簾，原來系KC闖入嚟浴室，仲見佢欲言又止。結果佢哋互望咗幾秒後，KC突然將手指放喺Terry個嘴上，叫佢唔好講嘢住，繼而錫錫對方嘅額頭，唔少網民都大嗌好閃呀！
其實呢幕出浴戲擺明向《大叔的愛》致敬，但似乎受電視嘅尺度所限，所以冇學足人哋玩嘴對嘴錫錫，只系錫額頭咁小兒科。但難得KC同Terry呢對最強CP「派狗糧」，一班觀眾梗系好滿足，揚言今晚會坐定定煲劇，亦有眼利嘅網民發現Terry同《大叔的愛》嘅男主角田中圭撞曬樣，睇嚟可以繼續拍港版喎！
最近頻頻喺社交網曝光嘅梁洛施（Isabella），近日就會繼2013年再次復出，出席喺中環化妝品活動，喺復出見人前夕，昨日佢又喺Instagram上載一張當年佢抱住只有半歲大嘅大仔李長治嘅相，留言︰「於我而言，家庭重要，事業同樣重要，得到家人的支持，令一向喜歡演藝事業的我能重投工作，做一個有自信兼且獨立的女人！」之後佢仲tag住「#WomensPower #努力工作 #兒子的榜樣 #為愛我的人努力 #獨立自信 #GirlsPower」，睇到佢對今次復出好有決心，唔少網友都留言叫佢加油。
至於Isabella上載呢張抱住大仔長治嘅相，又話「得到家人的支持」，「家人」點都應該有李澤楷份啦；至於點解唔出囝囝新相，而出番2011年發俾傳媒刊登嘅舊相，未知系咪因為「家人」唔想小朋友曝光率太高啦。但估唔到Isabella冇用原相，反而cap過張相，所以質素上有少少散。
生日唔同老婆慶祝 王浩信唔要陳自瑤送禮
王浩信出席無線劇集《解決師》的拜神儀式，一眾藝人切燒豬兼上香，監製劉家豪為7月生日的演員送上蛋糕，大會更貼心準備額外的生日插牌，給同樣本月生日的劉家豪。問到浩信生日會如何與家人慶祝？他說：「生日之前同屋企人食飯，正日就同Fans過。（老婆陳自瑤送禮？）唔使啦，我都唔想佢破費！」
望身形國際化
明顯變肥的浩信表示為新劇增磅，因其角色從殺手演到變體育老師，想身形上有明顯變化，為觀眾帶來驚喜！他說：「依家拍緊肥嘅戲份，拍完三個月就要瘋狂節食，演殺手個人就要收番幹少少！」他表示已增加七、八公斤，現時八十二公斤，笑言有點過意不去，又望身形可以國際化一點。
再拍詩詠有火花
他又表示今次動作戲較多，每星期都有兩、三日武打戲，過程中漸漸變成舞獅界學徒的級數，劇中九成的武打戲都是親身上陣。談到再與唐詩詠演情侶，他表示埋位兩、三日已有火花，而且今次二人飾演老師，感覺較清新。
拉張寶兒客串 袁偉豪全裸露股罅
今年書展都有份出書嘅袁偉豪（Ben），佢自資六位數出圖文集《BEN ON THE ROAD》，書入面除咗騷佢健碩body外，仲有啲激凸泳褲look，喺本書最後一頁，就有張黑白全裸背面嘅相，雖然張相大，個人好細，但都見到佢露股罅。
入行20年嘅Ben，以呢本純影集作紀念，仲去咗印尼峇裡拍攝，而佢女朋友張寶兒，唔只有同行，仲幫手客串出鏡。雖然張寶兒做「影」「後」機會較多，但都feel到佢哋好sweet，而且Ben好識做，喺書最尾出credit時，有落埋女友個名。
講番Ben本影集，取景就包羅萬有，好似落田耕種，佢又落水感受當地習俗，另有佢型仔揸古董車嘅場面，書中仲有Ben開工拍戲，以及做演唱會嘉賓等等內容，當然，最好睇嘅可能系佢個白色泳褲look啦，夠激凸！
高貴優雅！阿嬌著裙褂戴金器影「婚照」
準新娘鍾欣潼（阿嬌）為英皇珠寶拍攝一輯「中式足金婚嫁珠寶系列」廣告，宣傳照中，阿嬌一臉幸福甜蜜似足影婚照，造型婉約動人，完美演繹中式足金婚嫁珠寶配搭出的時尚氣質。
拍攝過程中，阿嬌提到：「當你遇上對的人，幸福就會不知不覺間溜進你的生命當中。就如婚嫁系列金飾一樣，把家人的期待與祝福寄託之中，讓待嫁的新娘滿載幸福感。我亦很感謝親朋好友為我送上的祝福，才令我有如此難忘的婚禮。」
多款足金婚嫁珠寶系列中，阿嬌最愛不釋手的是幸福花嫁系列：「幸福花嫁系列把傳統金飾幻化成迷人的花卉，配襯起各款中式裙褂，令新娘子更顯優雅脫俗。」
準備結婚？李佳芯陳炳銓放風買樓
無線姐仔買少見少，一系就話要嫁人，一系就失驚無神話趕生仔，就連最近無線熱播劇中飾演大肚婆嘅李佳芯，都話趕住結婚！以前Ali做小三、情婦角色多，之前「從良」做專業人士，家陣仲做埋媽媽，仲有報導傳佢受感染想快啲結婚，嚇，乜依家真系咁兒戲㗎？譁！好在以前佢做情婦時冇受感染啫！
不過Ali同男友、ViuTV藝人陳炳銓真系情比金堅，Ali同男友拍拖差唔多四年，好似打風都打唔甩，兩個都冇乜緋聞，雖然話炳銓個樣唔系咁俊俏，但勝在對Ali專一又細心，好似之前Ali做完卵巢手術，佢都好緊張，貼身照顧。Ali同陳炳銓感情穩定，仲周圍放風想喺藝人地膽西貢同將軍澳買樓，似乎系想為結婚做足準備喇。
本文來源網絡，版權歸原作者所有，如有侵權請聯繫刪除！QQ：1040335247