編輯：黃清秀 攝影：柯文雯
相信唔少人對粵式點心都有一種特別嘅情懷，皆因從細食到大！以前得飲早茶先有得食，雖說家陣想幾時食就有得食，但系專注於做粵式點心嘅茶樓屈指可數，而蝦餃妹就系其中一間！有名比你叫「蝦餃妹」，呢度嘅蝦餃當然就系非一般正鬥啦，個頭大皮薄最緊要系餡豐滿，仲有蟲草花參湯浸蝦餃皇添，滿足到不得了，新派做法避風塘蝦餃，真系第一次見！更加頂佢唔順嘅系，全天候！不間斷！都有得打折！快！快！快！往下拉！
一般酒樓功夫茶嘅收費都系會相對貴一D，而系蝦餃妹，每一張臺都會標配一部功夫茶車仔，一坐低就比我感覺好有feel，而且茶位最貴嘅都系5蚊一位，難得啊！
先黎一碗金蟬瘦肉菜粒粥，暖胃又開胃！上臺之後在撒上薄脆、蔥花，好地道嘅一碗老火粥，清熱又降火，咩天時食都無問題！
粥底很滑很綿，無論系賣相定口感，可以睇得出、食得到嘅用心！唔似一般生滾粥，呢度嘅每一羹粥入口都可以食得到肉末，可見其足料程度，幸福莫過於一口清甜暖胃嘅粥！
蒸蝦餃就食得多，避風塘做法嘅蝦餃真系頭一次食！避風塘蝦餃妹，表皮炸過，入口香脆，一咬開一堆蝦仁就湧曬出黎，表層嘅香蒜絕對系點睛之筆，清淡蝦仁加上香口金蒜， 到店必點！！！
上臺先揭開籠蓋，一開蓋四大粒蝦餃赤裸裸甘擺系我地面前，招牌蝦餃妹名不虛傳，只只都皮薄且晶瑩，微微泛紅，蝦仁若隱若現，不受控制甘即刻夾左兩件入我碗，有D貪心添，O(∩_∩)O哈哈！！！
輕輕地一咬柔韌嘅表皮，大大粒彈牙蝦仁就跌出黎，包都包唔住，就知道餡料有幾豐滿，小夥伴一致認同，呢度嘅蝦餃足料程度NO.1啊！！！
我都唔知從幾時開始中意上金網鮮蝦紅米腸，賣相好靚仔，睇住就覺得好有食慾，配有花生醬，當然你都可以叫服務員淋豉油，一鹹一甜！
腸粉皮下系脆口嘅金網，最中間就系彈牙蝦仁，一口咬落去從外到內，先柔韌再脆口跟住就彈牙，層次感十足，反正我就系欲罷不能，愛到不能自拔！！！
循例都要黎翻份金蒜香芋蒸排骨，兒時回憶十足，記得以前細細個最中意就系挑軟骨食，仲有底層嘅芋頭，趁熱食最正鬥！
呢款金絲芥末蘿蔔糕屬於新派做法，蘿蔔糕外邊包裹住酥脆嘅外皮，再淋上少許秘制Wasabi汁，入口脆脆地又帶D微辣，好特別！
飲茶邊少得四大天王之一嘅叉燒包！蠔蓋叉燒包，呢個名好霸氣！！！食叉燒包緊系先捏開佢跟住再慢慢食啦，弱雞甘問一句有無人同我一樣有呢個嘅怪癖，O(∩_∩)O哈哈哈！！！爆口位流出少少嘅叉燒餡，相當誘惑，（¯﹃¯）口水已流一地！！！
最令我欣賞嘅，莫過於呢度嘅叉燒包全部純手工製作，麵皮相當有口感，肥瘦適中嘅叉燒，仲有秘制嘅醬汁，好有誠意嘅叉燒包！！！
新鮮出爐嘅港式菠蘿包，仲系熱辣辣！一啖咬落去，仲要用手拖住，深怕香酥甜美嘅表皮跌落地，O(∩_∩)O哈哈！！！咬開之後，驚喜十足，皆因呢度嘅菠蘿包真系有菠蘿，酸酸甜甜嘅菠蘿包，蝦餃妹又比左我初戀嘅回憶！！！
本以為七彩切糕中間白色嘅系椰汁糕，原來系糯米糕，口感好正，柔柔韌韌，食到中間仲有椰汁味添，灑系表面嘅系麥片，而且又唔會太甜，好健康！
齋睇酥皮姜芽叉燒撻呢個名就知道佢內涵十足，咬開果真有驚喜，皆因真系有叉燒！！！一咬開酥脆外層，叉燒就流曬出黎，酥皮蛋撻相結合，仲要系鹹味嘅蛋撻，不得不佩服大廚嘅創意！！！
食完之後最大嘅感受，就系蝦餃妹對粵式點心嘅用心繼承，例如傳統嘅蝦餃、叉燒包，全部純手工製作，呢個年頭真系好難得！另一個用心體現，莫過於創新！例如傳統嘅蘿蔔糕同秘制芥末醬嘅搭配、叉燒酥皮蛋撻，真系驚喜一浪接一浪！而且家陣下午茶時段（14:00-16:30）仲6.8折，食貨組隊了喂！！！
優惠資訊：
1、10:00前結帳，八折；
2、10:00-14:00前結帳，九折；
3、下午茶14:00開卡，16:30前結帳，6.8折；
4、17:00直至營業結束，八折。
備註：節假日10:00-14:00原價收費。
5、每日仲有一款五蚊特價點心！！！
店名：蝦餃妹
地址：海珠區下渡路150號2樓
電話：020-84462866
營業時間：8:00 – 24:00
交通指引：鷺江路B出口
路線指引：
----我是華麗麗的分割線君
【關於我們】
@吃喝玩樂IN廣州 是廣州地區最大的微博、微信平臺，微博粉絲超過300萬、微信粉絲超過40萬，發布一切關於廣州的生活資訊、美食優惠、玩樂攻略等，如果你想了解更多廣州玩樂資訊，請關注@吃喝玩樂IN廣州 官方微信：Gzlifes
【聯繫我們】
商家撰稿、餐飲推廣、到店採訪請聯繫主編微信：Gz1498，期待與您的合作