今日有兩條爆炸新聞，阿聲睇完後迫切想要轉畀大家，亦歡迎大家喺文末留言一齊呻下~
西瓜買咗未？好！去片：
廿六號，微博有網友爆料#貴州畢節、凱裡有未成年兒童俾人性侵#相關「新聞」，引起網友恐慌同熱議。當地公安機關漏夜對本次事件進行調查，最終得出結論，所謂「新聞」全部都係發帖人趙某某喺網上收集、二次加工嘅流料，然後發上網傳播造謠。目前相關案件仍在調查中……
阿聲好想對當事人講句：「戇勼！生活過得冇癮可以捰自己去「自宮」，但係千祈咪吃飽飯冇屎屙、亂咁噏當秘笈先得架！」
（戇勼：粵音「昂居」，指一個人糊塗。勼，jiu1，聚合也。）
中國嘅吃瓜群眾紛紛推測：孖宋離婚係因為男方同化妝師「偷食」
（吃：粵音「jaat8」，吃的意思，例句：吃飯、吃瓜）
以南韓網友為代表嘅八卦人士推測：孖宋離婚係因為女方性格缺陷
孖宋因為出演電視劇《太陽的後裔》（熱頭冇後）人氣猋升，深受大眾喜愛，大婚時曾有媒體稱讚佢地係「世間最浪漫嘅愛情」。結婚唔夠兩年就掟煲，令觀眾跌澌眼鏡。
（熱頭：本字為日頭，指「太陽」）
講開又講，人地掟煲關我地咩事？
有啲人連自己嘅另一半喺邊都未知。西瓜吃多咗對身體唔好，特別係嗰啲冰凍西瓜，食多咗容易搞到肚瀉屙爛X……
建議大家得閒多啲跟阿聲學下粵語字詞，提高文化自信，OK？