榮獲「2012年度廣東地標美食」稱號嘅
品珍魚湯美食坊
新開旗艦店啦！
為咗令更多街坊品嘗到新鮮美味，品珍魚湯美食坊特意新開旗艦店——漁米豐-華笙店，除咗招牌嘅魚包魚面，仲新添咗多款老火燉湯、原盅燉飯同美味小菜！品珍魚湯美食坊一直獲得著數君嘅歡心，今次開新店，當然要拉埋小夥伴「快馬加鞭」去試菜啦！
漁米豐-華笙店位于越秀區長堤大馬路，交通十分方便，門口就是愛群大廈公車站，車水馬龍，人來人往。咁多人嘅，發生咩事？！「睇得到，更新鮮」！原來漁米豐-華笙店依然保持開放式廚房比各位街坊「欣賞」魚包的誕生，保證新鮮衛生。我企圖想偷師，最後都喺覺得乖乖地入去品嘗美味好啦！
唔喺嘛？！仲未到午飯時間已經咁多人，雖然新開張無耐，但系人氣一D都唔輸品珍。
店內裝修時尚別致，有別於品珍嘅傳統簡約，更加舒適，吃飽飽都仲想坐多一陣嘆下先！
準備好紙巾，我地開餐啦！試咩先？當然系招牌主打小菜啦！
將魚腩煎至金黃色，外皮脆，內裡嫩，夾住蔥蘸醬油，口感那是極好滴！我建議熱嘅時候吃，味道更加濃鬱哦！師傅將剁碎嘅墨魚躂成魚膠，功夫真喺了得，睇到我「眼瓊瓊」，令墨魚餅更加有嚼勁。
哈哈哈，你地註定要比我好好品嘗嘅啦！
兩面煎成金黃色，皮脆肉嫩，無需加任何調味料，就感受到鹹水魚天然嘅鹹香味同淡淡嘅焦香，棒棒噠！招牌嘅漁米豐孖寶當然都唔可以放過！
彈牙嘅魚包，爽口嘅魚面，仲有金黃嘅魚餅同鮮甜嘅魚湯，完全保留水準，正！
將烏雞、椰肉和各種藥材放入椰子，倒入椰汁，燉出來嘅湯非常清甜，充滿椰香，對皮膚仲好好添，梗系要飲曬佢啦！
最近間唔中都會落雨，溼氣重，飲翻盅魚腥草燉瘦肉就最啱啦！雖然魚腥草嘅味道唔喺個個可以接受，但系哩款湯清熱解毒，利尿祛溼，好有益嘅！
將馬蹄、魷魚和瘦肉一齊剁碎拌勻，先用燉盅燉熟米飯，再放入肉餅，非常鮮香。馬蹄中和咗肉餅嘅油膩，仲非常爽口！非常傳統普遍嘅一款飯，但系放系燉盅入面，好似突然間升le，最重要嘅系，真系好好味！我被小夥伴搶走咗半個鹹蛋，表示深深的不忿！雖然系排骨，但系依然啖啖肉，融入豆豉的鹹香味，簡直系絕配！仲非常好送飯，眨下眼就消滅一盅飯啦！吃飽喝足，我同一眾小夥伴都感到非常滿意，想感受最正宗嘅手打魚包魚面同各款燉湯燉飯，梗喺來漁米豐-華笙店啦！地址：廣州市越秀區長堤大馬路372號（中山醫科大學孫逸仙紀念醫院旁）
電話：020-81883151
營業時間：09：00—19：00
人均消費：30元
路線指引：
公交：愛群大廈站（128路,131A路環線,131B路環線,134路186路,208路,57路等）
地鐵：6號線一德路站，沿賣麻街走60米，左轉進入海珠南路，走300米後右轉進入長堤大馬路，走140米即可到達