又去搵食啦！仲唔快D關註上面藍色字【食樂去】!!!
廣州人的生活壓力真系好大 工作又繁忙
有時候真系好想搵個地方
拋開一座山甘高嘅文件 靜音果部響唔停嘅手機
搵一個下午 消失2個鐘
唔霖工作 唔開Wifi
飲茶，吃糕點，勾搭隔離臺吹水
真系好愜意
【凪居茶室】
「凪」（zhǐ，廣州話讀「止」，日文系Nagi）
Nagi系日本某條村嘅名，解作「風平浪靜」
正如Nagi公眾號嘅介紹一樣
[風平浪止之時，細味生活小事]
居酒屋就聽得多啦
「居茶室」（Tea House）我都系第一次聽
Nagi之所以唔系coffee house又唔系wine house
就系因為茶室系比人「吹水」嘅
店主迪高兄話
「吹水」其實就系舊時飲茶的時候D茶太熱了 要吹開佢攤凍
而吹水同吹牛唔同
佢基本唔帶有感情色彩
可以話系聯絡感情 交流思想的渠道
比「聊天」親切D 市井D
迪高兄仲話
Nagi其實唔系一間日系店
他唔想將所有野都去做定義
因為每樣野都應該有佢自己嘅Style
但系
呢個「營業中」的木牌真系好有日本feel囖
Nagi坐落系旺中帶靜嘅華樂路
同之前介紹過嘅coffee shop或cake house唔同
居然堂而皇之甘坐落系華樂路嘅大街旁邊
無須轉彎抹角
亦唔洗左穿右插
全白色的設計 大氣的門面
好難忽略佢
皆因迪高兄同唔少食貨一樣系一個「懶」人
懶得去捐窿捐喇搵食
加上鋪面正對著嘅馬路街景
佢話覺得好有香港街頭嘅feel
約中午飯點後入座
居然已經就快坐滿
其實都唔出奇
寬敞的店面只系放置左4張臺+一張長吧檯
加起身只有15個位
純白色與木質家具的簡約設計
同好多Cafe的格調截然唔同
感覺純淨、舒服、輕鬆、心情明朗
日式style嘅設計但系絕對唔系一間日系店
因為裡面居然播住韓文歌（皆因佢中意哈哈）
韓文嘅節奏和歌曲嘅音量都令人舒適
呢個時候
迪高兄又來金句：
我自己本身好中意白色啦
加上人生都已經甘黑暗啦
做咩搞到甘昏暗wor
（已經笑cry...）
呢張酒吧+日本壽司吧設計feel的長型木質吧檯
系店主專登設計來增加同客人的互動交流
呢個都系店主點解要打造一間茶室而唔系咖啡廳的原因之一
為左極大限度甘「強迫」客人放低手機
享受寧靜嘅片刻
佢地甚至乎霖出唔安裝Wifi的「絕招」
但系客人問得多
之後就....（你懂的）
如果以為Nagi只系一間純粹比你吹水嘅茶室
甘你就錯了
誰不知除左迪高兄之外
仲有3位美女合伙人坐鎮系度
其實佢地四個嘅真正身份系擁有數年知名五星級酒店經驗嘅厲害人物
正如Nagi公眾號裡面呢句牛X嘅話一樣
[你所知道的最好的國際五星級酒店的貴賓接待流程 我們倒背如流]
4位合伙人均出身於知名五星級酒店
有五星級嘅服務，當然亦有五星級嘅美食
抹茶
系Nagi嘅主推系列
亦系佢地嘅「殺手鐧」
苦澀帶有回甘甜味的抹茶
可以話囊括曬老中青三個年齡層
正如迪高兄話齋
唔中意芝士嘅人 連芝士蛋糕都唔會吃
但系就算系唔中意抹茶嘅人 都願意嘗試
玻璃櫃裡面80%當然系主打嘅抹茶cupcake
仲有抹茶慕斯蛋糕、抹茶泡芙、抹茶馬卡龍
我都唔知呢度究竟系抹茶控嘅天堂定系地獄啊
Help Me!!
仲有同樣帶來深深罪惡感嘅朱古力cupcake
此處不應多拍照
宜落單
皆因 手快有 又慢冇
抹茶Cupcake ¥18
Nagi嘅每一件抹茶甜品
都系美女蛋糕師自信滿滿嘅作品
用最好嘅日本宇治抹茶
唔添加化學劑或者香精
頂級嘅抹茶只有日本皇室先可以享用
因此Nagi將可以市面上供應到最好嘅抹茶帶到翻廣州
沉甸甸的手感
cupcake頂層的抹茶cream紮實，濃香，絲滑
經過多次調整抹茶的濃度後
少左一分苦澀，多左幾分香甜
cupcake本身有種微微的溼潤感 因此味道並唔會幹澀&死板
奶油配上蛋糕一啖食落去
真心覺得值得 唔膩 唔會過甜
一次食幾個都沒問題
抹茶控嘅我當然系停唔到啦
磅蛋糕（抹茶+香草味）¥14/2pcs
用純天然香草籽製作
粒粒黑色香草籽不均勻地分布系蛋糕裡面
密集恐懼症者不宜細看
味道淡而芳香
並唔會好像外面用廉價香草香精嘅味道
抹茶的用量會比cupcake稍微少D
但系依然擋唔住抹茶香味的散發
兩個味道實在系好夾
飛天旋轉一口泡芙 ¥9
個名非常把炮
因為比迪高兄催住話快D食而捕捉唔到截面圖
真系一口嘅size
然後咬開 爆漿
成口抹茶醬啊大佬！
一個似乎真系唔夠
同埋唔夠大隻啊!!!
所以我呢排一直轟炸佢製作特大泡芙
呢個泡芙限量供應
任性嘅店主系5月份又有新搞左
所以想食 就快D啦
Nagi's Tea
有蛋糕點可以沒茶
話明叫tea house
茶當然系壓軸出場
精選5A級鐵觀音
再加入唔同種類的茶葉進行調配
就甘產生左化學嘅反應
店主賦予佢地極具詩意嘅名字
「初遇」「侯雨」「回眸」「彌生」
每一款茶都吸引
每一款都想試
迪高兄話
之所以唔想做咖啡
唔系因為佢唔識（自帶五星級酒店的光環與自信的言語）
系因為咖啡太容易複製 批量化生產
而衝茶
每個人有唔同的手藝和功夫
同埋要致力於發揚中國人自己嘅野（好偉大啊哈哈）
（圖via迪高兄）
聽講每款茶都有佢嘅故事
等俊男美女的店主來同你慢慢「吹水」吧
呢張吧檯位都幾受歡迎
可以欣賞衝茶 可以吹水 可以發偶逗
所以 霸位要趁早
令人感到溫暖嘅
除左每一壺好茶之外
呢度居然仲可以將客人自己鍾意的茶杯keep住系度嘅服務
等你下次過來吹水嘅時候
用翻你嘅專用杯
一邊飲 一邊吹
兼且仲有BB專用餐具
真系好貼心
最後
真系非常多謝迪高兄將近1個小時嘅吹水
輕鬆愉快 笑場N次
有堅持 有原則 有態度
只做自己嘅品牌
短短嘅吹水真系獲益良多
（圖via迪高兄）
言談之間霖起自己嘅【食樂去】
純粹系個人興趣 並沒商業成分
真金白銀消費完
唔收廣告費
每日落班之後仲要P圖碼字
因此產量極低 但每一篇都用心撰寫
只為左自己一個小小的執著和興趣
堅持真系唔容易
都系果句
中意的話轉發+分享
原創作品！支持請加粉+留言
【凪居茶室】
地址：廣州市越秀區華樂街道華樂路32號A3鋪位
電話：83849527
營業時間：12:00——22:00
（不定休/周末有機會提早好多估清 可先電話諮詢）
【版權聲明】
本文為原創作品（圖片+文章），
版權為公眾號@食樂去 所有，
（私人微信：kayu_only）
未經允許，禁止轉載。
識別下圖二維碼，【食樂去】等埋你啊!