陳瀅3次檢測肯定冇確診
意外曬加拿大溫馨大宅
該新聞包含視頻，即將在公眾號tvbvideo推送，敬請關注！！
藝人陳瀅早前講過自己今年聖誕同新年會返溫哥華陪屋企人過，就算要隔離都堅持返加探佢至錫嘅婆婆，估唔到佢咁快手趕得切同家人做冬，同埋陪家姐過生日，仲自爆做足3次唔同嘅檢測，肯定自己冇確診，加埋佢全身消毒過，先敢見婆婆！
安全曬！
陳瀅蹦蹦跳咁返屋企。
佢做足3次檢測，肯定冇確診先返屋企。
見佢一返到屋企就拍曬片，喺玄關位就已經勁興奮，又彈又跳咁走入屋，仲攝手攝腳咁走嚟走去，畀婆婆一個Big Surprise，睇嚟佢個驚喜實在太大，婆婆竟然感動到喊咗出嚟，睇嚟一家人感情真系非常好。
婆婆開心到喊！
不過網友就Get錯曬重點，Focus曬喺陳瀅間大宅度，一Roll機就見到大大條樓梯，轉角位就見到偏廳有張6人大臺，窗外就見到後花園一角，再轉多個90度就見到廳入面嘅巨型真皮梳化，裝潢都幾有東方氣息，真系夠曬溫馨呀！
一轉身就見到轉角樓梯。
偏廳有大臺又見到後花園一角。
大廳就有巨型真皮梳化。
陳瀅回復東網指佢仲要完成家居隔離，先叫正式「放監」：「加拿大規矩系要家居隔離，不過我都戴口罩同保持兩米距離，我見到婆婆都冇得攬攬，好心噏…我喺香港臨飛之前就做咗2個唔同嘅檢測，Make Sure 2個都OK先上機，不過上機就冇得食嘢，都系得凍嘅生果等等，不過過關都快過之前，冇乜人飛。香港機場好多店鋪都閂咗，都好唔開心，之前咁繁忙，依家就咁…我自己依家每日都會做1個Test，之前香港買落，自己都驚，不過最擔心都系婆婆，因為佢年紀大。」
問到佢未有同婆婆攬攬，佢都表示唔敢同婆婆有太近距離接觸：「我自己見佢之前都全身消毒，搭飛機著過啲衫全部都換過曬，衝過曬涼，啲喼都消毒曬先敢拎入屋，因為我自己都擔心。見到婆婆但又冇得攬，我自己都覺得好掛住，好想攬佢，不過都為大家健康著想，大家呢個時候都要保重身體、身體健康！」
該新聞包含視頻，本號暫時無法上傳，
想看的粉絲請留言，小編會提供連結。
---
劇迷經典QQ1群再次擴容 名額有限速加:528244262
商務合作QQ：2063871309
每天更新火爆港劇視頻資訊！
還在為找劇煩惱？那就趕緊關注我吧！
最新最快最全：關注備用號tvbvideo，回覆：2020
（長按下圖識別二維碼即可輕鬆關注）