呢個字,堪稱廣東話中嘅百變孫悟空!你識曬嗎?

廣東話簡潔方便，

好多字都可以一字多用，

就好似下面呢個字，

你只需要學識用呢一個字，

就可以行曬成個大廣州，

講曬最地道嘅廣州話。

呢個字，堪稱廣東話中百變孫悟空！

「埋」是廣州話語彙中最大本事嘅單詞之一。佢身兼數職，而且作為每個詞性都有好多種用法，含義豐富，仲可以將你所要講嘅話簡潔化用形象化，簡直就系令人嘆為觀止嘅一個多功能字彙。

一齊嚟睇睇「埋」字喺廣東話中系點用嘅？

動詞

（動詞打詞~~？？）

1、掩埋。

呢個同普通話相同的意義偶爾才用一下，而且常常講「嵡」[ngung1](唔知系咪呢個字呢)，比如「埋落地底」、「嵡落地底」（掩埋到地下）。

2、整合、結算。

比如埋數（商家打烊前結算當天營業額），埋單，埋尾（事務即將完結）。

舉個慄子：【遲到嘅埋單，開心到dum一聲~】

3、靠、靠近。

比如埋頭（輪船靠岸。與普通話「埋頭苦幹」截然不同；童謠「火車開身，火船埋頭；肥佬論盡，跌落碼頭。」），埋岸（同「埋頭」），埋嚟（過來），埋站（火車、汽車靠站），埋年（靠近年底），埋櫃（接近櫃檯，指打劫），埋手（下手、著手），埋身（貼身）。

舉個慄子：【冇乜事唔好埋我身啊，fing曬D汗水比你噶~】

4、閉合。

比如埋口（傷口癒合），埋閘（商鋪關門），腦筍未生埋（比喻幼稚或冇腦）。

舉個慄子：【腦筍都未生埋學人拍咩拖啊~~】

5、進入。

比如埋位（就坐），埋檯（入席），埋竇（各種動物回歸巢穴。也喻結婚、同居，取「進入小家」之意），埋籠（專指雞鴨鵝回歸籠裡)，埋棧（入住旅館）。

舉個慄子：【大家埋位先，睇下今日菜單有咩好食？】

6、組合、匯聚。

如埋會（指組成行會、幫會或加入各種行會、幫會），埋堆（匯聚在一起；也喻結婚、同居），埋欄（指情投意合，不用於男女情感，「傾唔埋欄」就是「話不投機」；或指合夥）。

舉個慄子：【班友仔個個周末都會埋堆開party，鬼死咁嘈~】

補充說明動詞

（即語法上的補語）

1、表示趨向。

如行埋嚟（走過來），捅埋去（往裡推），擠埋啲（往裡放），掃埋一邊（往邊上掃）。

舉個慄子：拍合照時【喂，坐埋D啊，影唔到你啦~~】

2. 表示狀態。

如縮埋一舊（縮作一團），眯埋眼（閉上眼睛），黐埋一齊（粘合一起），閂埋門（關上門）。

舉個慄子：【真系痴痴呆呆，坐埋一臺】

3. 表示範圍。

意為「全部」、「連……也」「一起」等等。

如畀埋佢（全給他），攞埋（全拿走），侵埋佢玩（讓他也加進來來玩），衫都溼埋（連衣服都溼透了），拎埋我嗰份（連我那份也提走），老豆都鬧埋（連父親也罵了），車埋我去（載我一起去），等埋你（等你一起），搵埋我（找我一起）。

舉個慄子：【好閨蜜就系要咩野都俾埋你~】

4.表示情態。意為「老是」、「淨是」等。

如：食埋啲煎炸嘢好熱氣嘎（老是吃煎炸的東西很上火的）；買埋啲流嘢仲以為執倒寶添（淨買些假貨還以為撿到寶貝）；交埋啲損友點得啵(老交不良朋友怎麼行啊）。

舉個慄子：【個老細成日要我做埋曬D冇鬼用嘅report，真系好想死！~】

5.表示完成

如：食埋飯（吃完飯），收埋（收了起來），寫埋個帖（寫完帖子），衰埋（失敗收場），死埋啦（已經死了），走埋囉（逃掉了）。

舉個慄子：【唔好嘈，等我睇埋出電視先~~】

6. 加在疊用動詞的後面疊用，表示頻率，經常性。

如：執執埋埋（不斷地撿、收）， 收收埋埋（不停收藏、貯存），儲儲埋埋（長期不斷存錢），攞攞埋埋（不斷地拿）

這種說法可以變為「X埋X埋」的形式（如執執埋埋——執埋執埋），表達效果完全一樣。

舉個慄子：【哇~原來廣州百事通收埋收埋有咁多筍野睇噶喔~】

形容詞

1. 近，內，靠裡的。

如坐埋啲（往裡坐一點），挨埋牆（靠近牆壁），躝埋一便（滾一邊去），埋便（裡邊），埋低（裡面）。

舉個慄子：拍合照時【喂，坐埋D啊，影唔到你啦~~】

2. 投合，合得來。

如我同佢好傾得埋（我和他很談得來）；佢哋兩個行得好埋（他們倆挺合得來）。

3.靠得攏，契合。

如：個櫃桶趟唔埋（那抽屜推不攏）；度門閂唔埋嘅？（那扇門關不攏的）

4.準確。

如【呢場波我買恆大贏，話埋系亞冠冠軍吖嘛！】（這場球我估摸恆大取勝，說準了它是亞冠冠軍呀）

【估冇雨落仲唔帶遮，話得埋嘅？】（猜測不會下雨還不帶傘，說得準的嗎？）

連詞

同埋，相當於「和」。

舉個慄子：【我同埋你一齊去】（我和你一起去）

介詞

相當於「在」。

如縮埋角落頭（瑟縮在角落裡），黐埋一齊（粘在一起），匿埋門後便（躲在門後），收埋枕頭底（藏在枕頭下）。

舉個慄子：【頂，嚇到我即刻將我對腳縮埋起身~~話緊呢幅圖啊】

「埋」字真系好多用法，

只要識埋咁多種「埋」，

包你廣州話仲掂過lok蔗~~

你學識用未啊？

▼好聲音進行得如火如荼

進去為你喜歡的選手投上一票吧▼

合作或建議，聯繫QQ：2254520590