點擊上方 ↑↑ 即可關注「金句王」
朋友Ceci，對於check另一半呢個行為好似上咗癮一樣。
習慣去查對方通話記錄，睇微信聊天記錄，睇朋友圈點讚、評論等等。
總之要同佢拍拖，首先唔該你交出所有社交平臺嘅密碼。
我成日話佢唔好查慣手勢啦，嘗試下去相信對方。
佢就話，系因為以前俾男人呃得太多。
所以對男人對愛情都再無信心。
唯有睇到對方啲記錄乾乾淨淨，先會真正安心。
或者好多人都系咁，曾經經歷過欺騙之後就唔能夠再去相信人。
於是終日就提心弔膽。
自己難受之餘，其實做佢另一半都一樣好辛苦。
其實呢種用監視對方一舉一動，去得到安全感嘅行為。
根本就系一種病態，一種虐人又自虐嘅心病。
朋友Mary就從來都無去check另一半嘅嘢。
佢話佢覺得如果連親密嘅另一半都唔能夠相信，咁佢都系一個幾可悲嘅人。
而且check電話呢樣嘢系會上癮。
一旦開始咗用呢個方法去獲取安全感，你就會跌落呢個好奇嘅黑洞。
一旦你開始咗覺得呢個行為系無問題，你就會繼續去做繼續用呢個方法去窺探對方。
所以千萬唔好開始，好奇心真系會殺死貓。
再者，揀男女朋友其實同揀普通朋友一樣，你選擇得呢個人，就請你去信任。
如果對方系一個令你無法信住嘅人，咁我諗你要操心嘅並唔系對方有無瞞住你去搞三搞四。
而系去搞清楚：究竟系你無辦法去信任人，定系對方唔系一個你可以去信任嘅人。
愛情系應該要對對方坦白，要坦誠共處。
但唔代表要將所有私隱都巨細無遺俾曬你睇。
一段互相猜疑互相窺探嘅關係，只系一種折磨。
金句王
微信號：jinjuking
睇金句王，爽過去爆房！
每日發布粵港澳第一手開心嘢！
粵語 | 爆笑 | 搞嘢 | 吹水 | 抵死 | 頂癮
歡迎搭訕 投稿都啱 合作更贊 小編微信: KingKingGuy