話說尋晚喺【空中一號】搞#羊城網16周年#慶生Party！美女+俊男+美食，認真和味咯！！！
Party完咗之後，作為廣州交友小達人嘅阿咩，我梗系仲有下場啦！（其實系因為Party搞到好夜，於是同老世攞咗半日假，第二日下晝返工）夜麻麻又凍冰冰，最啱就系打返個邊爐做宵夜！
但系估唔到，我只不過點咗一個芫茜，我就失去咗一段多年嘅友情...友情，竟然敵不過一碟芫茜！究竟芫茜有咩魔力，可以令一個人如此抗拒，寧願用友情作為代價，都唔食？
芫茜，學名芫荽，一種蔬菜，又叫香荽、胡菜、原荽、園荽、芫荽、野香草、假香荽、緬芫荽等。因為「荽」嘅粵語發音同「衰」，意頭唔好，所以喺粵語區好多人都讀成芫茜（音同「鹽西」或「元西」）。
芫茜咁香，點解咁多人唔中意食？其實同榴槤、臭豆腐呢類食品一樣，有人覺得香，都有人覺得臭！大文豪歐陽修喺幾百年前就已經講：「芫荽味苦而寒，不宜餵之。」可以睇出，都有唔少人對芫茜都深惡痛絕！
如今，世界各地分為「誓死抵抗香菜聯盟」同「捍衛芫茜權利聯盟」！（唔好問點解有兩班咁無聊嘅人…）。
「誓死抵抗香菜聯盟」致力於傳播世界各地各種「芫茜暗黑料理」、芫茜暗黑餐廳、食芫茜變態人士，傳播各種食芫茜會治病嘅流言，務求「掰彎」鍾意食芫茜嘅人，令佢哋討厭芫茜！
下面請欣賞「誓死抵抗香菜聯盟」發嚟嘅《芫茜暗黑料理之睇到都眼冤》：
而「捍衛芫茜權利聯盟」就相反，佢哋不斷宣揚食芫茜嘅各種益處同功效，傳播各種芫茜美食、創新食法，務求令世界各地厭惡芫茜嘅人都可以對芫茜改觀！
下面請欣賞「捍衛芫茜權利聯盟」發嚟嘅《芫茜美食幸福大放送》：
經過咗尋晚嘅宵夜，我對友情、芫茜、甚至三觀都有咗全新嘅認識：
咩叫真正嘅朋友？
真正嘅朋友，就系打邊爐嘅時候，你點咗一碟香菜，佢仍然肯笑住同你打到最後，佢居然肯笑住同你AA，忍到返屋企先拉黑你.
點先算真正愛一個人？
真正愛一個人，就系佢食咗一大碟芫茜，而你依然肯同佢打茄輪，而且忍到返屋企先急住擦三次牙.
你系「誓死抵抗芫茜聯盟」
定「捍衛芫茜權利聯盟」呢？
喺留言區分享下你
鍾意或厭惡芫茜嘅理由。
最具真情實感嘅前五位自己友，
阿咩會送出一份神秘禮品！
綜合自香港高登論壇、百度百科、
互動百科、新浪新聞、新浪微博
廣古封：派一封利是，講一個故事……
廣古封丁酉年全新設計，每盒包含六款，吉利廣東俚語設計，最啱派利是豪氣爽手嘅老世！手機掃描背面二維碼，即刻挑戰【估畫粵語】，今年拜年同兄弟姐一齊鬥智啦！
零售價：￥48文/盒
點擊底部【閱讀原文】或掃描二維碼即可掃貨
淘寶購買搜索店鋪【羊記雜貨鋪】
團購或定製請聯繫：020-83195715-805