成日講支持廣東話，但你對博大精深嘅廣東話文化認識有幾深呢？早前TVB節目《男人食堂》就同大家上咗一堂課，教大家認識咩系粗口同粗口嘅歷史，但因為電視尺度關係，所以就唔能夠教大家說文解字。
雖然用粗口鬧人系好唔禮貌，但從學術角度研究下似乎都無壞啊，所以依家就教大家點寫點解啦！
1.雕？雕咩先？
粵音：diu2
俗寫：「門小」
解說：
在臺灣和大陸地區此字唔只系粗口，仲有「好型好正」的意思。不過在廣東話中，此字原本作名詞用，系男性子孫根的意思，現在演變成動詞。
「屌」字諧音多變，例如「小」、「丟」、「挑」、「妖」，明末名將袁崇煥的口頭禪「掉哪媽！頂硬上！」大家都聽過。不過原來粗俗語「頂你個肺」的「頂」字都系由「屌」演變出來！所以「頂你個肺」……都幾重口味！
2.性器官？男士啵？
粵音：lan2
俗寫：「捻」、「門能」
解說：
這個字解作男性子孫根，《康熙字典》早有收錄。根據《普通話閩南方言詞典》所講：「良刃切，震韻，閩南人指男性生殖器」，可見此字源自閩南地區，及後傳至東莞；而香港開埠時期唔少東莞勞工來港，佢哋十句說話八句有「lan2」，令此粗口字演變出唔少港式粗口，如「法蘭西皇帝（France King）」（費事傾）。
3.戇乜嘢呢究竟？
粵音：gau1
俗寫：「鳩」、「尻」、「門九」
解說：
「㞗」同樣解作男性子孫根，「鳩」字只系雀仔咁解，《詩經》都有唱：「關關雎鳩／在河之洲／窈窕淑女／君子好逑」；「尻」則解作「屁股」，《康熙字典》中有提過：「尻，脊骨盡處……」九十年代周星馳的「無釐頭」文化，其實本應系「無釐頭尻」，意即「無頭無尾」、不依邏輯，同俗語「㞗噏」（胡說八道）意思相似。
4.其實你都幾笨_㗎？
粵音：cat6
俗寫：「柒」、「門七」
解說：
此字肯定最令人諗爆頭！話說《康熙字典》都無呢個字，只得馮田獵的《粵語同音字典》和前中大校長李卓敏博士所編的《李氏中文字典》先有出現。研究粗口文化的彭志銘話此字以前解作「陰囊」，但慢慢同化做子孫根的意思，變得「㞗不分」，俗語「㞗一條、_一條」就形容男人光棍一條，身無分文。
5. 粗口界唯一女性？
粵音：hai1
俗寫：「門西」
解說：
一門五傑中唯一女將！不少人將俗寫字「門西」讀作「西」。而「屄」字國語讀音系「B」，近年聽得多的內地常用的「牛B」、「傻B」的「B」字就系此粗口字！彭志銘話粗口五字中，只有此字帶點「象形」文化。「屍」可解作身體，「穴」就自然系洞穴之意，符合中國造字原則！
睇完字都唔明？睇完片可能你就會明曬！