【粵點粵德】在江門街已經開咗兩家,一家在東華一路金華商業中心地下,另外一家在迎賓路農業銀行隔離;阿肥對粵點粵德既印象就系,秉承廣式茶樓既特色,融合中外美食文化,打造特色茶樓點心,將廣式茶樓美食做得精之外同埋做得更加出色。
江門【粵點粵德】大有來頭,廣州著名餐飲名店【點都德】大茶樓在省城廣州獲獎無數,好評如潮,正系咁,在江門烹飪協會梁少華會長機緣巧合之下將佢引進我哋江門,將點都德優質既經營理念及精美出品COPY,在江門街一炮而紅。
以下圖片系阿肥在佢哋個公眾號簡介截取出離,就睇呢幾張貌似簡單既圖片,就知道【粵點粵德】系點樣用心去經營呢間茶樓。
東華店環境
迎賓店環境
【粵點粵德】的裝修風格木架構屋頂充滿中國式建築元素令人感到空間感好強,整個大廳明亮的光線令到客人舒適,阿肥最鍾意佢個假窗設計,西洋彩色玻璃窗好有意思,果種投射住光線既感覺好舒服。
【粵點粵德】出品既點心,除咗傳統既廣式點心,蝦餃燒買腸粉糯米雞等等都做得出色之外,其他融合咗西式或者日式美食既點心都值得你一試。
(1)青芥天婦羅蘿蔔糕,脆脆既腐皮絲包住傳統既蘿蔔糕,裡面滲透住青芥末,鹹香既蘿蔔糕帶住一點嗆人既口感;
(2)花旗參四色蝦餃皇,傳統蝦餃餡改變成為四種顏色,各有特色口感,附帶好似小籠包鮮湯既湯汁,咀一啖湯,吃一啖蝦餃,正!;
(3)豬肝粉包,腸粉皮包住剁碎既豬肝粒,肉汁鮮味,清爽之餘唔會膩喉,不錯不錯!;
(4)天鵝紅豆酥,造型得意,餅乾做既鵝頸,加上外酥內軟既紅豆餡,小甜點,超sweet!
點心材料新鮮,擺碟精美,就呢一樣已經打破傳統茶樓既籠仔特色,從視覺上已經攞咗滿分;阿肥認為【粵點粵德】有一個重要既一點,佢地既點心,都系自己師傅純手工製作,現點現做,並非好似有的茶樓系做配送服務,只系現場加熱節省人工成本;另外一點就系茶水系精選純天然山泉水,定期專車運送到店,再經過多重過濾後才使用,俾到真正識得品茶既茶客一個好大既信心。
好啦,今日就講住咁多先,【粵點粵德】有幾好吃,你有時間就親自去品嘗下啦。
地址:江門市蓬江區東華一路金華商業中心(購書中心樓下)
電話:0750-3322088
地址:江門市蓬江區迎賓大道西11號101號鋪(農業銀行隔離條街口)
電話:0750-3222188